ഒമാനില് നിന്ന് അബുദാബിയിലേക്ക് റെയില്പാത; മണിക്കൂറില് 200 കിലോമീറ്റര് വേഗത
Synopsis
അബുദാബിയെയും സുഹാറിനെയും ബന്ധിപ്പിക്കുന്ന പാസഞ്ചര് ട്രെയിനിന് മണിക്കൂറില് 200 കിലോമീറ്റര് വേഗത ഉണ്ടാകും. മണിക്കൂറില് 120 കിലോമീറ്ററായിരിക്കും ചരക്ക് ട്രെയിനുകളുടെ വേഗത.
മസ്കറ്റ്: ഒമാനില് നിന്ന് അബുദാബിയിലേക്ക് റെയില്പാത വരുന്നു. ഇതു സംബന്ധിച്ച സുപ്രധാന കരാറില് ഇരുരാജ്യങ്ങളും ഒപ്പുവെച്ചു. യുഎഇ പ്രസിഡന്റ് ശൈഖ് മുഹമ്മദ് ബിന് സായിദ് അല് നഹ്യാന്റെ ഒമാന് സന്ദര്ശനത്തിന്റെ ഭാഗമായാണ് ഇരുരാജ്യങ്ങളും ഇക്കാര്യത്തില് ധാരണയിലെത്തിയത്.
ഇത്തിഹാദ് റെയിലിന്റെ സിഇഒ ഷാദി മാലകും അസ്യാദ് ഗ്രൂപ്പ് സിഇഒ അബ്ദുല്റഹ്മാന് സാലിം അല് ഹാത്മിയും ചേര്ന്നാണ് കരാറില് ഒപ്പുവെച്ചത്. അതിവേഗ റെയില്പാത പൂര്ത്തിയാകുന്നതോടെ യുഎഇയ്ക്കും ഒമാനും ഇടയില് 47 മിനിറ്റില് യാത്ര ചെയ്യാനാകും. ഏകദേശം 1.160 ശതകോടി റിയാലാണ് പദ്ധതിയുടെ ചെലവ് പ്രതീക്ഷിക്കുന്നത്. അബുദാബിയെയും സുഹാറിനെയും ബന്ധിപ്പിക്കുന്ന പാസഞ്ചര് ട്രെയിനിന് മണിക്കൂറില് 200 കിലോമീറ്റര് വേഗത ഉണ്ടാകും. മണിക്കൂറില് 120 കിലോമീറ്ററായിരിക്കും ചരക്ക് ട്രെയിനുകളുടെ വേഗത. മണിക്കൂറില് പരമാവധി 200 കിലോമീറ്റര് വേഗത്തില് സഞ്ചരിക്കുന്ന പാസഞ്ചര് ട്രെയിന് വഴി സൊഹാറില് നിന്ന് അബുദാബിയിലേക്ക് ഒരു മണിക്കൂര് 40 മിനിറ്റിലെത്താനാകും. സൊഹാറില് നിന്ന് അല് ഐനിലേക്ക് 47 മിനിറ്റില് സഞ്ചരിക്കാനാകും.
ഒമാന് റെയിലും ഇത്തിഹാദ് റെയിലും ചേര്ന്ന് രൂപീകരിക്കുന്ന സംയുക്ത കമ്പനിയാകും റെയില്വേ ശൃംഖലയുടെ നടത്തിപ്പും പ്രവര്ത്തനവും നിയന്ത്രിക്കുക. യുഎഇ റെയില്വേ ശൃംഖലയെ സുഹാര് തുറമുഖവുമായി ബന്ധിപ്പിക്കുന്നതോടെ പ്രദേശിക തലങ്ങളില് വ്യാപാരം സുഗമമാകുമെന്നാണ് പ്രതീക്ഷ. ഒമാനും യുഎഇയും തമ്മിലുള്ള ദൃഢമായ ബന്ധം കൂടുതല് ശക്തമാകുന്നതിന് കരാര് വഴിയൊരുക്കുമെന്ന് ഷാദി മാലക് പറഞ്ഞു.
ഒമാന് സന്ദര്ശനത്തിനായി യുഎഇ പ്രസിഡന്റ് ശൈഖ് മുഹമ്മദ് മസ്കത്തിലെത്തി
യുഎഇയില് കൊവിഡ് നിബന്ധനകളില് ഇളവ് പ്രാബല്യത്തില്; ഇനി മുതല് മാസ്ക് നിര്ബന്ധമുള്ളത് മൂന്ന് സ്ഥലങ്ങളില്
അബുദാബി: യുഎഇയില് കൊവിഡ് പ്രതിരോധത്തിന് ഏര്പ്പെടുത്തിയിരുന്ന നിബന്ധനകളില് പ്രഖ്യാപിച്ച ഇളവുകള് ബുധനാഴ്ച മുതല് പ്രാബല്യത്തില് വന്നു. പുതിയ അറിയിപ്പ് പ്രകാരം അടച്ചിട്ടതും തുറന്നതുമായ പൊതു സ്ഥലങ്ങളിലൊന്നും ഇനി മുതല് മാസ്ക് ധരിക്കേണ്ടതില്ല. എന്നാല് മൂന്ന് സ്ഥലങ്ങളെ മാത്രം പുതിയ ഇളവില് നിന്ന് ഒഴിവാക്കിയിട്ടുണ്ട്.
നബിദിനം; യുഎഇയിലെ സ്വകാര്യ മേഖലയ്ക്ക് ശമ്പളത്തോടെയുള്ള അവധി പ്രഖ്യാപിച്ചു
ആശുപത്രികളും മെഡിക്കല് സ്ഥാപനങ്ങളും, പള്ളികള്, ബസുകള് ഉള്പ്പെടെയുള്ള പൊതു ഗതാഗത സംവിധാനങ്ങള് എന്നിവിടങ്ങളിലാണ് പുതിയ ഇളവുകള് ബാധകമല്ലാത്തത്. ഇവിടങ്ങളില് പഴയതുപോലെ തന്നെ പൊതുജനങ്ങള് മാസ്കുകള് ധരിക്കണം. എന്നാല് മാളുകള്, റസ്റ്റോറന്റുകള്, സൂപ്പര് മാര്ക്കറ്റുകള് എന്നിവിടങ്ങളിലൊന്നും ഇനി മാസ്ക് നിര്ബന്ധമല്ല. അതേസമയം ഭക്ഷണ വിതരണം നടത്തുന്നവര്, കൊവിഡ് രോഗബാധ സ്ഥിരീകരിച്ചിട്ടുള്ളവര്, കൊവിഡ് രോഗബാധ സംശയിക്കപ്പെടുന്നവര് എന്നിവരും മാസ്ക് ധരിക്കേണ്ടതുണ്ട്. വേഗത്തില് രോഗം ബാധിക്കാന് സാധ്യതയുള്ള വിഭാഗങ്ങളിലുള്ളവര് തുടര്ന്നും മാസ്ക് ധരിക്കണമെന്ന് അധികൃതര് അഭ്യര്ത്ഥിച്ചു.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam, World Pravasi News, Keralites Abroad News, NRI Malayalis News ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ