യുഎഇയില് മിനി ബസുകള് നിരോധിക്കാന് തീരുമാനം
Synopsis
ഫെഡറല് ട്രാഫിക് കൗണ്സില് പ്രസിഡന്റും ദുബായ് പൊലീസ് ഡെപ്യൂട്ടി കമാണ്ടര് ജനറലുമായ മേജര് ജനറല് മുഹമ്മദ് സൈഫ് അല് സഫീന്റെ അധ്യക്ഷതയില് ഇന്ന് ചേര്ന്ന യോഗത്തിലാണ് തീരുമാനമെടുത്തത്. സ്കൂ
അബുദാബി: യുഎഇയില് തൊഴിലാളികളെയും സ്കൂള് വിദ്യാര്ത്ഥികളെയും കൊണ്ടുപോകാന് ഉപയോഗിക്കുന്ന മിനി ബസുകള് നിരോധിക്കാന് ഫെഡറല് ട്രാഫിക് കൗണ്സില് തീരുമാനിച്ചു. 2023 ജനുവരി മുതല് നിരോധനം പ്രാബല്യത്തില് വരും. എന്നാല് 2021 സെപ്തംബര് മുതല് തന്നെ കുട്ടികളെ മിനി ബസുകളില് കൊണ്ടുവരുന്നതിന് വിലക്ക് ഏര്പ്പെടുത്തും.
ഫെഡറല് ട്രാഫിക് കൗണ്സില് പ്രസിഡന്റും ദുബായ് പൊലീസ് ഡെപ്യൂട്ടി കമാണ്ടര് ജനറലുമായ മേജര് ജനറല് മുഹമ്മദ് സൈഫ് അല് സഫീന്റെ അധ്യക്ഷതയില് ഇന്ന് ചേര്ന്ന യോഗത്തിലാണ് തീരുമാനമെടുത്തത്. സ്കൂള് ബസുകളെ മറികടന്നു പോകുന്ന കാറുകളെ കണ്ടെത്താനുള്ള സംവിധാനങ്ങളെക്കുറിച്ചും ചര്ച്ച ചെയ്തു. യുഎഇ റോഡ് ഭാര നിയമങ്ങളില് ഭേദഗതി നിര്ദേശിച്ച് റോഡ് ട്രാന്സ്പോര്ട്ട് അതോരിറ്റി മുന്നോട്ടുവെച്ച നിര്ദേശങ്ങളും യോഗം ചര്ച്ച ചെയ്തുവെന്ന് പ്രാദേശിക മാധ്യമങ്ങള് റിപ്പോര്ട്ട് ചെയ്യുന്നു.
15 യാത്രക്കാര് വരെ സഞ്ചരിക്കുന്ന വാഹനങ്ങളുടെ ലൈസന്സിങ് മാനദണ്ഡങ്ങളില് അബുദാബി പൊലീസ് നേരത്തെ മാറ്റം കൊണ്ടുവന്നിരുന്നു. യാത്രക്കാരുടെ സുരക്ഷ കണക്കിലെടുത്തായിരുന്നു ഇത്. ഇതിന് പിന്നാലെയാണ് യുഎഇയില് മിനി ബസുകള് നിരോധിക്കാനുള്ള തീരുമാനം ഫെഡറല് ട്രാഫിക് കൗണ്സില് കൈക്കൊണ്ടിരിക്കുന്നത്. രാജ്യത്തെ റോഡുകളിലെ അപകടങ്ങള്, മരണങ്ങള്, ഗതാഗത നിയമ ലംഘനങ്ങള് തുടങ്ങിയവയും യോഗം ചര്ച്ച ചെയ്തു. റോഡപകടങ്ങളിലെ മരണം കഴിഞ്ഞ വര്ഷം 32 ശതമാനം കുറഞ്ഞുവെന്ന് യോഗം വിലയിരുത്തി.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam