ലോകത്തിലെ ശക്തമായ പാസ്പോര്‍ട്ട്, അതിവേഗ മുന്നേറ്റവുമായി യുഎഇ, ആദ്യ പത്തിൽ ഇടം നേടി

പട്ടികയിൽ ആദ്യ പത്ത് സ്ഥാനങ്ങളില്‍ ഉൾപ്പെട്ട ഏക അറബ് രാജ്യവും യുഎഇയാണ്. 

അബുദാബി: ലോകത്തിലെ ഏറ്റവും ശക്തമായ പാസ്പോര്‍ട്ടുകളുടെ പട്ടികയില്‍ വന്‍ മുന്നേറ്റം നടത്തി യുഎഇ. ശക്തമായ പാസ്പോര്‍ട്ടുകളുടെ പട്ടികയില്‍ ആദ്യ പത്തില്‍ ഇടം നേടിയിരിക്കുകയാണ് യുഎഇ. ഹെന്‍ലി പാസ്പോര്‍ട്ട് ഇന്‍ഡക്സില്‍ എട്ടാം സ്ഥാനത്താണ് യുഎഇ. 

യുഎഇ പാസ്പോര്‍ട്ട് ഉടമകൾക്ക് 184 രാജ്യങ്ങളിലേക്ക് വിസാ രഹിത പ്രവേശനം സാധ്യമാണ്. 2015ല്‍ 32-ാം സ്ഥാനത്തായിരുന്നു യുഎഇ. കഴിഞ്ഞ 10 വര്‍ഷത്തിനിടെ 72 രാജ്യങ്ങളിലേക്ക് കൂടി യുഎഇ പാസ്പോര്‍ട്ട് ഉടമകൾക്ക് വിസാ രഹിത പ്രവേശനം സാധ്യമായി. ഇത് യുഎഇ സംബന്ധിച്ചിടത്തോളം വലിയ നേട്ടമാണ്. 2006ൽ ഈ സൂചിക തുടങ്ങിയപ്പോൾ 62-ാം സ്ഥാനത്തായിരുന്നു യുഎഇ. പട്ടികയിൽ ഒന്നാം സ്ഥാനത്തുള്ളത് സിം​ഗ​പ്പൂ​ർ പാ​സ്​​പോ​ർ​ട്ടാ​ണ്. 227 രാ​ജ്യ​ങ്ങ​ളി​ൽ 193 എ​ണ്ണ​ത്തി​ലേ​ക്ക് വി​സ​ര​ഹി​ത അ​ല്ലെ​ങ്കി​ൽ വി​സ ഓ​ൺ അ​റൈ​വ​ൽ സിംഗപ്പൂര്‍ പാസ്പോര്‍ട്ട് ഉടമകൾക്ക് ലഭിക്കുന്നു.  

190 രാ​ജ്യ​ങ്ങ​ളി​ലേ​ക്ക് വീ​തം ഈ ​സൗ​ക​ര്യ​മു​ള്ള ദ​ക്ഷി​ണ കൊ​റി​യ​യും ജ​പ്പാ​നും ര​ണ്ടാം സ്ഥാ​ന​ത്താ​ണ്. 187 ല​ക്ഷ്യ​സ്ഥാ​ന​ങ്ങ​ളു​മാ​യി സ്പെ​യി​ൻ, ജ​ർ​മ​നി, ഇ​റ്റ​ലി, ഫ്രാ​ൻ​സ്, അ​യ​ർ​ല​ൻ​ഡ്, ഫി​ൻ​ല​ൻ​ഡ്, ഡെ​ൻ​മാ​ർ​ക് എ​ന്നി​വ മൂ​ന്നാം സ്ഥാ​നം പ​ങ്കി​ട്ടു. ആ​ദ്യ 10ൽ ​ബാ​ക്കി​യു​ള്ള​വ പ്ര​ധാ​ന​മാ​യും യൂ​റോ​പ്യ​ൻ രാ​ജ്യ​ങ്ങ​ളാ​ണ്.ആ​ദ്യ പ​ത്തി​ൽ ഇ​ടം നേ​ടി​യ ഏ​ക അ​റ​ബ് രാ​ജ്യ​മാ​ണ് യുഎഇ.

ഏഷ്യാനെറ്റ് ന്യൂസ് ലൈവ് യൂട്യൂബിൽ കാണാം