വിമാനം ടേക്ക് ഓഫ് ചെയ്യുന്നതിന് മുമ്പ് യാത്രക്കാരി അപ്രത്യക്ഷമായി, ആശങ്ക; തെരച്ചിലിൽ കണ്ടെത്തിയത് ശുചിമുറിയിൽ

വിമാനത്തില്‍ പുറപ്പെടാനിരുന്ന യാത്രക്കാരിയെയാണ് ടേക്ക് ഓഫിന് മുമ്പ് കാണാതായത്. 

കുവൈത്ത് സിറ്റി: കുവൈത്ത് എയർപോർട്ടിൽ ടേക്ക് ഓഫിന് മുൻപ് പ്രവാസി യുവതി അപ്രത്യക്ഷമായി, മനിലയിലേക്ക് പുറപ്പെടാനിരുന്ന ഫിലിപ്പിനോ ഗാർഹിക തൊഴിലാളി വിമാനം പുറപ്പെടുന്നതിന് തൊട്ടുമുൻപ് അപ്രത്യക്ഷയായത് കുവൈത്ത് വിമാനത്താവളത്തിൽ ആശങ്കയായി. ഈ സ്ത്രീ പതിവ് വിമാനത്തിൽ നാട്ടിലേക്ക് പോകേണ്ടതായിരുന്നു. 

എന്നാൽ ബോർഡിംഗ് ഗേറ്റ് അടയ്ക്കുന്നതിന് തൊട്ടുമുൻപ് അവരെ കാണാതായി. ഉടൻ തന്നെ തിരച്ചിൽ ആരംഭിക്കുകയും ഒടുവിൽ അവരെ വിമാനത്താവളത്തിലെ ഒരു ശുചിമുറിയിൽ കണ്ടെത്തുകയും ചെയ്തു. പെട്ടെന്നുള്ള തിരോധാനത്തിന് പിന്നിലെ കാരണം വിശദീകരിക്കാൻ ഫിലിപ്പിനോ യുവതി വിസമ്മതിച്ചതായി പറയപ്പെടുന്നു. സ്ത്രീയുടെ സുരക്ഷ ഉറപ്പാക്കാനും നിയമപരമായ ലംഘനങ്ങളൊന്നും ഉണ്ടായിട്ടില്ലെന്ന് സ്ഥിരീകരിക്കാനും സുരക്ഷാ ഉദ്യോഗസ്ഥർ ആവശ്യമായ നടപടികൾ സ്വീകരിച്ചിട്ടുണ്ട്. അവരുടെ യാത്ര മറ്റൊരു വിമാനത്തിൽ പുനഃക്രമീകരിക്കുകയും കൂടുതൽ പ്രശ്നങ്ങളില്ലാതെ പൂർത്തിയാക്കുകയും ചെയ്തു.

ഏഷ്യാനെറ്റ് ന്യൂസ് ലൈവ് യൂട്യൂബിൽ കാണാം