ആളെ മനസ്സിലായോ? കുട്ടിക്കാല ചിത്രവുമായി മലയാളികളുടെ പ്രിയതാരം

യൂണിഫോം ധരിച്ചു നിൽക്കുന്ന നിവിനെ ചിത്രത്തിൽ കാണാൻ സാധിക്കും.

സിനിമാ താരങ്ങളുടെ പൂർവകാല ചിത്രങ്ങൾ കാണാൻ പ്രേക്ഷകർ ഏറെ താല്പര്യം കാണിക്കാറുണ്ട്. പ്രത്യേകിച്ച് മുൻനിര നായികാനായകന്മാരുടെ. ഇത്തരം ചിത്രങ്ങൾ സോഷ്യൽ മീഡിയകളിൽ ട്രെഡിം​ഗ് ആകാറുമുണ്ട്. ഇപ്പോഴിതാ അക്കൂട്ടത്തിൽ മലയാളികളുടെ പ്രിയതാരം പങ്കുവച്ച തന്റെ കുട്ടിക്കാല ചിത്രമാണ് ശ്രദ്ധനേടുന്നത്. 

നടൻ നിവിൻ പോളിയാണ് കുട്ടിക്കാല ചിത്രം പങ്കുവച്ചിരിക്കുന്നത്. അധ്യാപക ദിനത്തോട് അനുബന്ധിച്ചാണ് നിവിൻ ഫോട്ടോ പങ്കുവച്ചിരിക്കുന്നത്. അധ്യാപക ദിനത്തിൽ തന്നെ പഠിപ്പിച്ച അധ്യാപകർക്ക് നന്ദി പറഞ്ഞു കൊണ്ട് തന്റെ സ്കൂൾ കാലഘട്ടത്തിൽ നിന്നുള്ള ചിത്രമാണ് നിവിൻ പങ്കുവച്ചിരിക്കുന്നത്. 

യൂണിഫോം ധരിച്ചു നിൽക്കുന്ന നിവിനെ ചിത്രത്തിൽ കാണാൻ സാധിക്കും. “ഈ കൊച്ചു പയ്യന്റെ യാത്രയിൽ സഹായിച്ച എല്ലാ അധ്യാപകരോടും നന്ദിയും കടപ്പാടും, ഹാപ്പി ടീച്ചേർസ് ഡേ” എന്നാണ് ചിത്രത്തോടൊപ്പം നിവിൻ കുറിച്ചത്. 

കൊവിഡ് മഹാമാരിയുടെ രണ്ടാംവരവിന്റെ ഈ കാലത്ത്, എല്ലാവരും മാസ്‌ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്‌സിൻ എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യർത്ഥിക്കുന്നു. ഒന്നിച്ച് നിന്നാൽ നമുക്കീ മഹാമാരിയെ തോൽപ്പിക്കാനാവും. #BreakTheChain #ANCares #IndiaFightsCorona