കലർപ്പില്ലാത്തയാൾ, ആ മാന്ത്രികതയ്ക്ക് നന്ദി: ഗോപി സുന്ദറിനെ പുകഴ്ത്തി തീരാതെ മയോനി

കഴിഞ്ഞ വർഷമാണ് മയോനിക്ക് ഒപ്പമുള്ള ​ഗോപി സുന്ദറിന്റെ ഫോട്ടോകൾ പുറത്തുവന്നത്.

സമീപകാലത്ത് പലപ്പോഴും സോഷ്യൽ മീഡിയ വാളുകളിൽ നിറയുന്ന ആളാണ് സം​ഗീത സംവിധായകൻ ​ഗോപി സുന്ദർ. ഇദ്ദേഹത്തിന്റെ വ്യക്തിപരമായ ജീവിതവുമായി ബന്ധപ്പെട്ടുള്ളതവയാണ് ഏറെയും. ​ഗായിക അമൃത സുരേഷുമായുള്ള വിവാഹവും തുടർന്നുള്ള കാര്യങ്ങളുമാണ് ​ഗോപി സുന്ദറിനെതിരെ അടുത്തകാലത്ത് വിമർശനങ്ങൾ ഉയരാൻ കാരണം. ഇരുവരും തമ്മിൽ വേർപിരിഞ്ഞോ ഇല്ലയോ എന്ന കാര്യത്തിൽ ഇപ്പോഴും വ്യക്തത വന്നിട്ടില്ല. ഇതിനിടെ ആയിരുന്നു ആർട്ടിസ്റ്റ് ആയ പ്രിയ നായർക്ക്(മയോനി) ഒപ്പമുള്ള ​ഗോപിയുടെ ഫോട്ടോകൾ പുറത്തുവന്നത്. ഇതും വിമർശനങ്ങൾക്കും ട്രോളുകൾക്കും ഇടയാക്കി. 

എന്നാൽ ഇവയൊന്നും തന്നെ ​ഗോപി സുന്ദറിനെ ബാധിക്കുന്നില്ല എന്നതാണ് വാസ്തവം. അദ്ദേഹം തന്റേതായ ലോകത്താണ് എപ്പോഴും. ഈ അവസരത്തിൽ മയോനി ​ഗോപി സുന്ദറെ പുകഴ്ത്തി കൊണ്ട് പങ്കുവച്ച പോസ്റ്റ് വൈറൽ ആകുകയാണ്. ​ഗോപിയുടെ ഫോട്ടോയ്ക്ക് ഓപ്പമാണ് പോസ്റ്റ്. എന്നാൽ കമന്റ് ബോക്സ് ഓഫാക്കി ഇട്ടിരിക്കുകയാണ്. 

"ജെം ഓഫ് എ പേസൺ!. കലർപ്പില്ലാത്ത ശുദ്ധമായ കഴിവും പോസിറ്റിവിറ്റിയും നിറഞ്ഞ ആളാണ് ഇദ്ദേഹം. ഈ ജീവിതം എന്നെ അത്ഭുതപ്പെടുത്തുകയാണ്. ജീവിതം അദ്ദേഹത്തെ ഒരിക്കലും പിന്നോട്ട് അടിക്കുന്നില്ല. യാതൊന്നും അദ്ദേഹത്തെ തടയുന്നുമില്ല. അതാണ് എന്നെ അത്ഭുതപ്പെടുത്തുന്നത്. സ്വന്തമായ മനസിന് ഉടമയാണ് ​ഗോപി. ഒരു പക്ഷിയെ പോലെ പറന്ന് ജീവിതമെന്ന യാത്ര തുടരുന്നു. സം​ഗീതത്തിലൂടെ മാന്ത്രികത സൃഷ്ടിക്കുന്നു. ഓരോ നിമിഷവും അദ്ദേഹം സമ്മാനിക്കുന്ന ലളിതമായ മാന്ത്രികതയ്ക്ക് നന്ദി", എന്നാണ് മയോനി കുറിച്ചത്. 

കഴിഞ്ഞ വർഷമാണ് മയോനിക്ക് ഒപ്പമുള്ള ​ഗോപി സുന്ദറിന്റെ ഫോട്ടോകൾ പുറത്തുവന്നത്. പിന്നാലെ മയോനിയും ഫോട്ടോകൾ സോഷ്യൽ മീഡിയയിൽ പങ്കുവച്ചു. എങ്ങനെ സ്നേഹിക്കണമെന്നും എങ്ങനെ ജീവിക്കണമെന്നും തന്നെ പഠിപ്പിച്ച ആളാണ് ​ഗോപി സുന്ദർ എന്നായിരുന്നു അന്ന് മയോനി കുറിച്ചത്. ഈ പോസ്റ്റിന് താഴെ വലിയ തോതിലുള്ള വിമർശനങ്ങൾ ഉയർന്നിരുന്നു. 

ഏഷ്യാനെറ്റ് ന്യൂസ് വാര്‍ത്തകള്‍ തത്സമയം അറിയാം..