കൊവിഡ് നിയന്ത്രണം നീക്കിയതിന് പിന്നാലെ ഫിനാലെ ഉണ്ടാകുമെന്ന് അറിയിച്ചതോടെ ഷോയുടെ ആവേശം ഒട്ടും ചോരില്ലെന്നും ഉറപ്പായി.
ബിഗ് ബോസ് മലയാളത്തിന്റെ രണ്ടാമത്തേതിന് സമാനമായി മൂന്നാം സീസണും പൂർത്തിയാക്കാനാവാതെ അവസാനിച്ചെങ്കിലും ഫിനാലെയോട് അടുത്ത ഷോയിലെ മത്സരാർത്ഥികളെല്ലാം പ്രേക്ഷകർക്കിടയിൽ താരങ്ങളായി കഴിഞ്ഞു. കൊവിഡ് നിയന്ത്രണം നീക്കിയതിന് പിന്നാലെ ഫിനാലെ ഉണ്ടാകുമെന്ന് അറിയിച്ചതോടെ ഷോയുടെ ആവേശം ഒട്ടും ചോരില്ലെന്നും ഉറപ്പായി.
എന്നാൽ പുറത്തിറങ്ങിയ ശേഷം കൊവിഡ് കാരണം പരസ്പരം ഒന്നു കാണാൻ പോലും പറ്റാത്തവരാണ് ബിഗ് ബോസ് മത്സരാർത്ഥികൾ. പലരും പല സമയങ്ങളിലായി ഒത്തുകൂടിയതിന്റെ ചിത്രങ്ങളും വിശേഷങ്ങളും അടുത്തിടെയാണ് പുറത്തുവന്നത്. ബിഗ് ബോസ് വീട്ടിൽ നിന്ന് ഇറങ്ങിയ ശേഷം ആദ്യമായി പരസ്പരം കണ്ടുമുട്ടിയിരിക്കുകയാണ് ഫിറോസ്-സജ്ന, ലക്ഷ്മി ജയൻ, മജിസിയ ഭാനു എന്നിവർ.
ബിഗ് ബോസ് വീട്ടിൽ നിന്ന് ആദ്യം പുറത്തായ ലക്ഷ്മി പക്ഷെ മത്സരാർത്ഥികളോടെല്ലാം വലിയ അടുപ്പം കാത്തുസൂക്ഷിച്ചിരുന്നു. അതുപോലെ അച്ചടക്ക നടപടി നേരിട്ട് പുറത്തുപോയ താരങ്ങളായിരുന്നു ഫിറോസും സജ്നയും. എന്തായാലും ഈ താരങ്ങളെല്ലാമാണ് ഇപ്പോൾ ഒത്തുകൂടിയിരിക്കുന്നത്. മജിസിയ ഭാനുവാണ് ഇവർക്കെല്ലാം ഒപ്പമുള്ള ചിത്രങ്ങളും വീഡിയോയുമെല്ലാം പങ്കുവച്ചിരിക്കുന്നത്.
അടുത്തിടെ കിടിലം ഫിറോസും ഭാഗ്യലക്ഷ്മിയും സന്ധ്യയും ഒത്തുകൂടിയിരുന്നു. ഭാഗ്യലക്ഷ്മിയുടെ വീട്ടിലായിരുന്നു മൂവരും കൂടിയത്. അതേസമയം ബിഗ് ബോസ് വിജയി ആരാണെന്ന് അറിയാനുള്ള ആകാംക്ഷയിലാണ് പ്രേക്ഷകർ. സീസൺ മൂന്നിന്‍റെ വോട്ടിങ് മെയ് 29ന് അവസാനിച്ചിരുന്നു.
താമസം നേരിട്ടാലും ഫിനാലെ ഉണ്ടാവുമെന്ന് സംഘാടകര്‍ അറിയിച്ചതിന്റെ ആവേശവുമുണ്ട്. മണിക്കുട്ടന്‍, ഡിംപല്‍ ഭാല്‍, സായ് വിഷ്‍ണു, അനൂപ് കൃഷ്‍ണന്‍, നോബി മാര്‍ക്കോസ്, കിടിലം ഫിറോസ്, റിതു മന്ത്ര, റംസാന്‍ മുഹമ്മദ് എന്നിവരില്‍ ഒരാള്‍ ആയിരിക്കും ബിഗ് ബോസ് മലയാളം സീസണ്‍ 3 ടൈറ്റില്‍ വിജയി.
കൊവിഡ് മഹാമാരിയുടെ രണ്ടാംവരവിന്റെ ഈ കാലത്ത്, എല്ലാവരും മാസ്‌ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്‌സിന്‍ എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യര്‍ത്ഥിക്കുന്നു. ഒന്നിച്ച് നിന്നാല്‍ നമുക്കീ മഹാമാരിയെ തോല്‍പ്പിക്കാനാവും. #BreakTheChain #ANCares #IndiaFightsCorona