ട്വിറ്ററിലൂടെയാണ് മീരയുടെ താക്കീത്, മീര പറയുന്നത് ഇങ്ങനെ - "തൃഷ, നിനക്കുളള അവസാന മുന്നറിയിപ്പാണ്. ഇനി ചിത്രങ്ങൾ ഫോട്ടോഷോപ്പ് ചെയ്ത് സോഷ്യൽ മീഡിയയിൽ പങ്കുവെച്ചാൽ വിവരം അറിയും
ചെന്നൈ: ചലച്ചിത്ര നടി തൃഷയ്ക്കെതിരേ രൂക്ഷവിമർശനവുമായി നടിയും മുൻ ബിഗ് ബോസ് താരവുമായ മീര മിഥുൻ. തൃഷ തന്റെ ഹെയർ സ്റ്റൈലും മറ്റും കോപ്പിയടിച്ച് ചിത്രങ്ങൾ പോസ്റ്റ് ചെയ്യുന്നുവെന്നാണ് ഇവരുടെ ആരോപണം. തന്റെ ചിത്രങ്ങൾ മോർഫ് ചെയ്ത് ഉപയോഗിക്കുന്നതാണെന്നും ഇവർ അവകാശപ്പെടുന്നു.
ട്വിറ്ററിലൂടെയാണ് മീരയുടെ താക്കീത്, മീര പറയുന്നത് ഇങ്ങനെ - "തൃഷ, നിനക്കുളള അവസാന മുന്നറിയിപ്പാണ്. ഇനി ചിത്രങ്ങൾ ഫോട്ടോഷോപ്പ് ചെയ്ത് സോഷ്യൽ മീഡിയയിൽ പങ്കുവെച്ചാൽ വിവരം അറിയും. നിങ്ങൾക്കറിയാം ഞാൻ ഇതെന്തുകൊണ്ടാണ് പറഞ്ഞതെന്ന്. വളരാൻ പഠിക്കൂ.".
Tis s gonna be my last warning to you . Next time I see, you photoshop ur picture with features of mine including hair, morphing to, look like me, you will be under serious legal allegation . You know what ur doing, Well ur conscience knows. Grow Up! Get a Life.
— Meera Mitun (@meera_mitun)എന്തായാലും തൃഷ ഇതു വരെ ഇതുസംബന്ധിച്ച് പ്രതികരിച്ചിട്ടില്ല. സംഭവത്തിൽ തൃഷയുടെ ആരാധകർ വിമർശനവുമായി രംഗത്തെത്തിയിട്ടുണ്ട്.തമിഴ്നാട്ടിലെ ബിഗ് ബോസ് റിയാലിറ്റി ഷോയിലെ വിവാദ നായികയായിരുന്നു മീര.
സഹ മത്സരാർത്ഥിയായ നടൻ ചേരനെതിരെ ഇവർ ലൈംഗികാരോപണം ഉന്നയിച്ചിരുന്നു. എന്നാൽ ആരോപണം പിന്നീട് തെറ്റാണെന്ന് തെളിഞ്ഞതോടെ താരത്തെ പുറത്താക്കി. എട്ട് തോട്ടകൾ എന്ന ചിത്രത്തിലൂടെയാണ് മീര മിഥുൻ തമിഴ് സിനിമയിൽ അരങ്ങേറ്റം നടത്തിയത്.
എന്നാല് മീരയ്ക്ക് തൃഷയോടുള്ള വൈരഗ്യത്തിന്റെ കാരണമായി കോളിവുഡില് കേള്ക്കുന്ന കാര്യം രജനീകാന്ത് ചിത്രം പേട്ടയുമായി ബന്ധപ്പെട്ടതാണ്. 2019ല് ഇറങ്ങിയ ഈ രജനീ ചിത്രത്തില് തൃഷ അഭിനയിച്ച റോളില് ആദ്യം പരിഗണിച്ചത് മീരയെയാണ്. പിന്നീട് ഇവരെ ഒഴിവാക്കിയാണ് തൃഷയെ നായികയാക്കിയത് എന്നാണ് റിപ്പോര്ട്ട്.