കത്രീനയെ വിവാഹം കഴിക്കാന്‍ പോകുന്നുവെന്ന് പറഞ്ഞപ്പോൾ മാതാപിതാക്കളുടെ പ്രതികരണം; വെളിപ്പെടുത്തി വിക്കി

കഴിഞ്ഞ വർഷം ഡിസംബർ 9 ന് രാജസ്ഥാനിൽ വച്ച് അടുത്ത സുഹൃത്തുക്കളുടെയും കുടുംബാംഗങ്ങളുടെയും സാന്നിധ്യത്തിലാണ് വിക്കിയും കത്രീന കൈഫും വിവാഹിതരായത്.

മുംബൈ: നടൻ വിക്കി കൗശൽ   കത്രീന കൈഫിനെ വിവാഹം കഴിക്കാൻ ആഗ്രഹിക്കുന്നുവെന്ന് ആദ്യമായി പറഞ്ഞപ്പോള്‍ അച്ഛൻ ഷാം കൗശലിന്റെയും അമ്മ വീണ കൗശലിന്റെയും പ്രതികരണം എന്തായിരുന്നു എന്ന് വെളിപ്പെടുത്തി. ഒരു  അഭിമുഖത്തിൽ, തങ്ങൾ കത്രീനയോട് അങ്ങേയറ്റം ഇഷ്ടപ്പെടുന്നുവെന്നും പ്രണയത്തിലാണെന്നും വിക്കി മാതാപിതാക്കളോട് പറഞ്ഞപ്പോള്‍ ഷാമും വീണയും പറഞ്ഞപ്പോൾ ഒരുപാട് സന്തോഷിച്ചെന്നും വിക്കി പറഞ്ഞു.

കഴിഞ്ഞ വർഷം ഡിസംബർ 9 ന് രാജസ്ഥാനിൽ വച്ച് അടുത്ത സുഹൃത്തുക്കളുടെയും കുടുംബാംഗങ്ങളുടെയും സാന്നിധ്യത്തിലാണ് വിക്കിയും കത്രീന കൈഫും വിവാഹിതരായത്. ഡിസംബർ 7 മുതൽ 9 വരെ സിക്‌സ് സെൻസ് ഫോർട്ട് ബർവാരയിൽ വച്ച് ഗംഭീരമായ വിവാഹ ആഘോഷങ്ങളാണ് സംഘടിപ്പിച്ചത്. ചടങ്ങുകളിൽ മെഹന്ദി, ഹൽദി, സംഗീത്, വിവാഹം എന്നിവ ഉൾപ്പെട്ടിരുന്നു.

ഫിലിംഫെയറിന് നൽകിയ അഭിമുഖത്തിൽ, വിക്കി പറഞ്ഞു, "അവർ വളരെ സന്തോഷത്തിലായിരുന്നു. അവർക്ക് അവളോട് അങ്ങേയറ്റം ഇഷ്ടമാണ്. അവൾ എന്ന വ്യക്തിയോട് അവർ അത്യധികം സ്നേഹത്തിലാണ്. നിങ്ങളുടെ ഹൃദയത്തിലും, നിങ്ങള്‍ ചെയ്യുന്ന പ്രവര്‍ത്തികളിലും നന്മയുണ്ടെങ്കിൽ അത് എല്ലാത്തിലും പ്രതിഫലിക്കുമെന്ന് ഞാൻ കരുതുന്നു." കത്രീനയുമായി ആദ്യമായി പ്രണയത്തിലായത് ഓർമയുണ്ടോ എന്ന ചോദ്യത്തിന്, അത് തനിക്ക് സ്വകാര്യമായ കാര്യമാണെന്നും വളരെ പ്രത്യേകവുമാണെന്ന് വിക്കി പറഞ്ഞു.

തന്റെ ദാമ്പത്യ ജീവിതത്തെക്കുറിച്ച് സംസാരിക്കവേ വിക്കി അഭിമുഖത്തില്‍ പറഞ്ഞു, "ഇത് മനോഹരമായിരുന്നു. ഇത് എന്റെ ജീവിതത്തിലെ ഏറ്റവും മികച്ച അദ്ധ്യായം പോലെയാണ്. നിങ്ങൾ ഒരു ബോണ്ട് ഉണ്ടാക്കുന്നു, നിങ്ങളെ മനസ്സിലാക്കുന്ന, നിങ്ങൾ നന്നായി മനസ്സിലാക്കുന്ന ഒരു കൂട്ടാളി ഉണ്ടായിരിക്കുന്നത് ഏറ്റവും മികച്ച അനുഭവമാണ്. കാരണം. നിങ്ങളെ എല്ലായ്‌പ്പോഴും സ്‌നേഹിക്കുന്നതായി തോന്നുന്ന സമാധാനപരവും ആനന്ദപൂർണ്ണവുമായ ഒരു മാനസികാവസ്ഥയിൽ നിങ്ങളെ എത്തിക്കുന്നു. കൂടാതെ നിങ്ങൾ സ്‌നേഹിക്കപ്പെടുന്നതായി തോന്നുമ്പോൾ, വീട്ടിൽ മാത്രമല്ല, വീടിന് പുറത്തും സ്‌നേഹം നൽകാൻ നിങ്ങൾക്ക് തോന്നും. ഇത് നിങ്ങളുടെ ഏറ്റവും മികച്ച പതിപ്പ് പുറത്തുകൊണ്ടുവരുന്നു " - വിക്കി പറുന്നു.

ഇഷാൻ ഖട്ടർ, സിദ്ധാന്ത് ചതുർവേദി എന്നിവർക്കൊപ്പം ഹൊറർ കോമഡി ചിത്രമായ ഫോൺ ഭൂതിൽ കത്രീന അടുത്തിടെ അഭിനയിച്ചിരുന്നു. സൽമാൻ ഖാനൊപ്പം ടൈഗർ 3 എന്ന ആക്ഷൻ ത്രില്ലർ ചിത്രത്തിലാണ് കത്രീന അടുത്തതായി അഭിനയിക്കുന്നത്.