ലോക ബാഡ്മിന്‍റൺ ചാമ്പ്യൻഷിപ്പിൽ സെമി ഫൈനൽ ലക്ഷ്യമിട്ട് സൈന നെഹ്‌വാളും പി വി സിന്ധുവും ഇന്നിറങ്ങും. ലോക ഏഴാം നമ്പർ താരമായ കരോളിന മാരിനാണ് ക്വാർട്ടർ ഫൈനലിൽ സൈനയുടെ എതിരാളി. ലോക മൂന്നാം നമ്പർ താരമായ സിന്ധുവിന് ജപ്പാന്‍റെ നൊസോമി ഒകുഹാരയാണ് എതിരാളി.
നാൻജിങ്: ലോക ബാഡ്മിന്‍റൺ ചാമ്പ്യൻഷിപ്പിൽ സെമി ഫൈനൽ ലക്ഷ്യമിട്ട് ഇന്ത്യന്‍ താരങ്ങളായ സൈന നെഹ്‌വാളും പി വി സിന്ധുവും ഇന്നിറങ്ങും. ലോക ഏഴാം നമ്പർ താരമായ കരോളിന മാരിനാണ് ക്വാർട്ടർ ഫൈനലിൽ സൈനയുടെ എതിരാളി. ഇരുവരും ഇതുവരെ ഒൻപത് തവണ ഏറ്റുമുട്ടിയിട്ടുണ്ട്.
സൈന അഞ്ചിലും മാരിൻ നാലിലും ജയിച്ചു. ലോക റാങ്കിംഗിൽ പത്താം സ്ഥാനത്താണിപ്പോൾ സൈന. ലോക മൂന്നാം നമ്പർ താരമായ സിന്ധുവിന് ജപ്പാന്‍റെ നൊസോമി ഒകുഹാരയാണ് എതിരാളി. ഇരുവരും നേർക്കുനേർ വരുന്ന പന്ത്രണ്ടാമത്തെ മത്സരമാണിത്. ഒകുഹാര ആറിലും സിന്ധു അഞ്ചിലും ജയിച്ചിട്ടുണ്ട്. പുരുഷ ക്വാർട്ടർ ഫൈനലിൽ സായ് പ്രണീത് ജപ്പാന്‍റെ കെന്‍റോ മൊമാട്ടയെ നേരിടും.