സംവിധാനം ധനുഷ്, ഇഡ്ലി കടൈയുടെ ട്രെയിലര് പുറത്ത്
Synopsis
ധനുഷ് രചനയും സംവിധാനവും നിര്വ്വഹിച്ച് നായകനാവുന്ന 'ഇഡ്ലി കടൈ' എന്ന ചിത്രത്തിന്റെ ട്രെയിലര് പുറത്തിറങ്ങി. 'തിരുച്ചിദ്രമ്പലം' എന്ന ഹിറ്റിന് ശേഷം ധനുഷും നിത്യ മേനനും വീണ്ടും ഒന്നിക്കുന്ന ഈ ചിത്രം ഒക്ടോബര് ഒന്നിന് റിലീസ് ചെയ്യും.
ധനുഷ് രചനയും സംവിധാനവും നിര്വ്വഹിച്ച് നായകനാവുന്ന ചിത്രമാണ് ഇഡ്ലി കടൈ. ധനുഷിന്റെ ഇഡ്ലി കടൈ സിനിമയുടെ ട്രെയിലര് പുറത്തുവിട്ടിരിക്കുകയാണ്. നിത്യ മേനന് ആണ് ചിത്രത്തിലെ നായിക. തിരുച്ചിദ്രമ്പലം എന്ന സൂപ്പർ ഹിറ്റ് ചിത്രത്തിന് ശേഷം ധനുഷ്- നിത്യ മേനൻ കോമ്പോ ഒന്നിക്കുന്ന ചിത്രവുമാണ് ഇത്. ധനുഷ് സംവിധാനം ചെയ്യുന്ന നാലാമത്തെ ചിത്രമാണിത്. ശാലിനി പാണ്ഡേ ആണ് മറ്റൊരു പ്രധാന കഥാപാത്രത്തെ അവതരിപ്പിക്കുന്നത്. വണ്ടര്ബാര് ഫിലിംസ്, ഡോണ് പിക്ചേഴ്സ് എന്നീ ബാനറുകളില് ആകാശ് ഭാസ്കരനും ധനുഷും ചേര്ന്നാണ് ചിത്രത്തിന്റെ നിര്മ്മാണം. ഒക്ടോബര് ഒന്ന് റിലീസ് ചെയ്യുമെന്നാണ് പ്രഖഅയാപിച്ചിട്ടുള്ളത്.
ജി വി പ്രകാശ് സംഗീത സംവിധാനം നിര്വ്വഹിക്കുന്ന ചിത്രത്തിന്റെ ഛായാഗ്രഹണം കിരണ് കൗശിക് ആണ്. എഡിറ്റിംഗ് പ്രസന്ന ജി കെ, പ്രൊഡക്ഷന് ഡിസൈന് ജാക്കി, ആക്ഷന് പി സി സ്റ്റണ്ട്സ്, കൊറിയോഗ്രഫി ബാബ ഭാസ്കര്, വസ്ത്രാലങ്കാരം കാവ്യ ശ്രീറാം, വിഎഫ്എക്സ് സൂപ്പര്വൈസര് പ്രവീണ് ഡി, മേക്കപ്പ് ബി രാജ, സ്റ്റില്സ് തേനി മുരുകന്, പബ്ലിസിറ്റി ഡിസൈന് കപിലന്, പിആര്ഒ റിയാസ് കെ അഹമ്മദ്.
സംവിധാനം ധനുഷ് നിര്വഹിച്ച ചിത്രങ്ങള് തിയറ്ററുകളില് ശ്രദ്ധയാകര്ഷിച്ചവയാണ്. പ പാണ്ടി, രായന് എന്നിവയാണ് ധനുഷിന്റെ സംവിധാനത്തില് ഇതിനകം പുറത്തെത്തിയ ചിത്രങ്ങള്, നിലാവുക്ക് എന്മേല് എന്നടി കോപം എന്ന ചിത്രവും അദ്ദേഹത്തിന്റെ സംവിധാനത്തില് റിലീസ് ചെയ്തിരുന്നു. ഈ വര്ഷം ആയിരുന്നു റിലീസ്. ഈ ചിത്രവും ഏറെ ശ്രദ്ധനേടിയിരുന്നു.
ധനുഷ് നായകനായി ഒടുവില് വന്ന ചിത്രം കുബേരയാണ്. ശേഖര് ആണ് ചിത്രത്തിന്റെ സംവിധാനം. ആഗോള ബോക്സ് ഓഫീസില് 132 കോടി കളക്ഷൻ കുബേര നേടിയിരുന്നു. ബജറ്റ് ഏതാണ് 120 കോടിയായിരുന്നു.
ഏഷ്യാനെറ്റ് ന്യൂസ് ലൈവ് കാണാന് ഇവിടെ ക്ലിക് ചെയ്യുക
സിനിമകളുടെ ട്രെയിലർ Movie Trailer മുതൽ എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Movie Review എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ Asianet News Malayalam