ഗോകുല് സുരേഷിനെ സ്റ്റണ്ട് പഠിപ്പിക്കുന്ന മമ്മൂട്ടി; 'ഡൊമിനിക് ആന്ഡ് ദി ലേഡീസ് പഴ്സ്' ടീസര്
Synopsis
മമ്മൂട്ടി കമ്പനിയുടെ ആറാം ചിത്രം
മമ്മൂട്ടിയെ നായകനാക്കി ഗൌതം വസുദേവ് മേനോന് സംവിധാനം ചെയ്യുന്ന ഡൊമിനിക് ആന്ഡ് ദി ലേഡീസ് പഴ്സ് എന്ന ചിത്രത്തിന്റെ ടീസര് പുറത്തെത്തി. മമ്മൂട്ടിയും ഗോകുല് സുരേഷുമാണ് 1.16 മിനിറ്റ് ദൈര്ഘ്യമുള്ള ടീസറില്. എതിരാളികളെ നേരിടാനുള്ള അടവുകള് ഗോകുലിനെ പഠിപ്പിക്കുന്ന മമ്മൂട്ടിയാണ് ടീസറില്. മമ്മൂട്ടി കമ്പനിയാണ് ചിത്രത്തിന്റെ നിര്മ്മാണം. ഈ ബാനര് നിര്മ്മിക്കുന്ന ആറാമത്തെ ചിത്രമാണ് ഇത്.
ഒരു ഡിറ്റക്റ്റീവ് കോമഡി ത്രില്ലര് ആണ് ഈ ചിത്രമെന്ന് നേരത്തെ സൂചനകള് എത്തിയിരുന്നു. മമ്മൂട്ടി ഒരു പ്രൈവറ്റ് ഡിറ്റക്റ്റീവിനെയാണ് അവതരിപ്പിക്കുന്നതെന്നും. ഷെര്ലക് ഹോംസുമായി സമാനതകളുള്ള എന്നാല് രസകരമായ ഒരു കഥാപാത്രത്തെയാണ് മമ്മൂട്ടി അവതരിപ്പിക്കുന്നതെന്ന് ചിത്രത്തിന്റെ തിരക്കഥാകൃത്തുക്കളില് ഒരാളായ നീരജ് നേരത്തെ ഒരു അഭിമുഖത്തില് പറഞ്ഞിരുന്നു.
മമ്മൂട്ടിക്കും ഗോകുല് സുരേഷിനുമൊപ്പം സുഷ്മിത ഭട്ട്, വിജി വെങ്കിടേഷ്, വിനീത്, വിജയ് ബാബു തുടങ്ങിയവരാണ് മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്. ജോര്ജ് സെബാസ്റ്റ്യനാണ് എക്സിക്യൂട്ടീവ് പ്രൊഡ്യൂസര്. കഥ ഡോ. നീരജ് രാജന്, തിരക്കഥ, സംഭാഷണം ഡോ. നീരജ് രാജന്, ഡോ. സൂരജ് രാജന്, ഗൗതം വസുദേവ് മേനോന്, ഛായാഗ്രഹണം വിഷ്ണു ആര് ദേവ്, എഡിറ്റിംഗ് ആന്റണി, സംഗീതം ദര്ബുക ശിവ, പ്രൊഡക്ഷന് ഡിസൈനര് ഷാജി നടുവില്, സ്റ്റണ്ട്സ് സുപ്രീ സുന്ദര്, കലൈ കിങ്സണ്, ആക്ഷന് സന്തോഷ്, നൃത്തസംവിധാനം ബൃന്ദ മാസ്റ്റര്, കോ ഡയറക്ടര് പ്രീതി ശ്രീവിജയന്, ലൈന് പ്രൊഡ്യൂസര് സുനില് സിംഗ്, പ്രൊഡക്ഷന് കണ്ട്രോളര് അരോമ മോഹന്, ചീഫ് അസോസിയേറ്റ് ഡയറക്ടര് ആരിഷ് അസ്ലം, ഫൈനല് മിക്സ് തപസ് നായക്, കലാസംവിധാനം അരുണ് ജോസ്.
ALSO READ : ഹൊറര് ത്രില്ലറുമായി ഷൈന് ടോം ചാക്കോ; 'ദി പ്രൊട്ടക്റ്റര്' പൂര്ത്തിയായി
സിനിമകളുടെ ട്രെയിലർ Movie Trailer മുതൽ എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Movie Review എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ Asianet News Malayalam