'ധൈര്യമുണ്ടേല് സ്റ്റേജില് കയറി കൂവെടാ'; ടൊവീനോയുടെ 'കിലോമീറ്റേഴ്സ് ആന്ഡ് കിലോമീറ്റേഴ്സ്' ട്രെയ്ലര്
Synopsis
രണ്ട് പെണ്കുട്ടികള്, കുഞ്ഞു ദൈവം എന്നീ ചിത്രങ്ങള് ഒരുക്കിയിട്ടുള്ള ജിയോ ബേബിയുടെ മൂന്നാമത്തെ ചിത്രമാണിത്.
ടൊവീനോ തോമസിനെ നായകനാക്കി ജിയോ ബേബി ഒരുക്കുന്ന ചിത്രം 'കിലോമീറ്റേഴ്സ് ആന്ഡ് കിലോമീറ്റേഴ്സി'ന്റെ ട്രെയ്ലര് പുറത്തെത്തി. ഹ്യൂമറിനും പ്രാധാന്യമുള്ള ഒരു റോഡ് മൂവിയാണ് ചിത്രമെന്നാണ് ട്രെയ്ലര് നല്കുന്ന സൂചന. ഇന്ത്യ കാണാനെത്തുന്ന അമേരിക്കക്കാരി പെണ്കുട്ടിയും ഒരു മലയാളി യുവാവുമൊത്തുള്ള സംസ്ഥാനാന്തര യാത്രയാണ് ചിത്രത്തിന്റെ പ്രമേയം. അമേരിക്കന് നടി ഇന്ത്യ ജാര്വിസ് ആണ് നായിക.
നേരത്തേ രണ്ട് പെണ്കുട്ടികള്, കുഞ്ഞു ദൈവം എന്നീ ചിത്രങ്ങള് ഒരുക്കിയിട്ടുള്ള ജിയോ ബേബിയുടെ മൂന്നാമത്തെ ചിത്രമാണിത്. ജോജു, ജോര്ജ്, ബേസില് ജോസഫ് തുടങ്ങിയവരും കഥാപാത്രങ്ങളെ അവതരിപ്പിക്കുന്നു. സംവിധായകന്റേത് തന്നെയാണ് രചന. രാംഷി അഹമ്മദ്, ആന്റോ ജോസഫ്, ടൊവീനോ തോമസ്, സിനു സിദ്ധാര്ഥ് എന്നിവര് ചേര്ന്നാണ് നിര്മ്മാണം. ഛായാഗ്രഹണം സിനു സിദ്ധാര്ഥ്. സംഗീതം സൂരജ് എസ് കുറുപ്പ്. പശ്ചാത്തല സംഗീതം സുഷിന് ശ്യാം. 12ന് തീയേറ്ററുകളിലെത്തും.
സിനിമകളുടെ ട്രെയിലർ Movie Trailer മുതൽ എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Movie Review എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ Asianet News Malayalam