ജിറാഫ് ആക്രമിച്ചു, 16 മാസം പ്രായമുള്ള കുഞ്ഞ് മരിച്ചു, അമ്മ ​ഗുരുതരാവസ്ഥയിലും

കുട്ടിയെ അടുത്തുള്ള ഡോക്ടറുടെ സമീപം എത്തിച്ചിരുന്നു. എന്നാൽ, അവിടെ വച്ച് അവൾ മരിക്കുകയായിരുന്നു എന്ന് പൊലീസ് ലെഫ്റ്റനന്റ് നോബിൾ മഡ്‍ലാല ബിബിസി -യോട് പറഞ്ഞു.

ദക്ഷിണാഫ്രിക്കയിലെ ഒരു കൺസർവൻസിയിൽ ജിറാഫിന്റെ ആക്രമത്തിൽ ഒരു കുഞ്ഞ് മരിച്ചു. കുഞ്ഞിന്റെ അമ്മ ​ഗുരുതര പരിക്കുകളോടെ ആശുപത്രിയിലാണ്. കുഞ്ഞിന് 16 മാസം മാത്രമാണ് പ്രായം. ക്വാസുലു-നടാൽ പ്രവിശ്യയിലെ കുലേനി ഗെയിം പാർക്കിലാണ് കുഞ്ഞും അമ്മയും താമസിച്ചിരുന്നത്. ആളുകൾക്ക് താമസിക്കാനായി ലക്ഷ്വറി അക്കമഡേഷൻ ഇവിടെയുണ്ട്. 

'വിവരങ്ങൾ അപൂർണമാണ്. എന്നാൽ, സംഭവത്തെ കുറിച്ച് വിശദമായി തന്നെ അന്വേഷിക്കുകയാണ്' എന്ന് പൊലീസ് ബിബിസി -യോട് പറഞ്ഞു. സാധാരണയായി ജിറാഫുകൾ മനുഷ്യരെ ആക്രമിക്കാറില്ല. ദക്ഷിണാഫ്രിക്കയിലെ ​ഗെയിം ലോഡ്‍ജുകളിൽ‌ ജിറാഫ് ഒരു സാധാരണ കാഴ്ചയാണ്. ഒരുപാട് ജിറാഫുകൾ അവിടെയുണ്ട്. 

കുട്ടിയെ അടുത്തുള്ള ഡോക്ടറുടെ സമീപം എത്തിച്ചിരുന്നു. എന്നാൽ, അവിടെ വച്ച് അവൾ മരിക്കുകയായിരുന്നു എന്ന് പൊലീസ് ലെഫ്റ്റനന്റ് നോബിൾ മഡ്‍ലാല ബിബിസി -യോട് പറഞ്ഞു. സംഭവം നടന്നത് ബുധനാഴ്ചയാണ്. എന്നാൽ, അവിടെ 14 ലോഡ്‍ജുകളാണ് ഉള്ളത്. പക്ഷേ, സംഭവം നടന്ന ​ഗെയിം പാർക്ക് എവിടെയാണ് എന്നത് വ്യക്തമായിട്ടില്ല. 

ഇവിടെ ഒരു ലക്ഷ്വറി അക്കമഡേഷനിലെ മാനേജർ സംഭവത്തെ കുറിച്ച് സംസാരിക്കാൻ വിസമ്മതിച്ചു. സംഭവം സെൻസിറ്റീവ് ആണെന്നും അതിനാൽ തന്നെ അതേ കുറിച്ച് കൂടുതൽ ഒന്നും പറയാൻ സാധിക്കില്ല എന്നുമാണ് മാനേജർ പറഞ്ഞത്. 

ക്വാസുലു-നടാലിലെ ഹ്ലുഹ്‌ലുവെയ്‌ക്ക് പുറത്ത് 16 കിലോമീറ്റർ (10 മൈൽ) ദൂരത്തിലാണ് പാർക്ക് സ്ഥിതി ചെയ്യുന്നത്. രാജ്യത്തിനകത്ത് നിന്നും പുറത്ത് നിന്നുമായി നിരവധി വിനോദ സഞ്ചാരികൾ എത്തുന്ന പ്രദേശമാണ് ഇത്. വിവിധ ഇടങ്ങളിലേക്ക് നടന്നും സൈക്കിളിലും പോയി കാഴ്ചകൾ ആസ്വദിക്കാമെന്നും മൃ​ഗങ്ങളെ തൊട്ടടുത്ത് കാണാം എന്നും ഒക്കെ ഫാമിന്റെ വെബ്സൈറ്റിൽ വിശദീകരിക്കുന്നുണ്ട്. 

ഉയരം കൂടിയ ജീവിയായി അറിയപ്പെടുന്ന ജിറാഫുകൾ സ്വതവേ അക്രമകാരികളല്ല. അതിനാൽ തന്നെ അതിന്റെ അക്രമത്തിൽ കുഞ്ഞ് മരിച്ച വിവരം ആളുകളെ ആശങ്കപ്പെടുത്തിയിട്ടുണ്ട്.