അശ്രദ്ധമായ ഡ്രൈവിംഗ്, ബസുമായി കൂട്ടിയിടി ഒഴിവായത് തലനാരിഴയ്ക്ക്, ചോദ്യം ചെയ്തപ്പോൾ അസഭ്യവർഷം; യൂബർ ഡ്രൈവർക്കെതിരെ പരാതി

അശ്രദ്ധമായ ഡ്രൈവിംഗ് ചോദ്യം ചെയ്തതിന് യൂബർ ഡ്രൈവർ മോശമായി പെരുമാറിയെന്ന് ആരോപിച്ച് യാത്രക്കാരൻ പങ്കുവെച്ച കുറിപ്പ് സമൂഹ മാധ്യമങ്ങളിൽ ചർച്ചയാകുന്നു. ബസുമായുള്ള കൂട്ടിയിടി തലനാരിഴയ്ക്ക് ഒഴിവായത് ചോദ്യം ചെയ്തപ്പോൾ ഡ്രൈവർ അധിക്ഷേപിച്ചെന്നും കുറിപ്പിൽ പറയുന്നു. ഈ സംഭവം റൈഡ്-ഹെയ്ലിംഗ് സേവനങ്ങളിലെ സുരക്ഷയെക്കുറിച്ചുള്ള ചർച്ചകൾക്ക് വഴിവെച്ചു.

അശ്രദ്ധമായ ഡ്രൈവിംഗ് ചോദ്യം ചെയ്തതിന് യൂബ‍ർ ഡ്രൈവർ മോശമായി പെരുമാറിയെന്ന യാത്രക്കാരന്‍റെ കുറിപ്പ് സമൂഹ മാധ്യമങ്ങളിൽ വൈറലായി. യാത്രയ്ക്കിടെ അശ്രദ്ധമായ ഡ്രൈവിംഗിനെ തുടർന്ന് തലനാരിഴയ്ക്ക് ഒരു ബസുമായുള്ള കൂട്ടിയിടി ഒഴിവായത് ചോദ്യം ചെയ്ത യാത്രക്കാരോടാണ് യൂബർ ഡ്രൈവർ മോശമായി പെരുമാറിയതെന്നാണ് പരാതി. സംഭവവുമായി ബന്ധപ്പെട്ട യാത്രക്കാരന്‍റെ ആരോപണങ്ങൾ സമൂഹ മാധ്യമങ്ങളിൽ വലിയൊരു ചർച്ചയ്ക്ക് തന്നെ വഴിവച്ചു.

തലനാരിഴയ്ക്ക് ഒഴിവായ അപകടം

യാത്രയ്ക്കിടെ യൂബർ കാർ അപകടകരമായ രീതിയിൽ മുന്നോട്ടുപോയെന്നും സമീപത്തുണ്ടായിരുന്ന ബസുമായി കൂട്ടിയിടിക്കാനുള്ള സാഹചര്യമുണ്ടായെന്നും യാത്രക്കാരൻ തന്‍റെ കുറിപ്പിൽ ആരോപിച്ചു. അപകടസാധ്യത ശ്രദ്ധയിൽപ്പെട്ട യാത്രക്കാരൻ ഡ്രൈവറോട് വാഹനം നിർത്താൻ ആവശ്യപ്പെട്ടെങ്കിലും സാഹചര്യം കൂടുതൽ വഷളാവുകയാണ് ചെയ്തെന്ന് യാത്രക്കാരൻ വിശദീകരിച്ചു. ഡ്രൈവിങ് രീതിയെ ചോദ്യം ചെയ്തപ്പോൾ ഡ്രൈവർ തനിക്കെതിരെ അധിക്ഷേപകരമായ വാക്കുകൾ ഉപയോഗിച്ചെന്നും യാത്രക്കാരൻ ആരോപിച്ചു. സംഭവത്തിന്‍റെ വിശദാംശങ്ങൾ യാത്രക്കാരൻ പങ്കുവെച്ചതോടെ ഓൺലൈൻ പ്ലാറ്റ്‌ഫോമുകളിൽ സുരക്ഷിതമായ യാത്ര, ഡ്രൈവർമാരുടെ ഉത്തരവാദിത്തം, യാത്രക്കാരുടെ പരാതികൾ എന്നിവയെക്കുറിച്ചുള്ള ചർച്ചകൾക്കും വഴിയൊരുങ്ങി.

Dear @Uber @Uber_India @UberIN_Support had a pathetic experience with a ride today

Not only was this guy a pathetically rash driver, he almost collided with a bus and terminated my life today

And when questioned, he started raining choicest abuses on me. Including stuff like… pic.twitter.com/h0tgdMcII0

— The Kaipullai (@thekaipullai) September 12, 2026

വേണം, പരാതിക്കൊരു ഇടം

റൈഡ് - ഹെയിലിങ് സേവനങ്ങൾ ഉപയോഗിക്കുന്നവർക്ക് യാത്രയ്ക്കിടെ സുരക്ഷ ഉറപ്പാക്കേണ്ടത് പ്രധാനമാണെന്ന അഭിപ്രായങ്ങളും ഉയർന്നു. പ്രത്യേകിച്ച് അപകടകരമായ ഡ്രൈവിങ് ശ്രദ്ധയിൽപ്പെട്ടാൽ യാത്രക്കാരന് സുരക്ഷിതമായി പ്രതികരിക്കാനും അടിയന്തര സഹായം തേടാനും കഴിയുന്ന സംവിധാനങ്ങൾ കൂടുതൽ ശക്തമാക്കേണ്ടതിന്‍റെ ആവശ്യകതയും സമൂഹ മാധ്യമ ഉപയോക്താക്കൾ ചൂണ്ടിക്കാട്ടി. അതേസമയം, സംഭവത്തെക്കുറിച്ചുള്ള യാത്രക്കാരന്‍റെ ആരോപണങ്ങൾ മാത്രമാണ് നിലവിൽ പുറത്തുവന്നിട്ടുള്ളത്. യൂബർ ഡ്രൈവറുടെ ഭാഗത്ത് നിന്നുള്ള വിശദീകരണമോ സംഭവവുമായി ബന്ധപ്പെട്ട് യൂബറിന്‍റെ ഭാഗത്ത് നിന്നും ഔദ്യോഗിക അന്വേഷണ വിവരങ്ങളോ ലഭ്യമല്ല.