കാട്ടാക്കടയില്‍ 500 കിലോ പഴകിയ മീൻ പിടിച്ചെടുത്തു; വാഹനം കസ്റ്റഡിയില്‍

തിരുവനന്തപുരത്ത് മീൻപിടുത്തതിന് വിലക്ക് നിലനിൽക്കെയാണ് അന്യസംസ്ഥാനങ്ങളിൽ നിന്ന് പഴകിയ മീൻ എത്തിച്ച് വിൽപന നടത്തുന്നത്  

തിരുവനന്തപുരം: കാട്ടാക്കടയിൽ വില്‍പനയ്‌ക്കെത്തിച്ച 500 കിലോ പഴകിയ മീൻ പൊലീസ് പിടിച്ചെടുത്തു. കണ്ടെയ്‌നറുകളിലും വലിയ വാഹനങ്ങളിലും എത്തിച്ച മത്സ്യം ചില്ലറ വിൽപനക്കാർക്ക് വിതരണം ചെയ്യുന്നതിനിടെയാണ് പിടിച്ചെടുത്തത്. വാഹനങ്ങൾ ഉൾപ്പടെ പൊലീസ് കസ്റ്റഡിയിലെടുത്തു. 

ഭക്ഷ്യസുരക്ഷാ വിഭാഗം നടത്തിയ പരിശോധനയിലും മത്സ്യം കേടായതാണെന്ന് കണ്ടെത്തിയിട്ടുണ്ട്. തിരുവനന്തപുരത്ത് മീൻപിടുത്തതിന് വിലക്ക് നിലനിൽക്കെയാണ് അന്യസംസ്ഥാനങ്ങളിൽ നിന്ന് പഴകിയ മീൻ എത്തിച്ച് വിൽപന നടത്തുന്നത്.