നേരത്തെ വിവാഹിതനായ സന്‍ജിത്ത് രണ്ട് കുട്ടികളെയും ഐശ്വര്യ തന്റെ ഒരു കുഞ്ഞിനെയും ഉപേക്ഷിച്ചാണ് ഒളിച്ചോടിയത്. കുഞ്ഞുങ്ങളെ ഉപേക്ഷിച്ചതിനാണ് ഇരുവര്‍ക്കുമെതിരെ കേസെടുത്തത്.
കൊല്ലം: കുഞ്ഞുങ്ങളെ ഉപേക്ഷിച്ച് ഒളിച്ചോടിയ കാമുകനെയും കാമുകിയെയും പൊലീസ് തമിഴ്‌നാട് മധുരയില്‍നിന്ന് അറസ്റ്റ് ചെയ്തു. മുണ്ടയ്ക്കല്‍ സ്വദേശി ഐശ്വര്യ(28) ഇവരുടെ സഹോദരിയുടെ ഭര്‍ത്താവായ സന്‍ജിത്ത് എന്നിവരെയാണ് ഇരവിപുരം പൊലീസ് അറസ്റ്റ് ചെയ്തത്. നേരത്തെ വിവാഹിതനായ സന്‍ജിത്ത് രണ്ട് കുട്ടികളെയും ഐശ്വര്യ തന്റെ ഒരു കുഞ്ഞിനെയും ഉപേക്ഷിച്ചാണ് ഒളിച്ചോടിയത്.
കുഞ്ഞുങ്ങളെ ഉപേക്ഷിച്ചതിനാണ് ഇരുവര്‍ക്കുമെതിരെ കേസെടുത്തത്. ഐശ്വര്യയെ അട്ടക്കുളങ്ങര വനിതാ ജയിലിലും സന്‍ജിത്തിലെ കൊട്ടാരക്കര സബ് ജയിലിലും റിമാന്‍ഡ് ചെയ്തു.
സംഭവത്തെക്കുറിച്ച് പൊലീസ് പറയുന്നത് ഇങ്ങനെ: ജൂണ്‍ 22ാം തീയതിയാണ് ഇരുവരെയും കാണാതാകുന്നത്. കൊല്ലം വിഷ്ണുകാവിലെ ഭര്‍ത്താവിന്റെ ബന്ധുവീട്ടിലേക്കാണെന്ന് പറഞ്ഞാണ് ഐശ്വര്യ ഇറങ്ങിയത്. ഇവിടെ നിന്ന് സഹോദരിയുടെ ഭര്‍ത്താവും കാമുകനുമായ സന്‍ജിത്തുമായി ഒളിച്ചോടി. ഭാര്യയെ കാണാതായതോടെ ഐശ്വര്യയുടെ ഭര്‍ത്താവ് ഇരവിപുരം പൊലീസില്‍ പരാതി നല്‍കി.
സൈബര്‍ സെല്ലിന്റെ സഹായത്തോടെ നടത്തിയ അന്വേഷണത്തില്‍ ഇവര്‍ മധുരയിലേക്ക് ട്രെയിനില്‍ യാത്ര ചെയ്യുന്നതായി മനസ്സിലാക്കി. റെയില്‍വേ പൊലീസ് ഇരുവരുടെയും ഫോട്ടോ അയച്ചുകൊടുത്ത് സ്ഥിരീകരിച്ചു. പിന്നീട് കൊല്ലം വെസ്റ്റ് പൊലീസ് മധുരയിലെത്തി രണ്ട് പേരെയും കസ്റ്റഡിയിലെടുത്തു.
കൊവിഡ് മഹാമാരിയുടെ രണ്ടാംവരവിന്റെ ഈ കാലത്ത്, എല്ലാവരും മാസ്‌ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്‌സിന്‍ എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യര്‍ത്ഥിക്കുന്നു. ഒന്നിച്ച് നിന്നാല്‍ നമുക്ക് ഈ മഹാമാരിയെ തോല്‍പ്പിക്കാനാവും. #BreakTheChain #ANCares #IndiaFightsCorona