ബിഗ് ബോസ് കപ്പ് ആര്‍ക്ക്?, നാദിറ ചെയ്‍തത് ശരിയോ?, പ്രതികരണവുമായി സാഗര്‍ സൂര്യ

ബിഗ് ബോസ് കപ്പ് സ്വന്തമാക്കുന്നത് ആരായിരിക്കും എന്ന് വ്യക്തമാക്കുകയാണ് സാഗര്‍ സൂര്യ.  

ബിഗ് ബോസ് മലയാളത്തില്‍ ഇത്തവണ ആരായിരിക്കും വിജയി എന്നതിന്റെ ആകാംക്ഷയിലാണ് മത്സരാര്‍ഥികളും പ്രേക്ഷകരുമെല്ലാം. രണ്ട് നാള്‍ മാത്രമാണ് ഫിനാലെയ്‍ക്കുള്ളത്. ആരാണ് ജയിക്കുകയെന്നതില്‍ ബിഗ് ബോസ് ഹൗസില്‍ ചര്‍ച്ച നടക്കുമ്പോള്‍ ഒരാള്‍ക്ക് സാധ്യത അധികമുണ്ടെന്നുമാണ് മിക്കവരും സൂചിപ്പിക്കുന്നത്. പുറത്തുപോയ ഒരു മത്സരാര്‍ഥിയായ സാഗര്‍ പറഞ്ഞ വാക്കുകളും ആരാധകര്‍ ഏറ്റെടുത്തിരിക്കുകയാണ്.

പുറത്തുപോയ മത്സരാര്‍ഥികള്‍ ബിഗ് ബോസ് ഹൗസിലേക്ക് വീണ്ടും എത്തിയിട്ടുണ്ട്. ഗ്രാൻഡ് ഫിനാലെ നടക്കാനിരിക്കേയാണ് വീണ്ടും ഹൗസില്‍ എത്തിയത്. ബിഗ് ബോസ് ഹൗസിലേക്ക് വരാനായി വിമാനത്താവളത്തില്‍ നില്‍ക്കുമ്പോഴായിരുന്നു സാഗര്‍ സൂര്യയോട് മാധ്യമപ്രവര്‍ത്തകര്‍ വിജയി ആരായിരിക്കും എന്ന് ചോദിച്ചത്. എല്ലാവരുടെയും മനസ്സില്‍ ഒരാളല്ലേയെന്ന് തിരിച്ചു ചോദിച്ച സാഗര്‍ സൂര്യ അര്‍ഹതയുള്ളയാള്‍ക്ക് കിട്ടട്ടേ എന്നും വ്യക്തമാക്കി.

പണപ്പെട്ടിയിലെ പണം സ്വീകരിച്ച് നാദിറ പുറത്തുപോയ തീരുമാനം ശരിയോ എന്നും സാഗര്‍ സൂര്യയോട് മാധ്യമപ്രവര്‍ത്തകര്‍ ചോദിച്ചു, നല്ല അഭിപ്രായം എന്നായിരുന്നു ആ ചോദ്യത്തിന് സാഗറിന്റെ മറുപടി. നല്ലതുപോലെ സ്‍ട്രഗിള്‍ ചെയ്‍ത കുട്ടിയാണ്. ആ കുട്ടിക്ക് പണം അത്യാവശ്യമായിരുന്നുവെന്നും ചോദ്യങ്ങള്‍ക്ക് മറുപടിയായി സാഗര്‍ വ്യക്തമാക്കി. പടം ഉണ്ട്, അത് അറിയിക്കാം. പഴയ എപ്പിസോഡുകള്‍ കാണുന്നില്ലെന്നും മറ്റൊരു ചോദ്യത്തിന് മറുപടിയായി സാഗര്‍ സൂര്യ വ്യക്തമാക്കി. എപ്പിസോഡ് കണ്ടാല്‍ പ്രശ്‍നമാണ് ഞാൻ സിനിമയൊക്കെ ചെയ്‍ത് സന്തോഷത്തോടെ ഇരിക്കാനാണ് ആഗ്രഹിക്കുന്നത് എന്നും സാഗര്‍ സൂര്യ വ്യക്തമാക്കി.

ആറ് പേരാണ് നിലവില്‍ സീസണ്‍ ഫൈവില്‍ മത്സരത്തിലുള്ളത്. അഖില്‍ മാരാര്‍, ഷിജു, സെറീന, റെനീഷ, ശോഭ വിശ്വനാഥ്, ജുനൈസ് എന്നിവരാണ് സീസണിലെ ഫൈനല്‍ ആറില്‍ ഇപ്പോഴുള്ളത്. അവസാന നിമിഷം വരെ എല്ലാവരും ഹൗസില്‍ മികച്ച പ്രകടനം നടത്താൻ ശ്രമിച്ചിരുന്നു. അതുകൊണ്ടുതന്നെ വാശിയേറിയ മത്സരമായിരിക്കുമെന്ന് പ്രതീക്ഷിക്കപ്പെടുന്നുമുണ്ട്.

'കയറുമ്പോൾത്തന്നെ ഞാൻ ഫൈനല്‍ ടോപ് 5 പ്രതീക്ഷിച്ചിരുന്നു'; വിഷ്‍ണുവുമായുള്ള അഭിമുഖം