'മഞ്ഞുമ്മൽ ബോയ്സ്' സാമ്പത്തിക തട്ടിപ്പ് കേസ്; സൗബിൻ അടക്കമുള്ള പ്രതികൾക്ക് ജാമ്യം നൽകിയതിനെതിരെ സുപ്രീംകോടതിയിൽ ഹർജി
Synopsis
സൗബിൻ ഉള്പ്പെടെയുള്ളവര്ക്ക് ഹൈക്കോടതി നൽകിയ മുൻകൂർ ജാമ്യം റദ്ദാക്കണമെന്ന് ഹർജിയിലെ ആവശ്യം.
കൊച്ചി: മഞ്ഞുമ്മൽ ബോയ്സ് സിനിമയുമായി ബന്ധപ്പെട്ട സാമ്പത്തിക തട്ടിപ്പ് കേസില് നടൻ സൗബിൻ ഷാഹിര് ഉൾപ്പെടെയുള്ള പ്രതികൾക്ക് ജാമ്യം നൽകിയതിനെതിരെ സുപ്രീംകോടതിയിൽ ഹർജി. കേസിലെ പരാതിക്കാരൻ സിറാജാണ് ഹർജി നൽകിയത്. സൗബിൻ ഉള്പ്പെടെയുള്ളവര്ക്ക് ഹൈക്കോടതി നൽകിയ മുൻകൂർ ജാമ്യം റദ്ദാക്കണമെന്ന് ഹർജിയിലെ ആവശ്യം.
സൗബിന് ഷാഹിര്, ബാബു ഷാഹിര്, ഷോണ് ആന്റണി എന്നിവര്ക്കാണ് ഹൈക്കോടതി നേരത്തെ മുന്കൂര് ജാമ്യം അനുവദിച്ചത്. മഞ്ഞുമ്മല് ബോയ്സ് സിനിമയുടെ ലാഭവിഹിതത്തിന്റെ 40 ശതമാനം നല്കാമെന്ന് വാഗ്ദാനം ചെയ്ത് തന്റെ പക്കല് നിന്ന് ഏഴു കോടി രൂപ വാങ്ങിയെന്നും സിനിമ ലാഭത്തിലായിട്ടും തനിക്ക് പണം നല്കിയില്ലെന്നും കാട്ടി അരൂര് സ്വദേശി സിറാജ് നല്കിയ പരാതിയിലാണ് മൂവര്ക്കുമെതിരെ പൊലീസ് കേസെടുത്തിരുന്നത്. മരട് പൊലീസ് രജിസ്റ്റര് ചെയ്ത കേസിലാണ് ഹൈക്കോടതി മുന്കൂര് ജാമ്യം നല്കിയത്.
സിനിമകളിൽ നിന്ന് Malayalam OTT Release വരെ, Bigg Boss Malayalam Season 7 മുതൽ Mollywood Celebrity news, Exclusive Interview വരെ — എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Movie Release, Malayalam Movie Review, Box Office Collection — എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ ഏഷ്യാനെറ്റ് ന്യൂസ് മലയാളം വാർത്തകൾ