'രാജുവിന്റെ ഷോട്ടുകള് വിസ്മയിപ്പിക്കുന്നത്'; 'ലൂസിഫര്' ട്രെയ്ലറിനെക്കുറിച്ച് വൈശാഖ്
Synopsis
ആദ്യ സംവിധാന സംരംഭത്തില് തന്നെ പൃഥ്വിരാജ് തന്നെ വിസ്മയിപ്പിച്ചെന്ന് അഭിപ്രായപ്പെട്ടിരിക്കുകയാണ് മധുരരാജയുടെ സംവിധായകന് വൈശാഖ്.
ഒരിടവേളയ്ക്ക് ശേഷം മോഹന്ലാല്, മമ്മൂട്ടി ചിത്രങ്ങള് ഒരേ സീസണില് തീയേറ്ററുകളിലേക്ക് എത്തുകയാണ്. മോഹന്ലാലിനെ നായകനാക്കി പൃഥ്വിരാജ് സംവിധാനം ചെയ്യുന്ന 'ലൂസിഫറും' മമ്മൂട്ടിയെ നായകനാക്കി വൈശാഖ് സംവിധാനം ചെയ്യുന്ന 'മധുരരാജ'യും. 28ന് തീയേറ്ററുകളിലെത്താനൊരുങ്ങുന്ന ലൂസിഫറിന്റെ ട്രെയ്ലറും വിഷുവിനെത്തുന്ന മധുരരാജയുടെയും ടീസറും ഇന്നലെ യുട്യൂബില് റിലീസ് ചെയ്തു. ഇരു വീഡിയോകള്ക്കും വന് പ്രതികരണമാണ് ലഭിക്കുന്നത്. ആദ്യ സംവിധാന സംരംഭത്തില് തന്നെ പൃഥ്വിരാജ് തന്നെ വിസ്മയിപ്പിച്ചെന്ന് അഭിപ്രായപ്പെട്ടിരിക്കുകയാണ് മധുരരാജയുടെ സംവിധായകന് വൈശാഖ്.
'രാജുവിന്റെ വിസ്മയിപ്പിക്കുന്ന ഷോട്ടുകള്, മനസ് കീഴടക്കുന്ന ലാലേട്ടന്, ഗംഭീര ട്രെയ്ലര്, ലൂസിഫര് ടീമിന് എല്ലാ ആശംസകളും' എന്ന വരികളോടെയാണ് വൈശാഖ് ലൂസിഫറിന്റെ ട്രെയ്ലര് ലിങ്ക് തന്റെ ഫേസ്ബുക്ക് പേജില് ഷെയര് ചെയ്തിരിക്കുന്നത്.
മലയാളത്തിലെ തന്നെ എക്കാലത്തെയും വലിയ ബോക്സ്ഓഫീസ് ഹിറ്റ് ആയിരുന്ന 'പുലിമുരുകന്' ശേഷം വൈശാഖ് സംവിധാനം ചെയ്യുന്ന ചിത്രമാണ് മധുരരാജ. മമ്മൂട്ടിയെ നായകനാക്കി 2010ല് ഒരുക്കിയ 'പോക്കിരിരാജ'യിലെ 'രാജ' എന്ന കഥാപാത്രത്തിന്റെ തുടര്ച്ചയാണ് മധുരരാജ. വൈശാഖിന്റെ അരങ്ങേറ്റചിത്രമായിരുന്നു പോക്കിരിരാജ. ഒന്പത് വര്ഷത്തെ ഇടവേളയ്ക്ക് ശേഷമാണ് മമ്മൂട്ടിയും വൈശാഖും വീണ്ടും ഒന്നിക്കുന്നത്.
സിനിമകളിൽ നിന്ന് Malayalam OTT Release വരെ, Bigg Boss Malayalam Season 7 മുതൽ Mollywood Celebrity news, Exclusive Interview വരെ — എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Movie Release, Malayalam Movie Review, Box Office Collection — എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ ഏഷ്യാനെറ്റ് ന്യൂസ് മലയാളം വാർത്തകൾ