വേനൽക്കാലത്ത് അമിതമായി മുട്ട കഴിക്കാൻ പാടുണ്ടോ? ഇക്കാര്യങ്ങൾ ശ്രദ്ധിക്കാം

മുട്ടയുടെ എണ്ണത്തിലും കൃത്യത വേണം, പ്രത്യേകിച്ച് വേനൽക്കാലത്ത്. കാരണം മുട്ട ശരീരത്തിൽ ചൂട് കൂട്ടുന്ന ഭക്ഷണമാണ്.

പ്രഭാതഭക്ഷണത്തിൽ മുട്ടയില്ലാത്ത ഒരു ദിവസം പലർക്കും ചിന്തിക്കാൻ പോലും കഴിയില്ല. പല വിഭവങ്ങളിലും മുട്ട ഒരു പ്രധാന ചേരുവയാണ്. നിങ്ങൾ നോൺ വെജിറ്റേറിയൻ ആണെങ്കിൽ പ്രോട്ടീൻ നേടാനുള്ള ഏറ്റവും നല്ല വഴികളിലൊന്നാണ് മുട്ട കഴിക്കുന്നത്. എന്നാൽ ഒരു ദിവസം എത്ര മുട്ട കഴിക്കുന്നതാണ് ശരിക്കും ആരോഗ്യത്തിന് നല്ലതെന്ന് അറിയാമോ? മുട്ടയുടെ എണ്ണത്തിലും കൃത്യത വേണം, പ്രത്യേകിച്ച് വേനൽക്കാലത്ത്. കാരണം മുട്ട ശരീരത്തിൽ ചൂട് കൂട്ടുന്ന ഒരു ഭക്ഷണമാണ്. ഇത് ആരോഗ്യത്തിന് ദോഷം ചെയ്തേക്കാം. ഇക്കാര്യങ്ങൾ നിങ്ങൾ അറിഞ്ഞിരിക്കണം.

ഒരു ദിവസം എത്ര മുട്ട കഴിക്കാം?

ആരോഗ്യമുള്ള ഒരാൾക്ക് ഒരു ദിവസം ഒന്നോ രണ്ടോ മുട്ട കഴിക്കുന്നതിൽ തെറ്റില്ല. എന്നാൽ വേനൽക്കാലത്ത് ഈ അളവ് കൂടാതെ നോക്കാൻ ശ്രദ്ധിക്കണം. കാരണം മുട്ട ശരീരത്തിൽ ചൂട് വർദ്ധിപ്പിക്കുന്നു. ഇത് ആരോഗ്യത്തിന് ദോഷകരമായി മാറിയേക്കാം. മുട്ട കഴിക്കുന്നതിന്റെ ഗുണങ്ങൾ ഇതാണ്.

കണ്ണുകൾക്ക് നല്ലതാണ്

മുട്ടയിലുള്ള ല്യൂട്ടിൻ, സിയാക്സാന്തിൻ തുടങ്ങിയ ആന്റിഓക്‌സിഡന്റുകൾ കാഴ്ചശക്തി മെച്ചപ്പെടുത്താൻ സഹായിക്കും.

തലച്ചോറിന്റെ ആരോഗ്യം മെച്ചപ്പെടുത്തുന്നു

മുട്ടയിലടങ്ങിയ കോളിൻ എന്ന പോഷകം തലച്ചോറിന്റെ വളർച്ചയ്ക്കും ഓർമ്മശക്തിക്കും വളരെ നല്ലതാണ്.

ഹൃദയാരോഗ്യം മെച്ചപ്പെടുത്തുന്നു

ചീത്ത കൊളസ്ട്രോൾ നിയന്ത്രിച്ച് ഹൃദയാരോഗ്യം സംരക്ഷിക്കാൻ സഹായിക്കുന്ന പല ഘടകങ്ങളും മുട്ടയിൽ അടങ്ങിയിട്ടുണ്ട്.

അമിതവണ്ണം കുറയ്ക്കാൻ സഹായിക്കുന്നു

കലോറി കുറവും പ്രോട്ടീൻ കൂടുതലുമുള്ള ഭക്ഷണമാണ് മുട്ട. ഇത് കഴിച്ചാൽ പെട്ടെന്ന് വിശക്കില്ല. അതിനാൽ ശരീരഭാരം നിയന്ത്രിക്കാനും എളുപ്പമാണ്.

മുടിയുടെ ആരോഗ്യം മെച്ചപ്പെടുത്തുന്നു

മുടിക്ക് ആവശ്യമായ ബയോട്ടിനും പ്രോട്ടീനും മുട്ടയിൽ ധാരാളമുണ്ട്. മുട്ട എണ്ണയിൽ ചേർത്ത് തലയിൽ പുരട്ടുന്നതും മുടിയുടെ ആരോഗ്യത്തിന് നല്ലതാണ്.