ഒരു മണിക്കൂറിനുള്ളില് തയ്യാറാക്കിയത് 33 ഭക്ഷണങ്ങള്; റെക്കോര്ഡ് നേടി പത്ത് വയസുകാരി!
Synopsis
കൊച്ചി സ്വദേശിയായ വിങ് കാമന്ഡര് പ്രജിത്ത് ബാബുവിന്റെ മകളാണ് സാന്വി.
ഒരു മണിക്കൂറിനുള്ളില് 33 ഭക്ഷണങ്ങള് തയ്യാറാക്കി ഏഷ്യ ബുക്ക് ഓഫ് റെക്കോര്ഡ്സില് ഇടംനേടി പത്ത് വയസുകാരി. സാന്വി എം പ്രജിത്ത് എന്ന പെണ്കുട്ടിയാണ് ചെറിയ സമയത്തിനുള്ളില് ഇത്രയേറെ വിഭവങ്ങള് തയ്യാറാക്കിയ ആ മിടുക്കി.
കൊച്ചി സ്വദേശിയായ വിങ് കമാന്ഡര് പ്രജിത്ത് ബാബുവിന്റെ മകളാണ് സാന്വി. ഇഡ്ഡലി, ചിക്കന് റോസ്റ്റ്, ഫ്രൈഡ് റൈസ്, സാൻഡ്വിച്ച് തുടങ്ങി 33 വിവിധതരം ഭക്ഷണങ്ങളാണ് സാന്വി ഒരു മണിക്കൂറിനുള്ളില് തയ്യാറാക്കിയത്. ഓഗസ്റ്റ് 29നാണ് സാന്വി ഈ റെക്കോര്ഡ് സ്വന്തമാക്കിയത്. കുറഞ്ഞ സമയത്തിനുള്ളില് ഏറ്റവുമധികം വിഭവങ്ങള് പാകം ചെയ്ത കുട്ടി എന്ന നിലയിലാണ് സാന്വിയുടെ റെക്കോഡ് രേഖപ്പെടുത്തിയിട്ടുള്ളത്.
പാചക വിദഗ്ധയായ അമ്മ മഞ്ജ്മയാണ് സാന്വിയുടെ പ്രചോദനം. വളരെ കുഞ്ഞിലെ തന്നെ പാചകത്തോടുള്ള അഭിരുചി സാന്വി പ്രകടിപ്പിച്ചിരുന്നു. സ്വന്തമായി ഒരു യൂട്യൂബ് ചാനലും സാന്വിക്കുണ്ട്.
Also Read: ഒരു കോണിൽ എത്ര സ്കൂപ് ഐസ്ക്രീം നിറയ്ക്കാം? റെക്കോർഡ് നേടിയ വീഡിയോ...