ഉഗ്രന്‍ ടേസ്റ്റില്‍ ചില്ലി ഫിഷ് തയ്യാറാക്കാം; റെസിപ്പി

ഏഷ്യാനെറ്റ് ന്യൂസ് ഓണ്‍ലൈനില്‍ ഇത്തവണ വ്യത്യസ്ത തരം കടല്‍ വിഭവങ്ങള്‍ അഥവാ സീഫുഡ് റെസിപ്പികള്‍. ഇന്ന് രശ്മി രഞ്ജിത് തയ്യാറാക്കിയ പാചകക്കുറിപ്പ്.  

'രുചിക്കാലം' വ്യത്യസ്തമായ പാചകക്കുറിപ്പുകളുടെ ഈ ആഘോഷത്തിൽ പങ്കാളിയാവാൻ താൽപ്പര്യമുണ്ടോ? ഉണ്ടെങ്കിൽ നിങ്ങൾ തയ്യാറാക്കിയ വ്യത്യസ്തമായ പാചകക്കുറിപ്പുകൾ നല്ലൊരു ഫോട്ടോയും വിശദമായ വിലാസവും അടക്കം ruchikalamrecipes@gmail.com എന്ന വിലാസത്തിൽ അയക്കുക. യൂ ട്യൂബ് വീഡിയോ ഉണ്ടെങ്കിൽ അതിന്റെ ലിങ്ക് കൂടി അയക്കാം. സബ്ജക്റ്റ് ലൈനിൽ Recipes എന്ന് എഴുതണം. മികച്ച പാചകക്കുറിപ്പുകൾ രുചിക്കാലം പ്രസിദ്ധീകരിക്കും.

ഉഗ്രൻ രുചിയിൽ ചില്ലി ഫിഷ് തയാറാക്കിയാലോ? 

വേണ്ട ചേരുവകൾ

ഫിഷ് - 1/2 കിലോ 
കോൺഫ്ലവർ - 250 ഗ്രാം 
കാശ്മീരി മുളക് പൊടി - 100 ഗ്രാം 
ഉപ്പ് - 2 സ്പൂൺ 
എണ്ണ - 4 സ്പൂൺ 
കാപ്സികം -1 കപ്പ് 
സവാള - 1 കപ്പ് 
ടൊമാറ്റോ സോസ് - 2 സ്പൂൺ 
ചില്ലി സോസ് - 2 സ്പൂൺ 
വെളുത്തുള്ളി - 1 സ്പൂൺ 
പച്ചമുളക് - 2 എണ്ണം 
ചില്ലി സോസ് - 2 സ്പൂൺ 
സോയ സോസ് - 1 സ്പൂൺ 
മല്ലിയില - 4 സ്പൂൺ 
മുളക് പൊടി - 1 സ്പൂൺ 

തയ്യാറാക്കുന്ന വിധം

ഫിഷ് നല്ലതുപോലെ കഴുകി വൃത്തിയാക്കി എടുത്തതിനുശേഷം ഒരു പാത്രത്തിലേക്ക് കുറച്ച് കോൺഫ്ലറും കാശ്മീരി മുളകുപൊടിയും ആവശ്യത്തിന് ഉപ്പും ചേർത്ത് നല്ലതുപോലെ ഇതിനെ ഒന്ന് ഇളക്കി യോജിപ്പിച്ച് എടുത്തതിനുശേഷം മീൻ അതിലേയ്ക്ക് മുക്കി എണ്ണയിൽ വറുത്തെടുത്ത് മാറ്റിവയ്ക്കുക. ഇനി ഒരു പാൻവച്ചു ചൂടാകുമ്പോൾ ആവശ്യത്തിനു എണ്ണ ഒഴിച്ച് കൊടുത്തതിന് ശേഷം അതിലേയ്ക്ക് ആവശ്യത്തിന് വെളുത്തുള്ളി ചെറുതായി അരിഞ്ഞത് കൂടി ചേർത്ത് നന്നായിട്ട് വഴറ്റുക. ഇനി അതിലേയ്ക്ക് പച്ചമുളകും സവാളയും ഉപ്പും ചേർത്ത് നല്ലതുപോലെ വഴറ്റിയെടുക്കുക. ശേഷം ഇതിലേക്ക് ആവശ്യത്തിന് ചില്ലി സോസും ടൊമാറ്റോ സോസും സോയ സോസും ചേർത്തുകൊടുക്കുക. ഇനി കുറച്ചു വെള്ളം കൂടി ഒഴിച്ചതിനുശേഷം ഇതിലേക്ക് നേരത്തെ മിക്സ് ചെയ്തു വെച്ചിട്ടുള്ള കോൺഫ്ലവറിന്റെ മിക്സ് കൂടി ഒഴിച്ചു കൊടുത്തു നന്നായിട്ട് കുറുകി വരുമ്പോൾ ഇതിലേക്ക് മുളകുപൊടിയും ആവശ്യത്തിന് ഉപ്പും ചേർത്ത് കൊടുക്കുക. ഇതൊന്നു കുറുകി തുടങ്ങുമ്പോൾ അതിലേക്ക് വറുത്തു വെച്ചിട്ടുള്ള മീന്‍ കൂടി ചെറുതീയില്‍ നന്നായി ഇളക്കി യോജിപ്പിച്ച് എടുക്കുക. ഇതോടെ ചില്ലി ഫിഷ് റെഡി. ഇനി ഇതിലേയ്ക്ക് അവസാനമായിട്ട് മല്ലിയില കൂടി ചേർത്ത് അലങ്കരിച്ചു കൊടുക്കാവുന്നതാണ്.