ശ്വാസകോശത്തെ ആരോഗ്യമുള്ളതാക്കാൻ നിർബന്ധമായും കഴിക്കേണ്ട 7 ഭക്ഷണങ്ങൾ

ശരീരത്തിലെ പ്രധാനപ്പെട്ട അവയവങ്ങളിൽ ഒന്നാണ് ശ്വാസകോശം. അതിനാൽ തന്നെ ശ്വാസകോശത്തിന്റെ ആരോഗ്യം നമ്മൾ പ്രത്യേകം ശ്രദ്ധിക്കേണ്ടതുണ്ട്. ശ്വാസകോശത്തിന്റെ ആരോഗ്യം മെച്ചപ്പെടുത്താൻ ഈ ഭക്ഷണങ്ങൾ കഴിക്കൂ.

ഇലക്കറികൾ

ഇലക്കറികളിൽ ധാരാളം വിറ്റാമിൻ സി, ഇ, കെ, ബീറ്റ കരോട്ടീൻ എന്നിവ അടങ്ങിയിട്ടുണ്ട്. ഇവ ശരീരത്തിലെ വിഷാംശങ്ങളെ ഇല്ലാതാക്കുകയും ശ്വാസകോശ ആരോഗ്യത്തെ മെച്ചപ്പെടുത്താനും സഹായിക്കുന്നു.

ബെറീസ്

ബെറീസിൽ ധാരാളം ആന്റിഓക്‌സിഡന്റുകൾ അടങ്ങിയിട്ടുണ്ട്. ഇത് ഫ്രീ റാഡിക്കൽസിനെതിരെ പോരാടാനും ശ്വാസകോശത്തെ പിന്തുണയ്ക്കുകയും ചെയ്യുന്നു.

മഞ്ഞൾ

മഞ്ഞളിൽ കുർകുമിൻ അടങ്ങിയിട്ടുണ്ട്. ഇതിന്റെ ആന്റി ഇൻഫ്ലമേറ്ററി ആന്റി ഓക്സിഡന്റ് ഗുണങ്ങൾ ശ്വാസകോശത്തെയും ശരീര ആരോഗ്യത്തെയും മെച്ചപ്പെടുത്തുന്നു.

സിട്രസ് പഴങ്ങൾ

സിട്രസ് പഴങ്ങളിൽ ധാരാളം വിറ്റാമിൻ സി അടങ്ങിയിട്ടുണ്ട്. ഇത് രോഗ പ്രതിരോധശേഷി വർധിപ്പിക്കാനും ശ്വാസകോശത്തിലെ ഓക്സിഡേറ്റീവ് സമ്മർദ്ദം കുറയ്ക്കാനും സഹായിക്കുന്നു.

നട്സ്

ബദാം, വാൽനട്ട്, ഫ്ലാക്സ് സീഡ്‌സ്, സൺഫ്ലവർ സീഡ്സ് എന്നിവയിൽ ധാരാളം ഫാറ്റി ആസിഡുകളും, വിറ്റാമിൻ ഇയും ആന്റി ഓക്സിഡന്റുകളും അടങ്ങിയിട്ടുണ്ട്. ഇത് ആരോഗ്യത്തെ മെച്ചപ്പെടുത്താനും ശ്വാസകോശത്തെ സംരക്ഷിക്കുകയും ചെയ്യുന്നു.

ഗ്രീൻ ടീ

ഗ്രീൻ ടീയിൽ ധാരാളം ആന്റിഓക്‌സിഡന്റുകൾ അടങ്ങിയിട്ടുണ്ട്. ഇത് ഓക്സിഡേറ്റീവ് സ്‌ട്രെസ് കുറയ്ക്കാനും വീക്കത്തെ തടയാനും ശ്വാസകോശത്തെ സംരക്ഷിക്കുകയും ചെയ്യുന്നു.

ഇഞ്ചി

നിരവധി ഗുണങ്ങൾ അടങ്ങിയതാണ് ഇഞ്ചി. ഇതിൽ അടങ്ങിയിരിക്കുന്ന ആന്റി ഇൻഫ്ലമേറ്ററി, ആന്റി ഓക്സിഡന്റ് ഗുണങ്ങൾ ആരോഗ്യത്തെ സംരക്ഷിക്കുന്നു.