പ്രമേഹം ഉള്ളവർ വൃക്കയെ സംരക്ഷിക്കാൻ ഡയറ്റിൽ വരുത്തേണ്ട ചില മാറ്റങ്ങൾ

വൃക്കയെ തകരാറിലാക്കുന്ന രോഗങ്ങളിൽ ഒന്നാണ് പ്രമേഹം. പ്രമേഹം കൂടുന്നതിന് അനുസരിച്ച് വൃക്ക തകരാറിലാവാനുള്ള സാധ്യതയും കൂടുന്നു. അതിനാൽ പ്രമേഹം ഉള്ളവർ ഡയറ്റിൽ ഈ മാറ്റങ്ങൾ വരുത്തേണ്ടതുണ്ട്.

സംസ്കരിച്ച ഭക്ഷണങ്ങൾ ഒഴിവാക്കാം

ചിപ്സ്, പാക്കറ്റിൽ ലഭിക്കുന്ന ഇറച്ചി എന്നിവയിൽ ഉയർന്ന അളവിൽ സോഡിയം, പ്രിസർവേറ്റീവുകൾ, ആരോഗ്യകരമല്ലാത്ത കൊഴുപ്പ് എന്നിവ ചേർന്നിട്ടുണ്ട്.

അമിതമായി ഉപ്പ് കഴിക്കുന്നത്

പ്രമേഹം ഉള്ളവർ അമിതമായി ഉപ്പ് കഴിക്കരുത്. സ്നാക്സ്, പാക്കറ്റ് ഭക്ഷണങ്ങൾ എന്നിവയിൽ എല്ലാം സോഡിയത്തിന്റെ അളവ് കൂടുതലായിരിക്കും.

പഞ്ചസാര അമിതമാക്കരുത്

മധുരമടങ്ങിയ ഭക്ഷണങ്ങൾ അമിതമായി കഴിക്കുന്നത് ഒഴിവാക്കണം. ഇത് പ്രമേഹം കൂടാനും വൃക്കകൾ തകാറിലാവാനും കാരണമാകും.

പ്രോട്ടീൻ അമിതമാകരുത്

പ്രോട്ടീൻ ശരീരത്തിന് ആവശ്യമാണെങ്കിലും ഇത് അമിതമായാൽ ആരോഗ്യത്തിന് ദോഷം ചെയ്യും. പ്രോട്ടീന്റെ അളവ് കൂടുന്നത് വൃക്കകൾ തകരാറിലാവാൻ കാരണമാകുന്നു.

വെള്ളം കുടിക്കാതിരിക്കുന്നത്

ശരീരം ആരോഗ്യകരമായി നിലനിർത്തുന്നതിന് വെള്ളം ആവശ്യമാണ്. വെള്ളം കുടിക്കാതെ വരുമ്പോൾ നിർജ്ജലീകരണം ഉണ്ടാകും ഇത് വൃക്കകൾ തകരാറിലാവാൻ കാരണമാകും.

ഭക്ഷണക്രമീകരണം

കൃത്യമായ ഭക്ഷണ ക്രമീകരണം ഇല്ലെങ്കിൽ പ്രമേഹം കൂടാനും ഇത് വൃക്കകൾ തകാറിലാവാനും കാരണമാകും.