പ്രമേഹം ; ചർമ്മത്തിൽ കാണപ്പെടുന്ന ആറ് ലക്ഷണങ്ങൾ

രക്തത്തിലെ ​പഞ്ചസാരയുടെ അളവ് കൂടുന്ന രോ​ഗാവസ്ഥയാണ് പ്രമേഹം എന്ന് പറയുന്നത്. ചർമ്മത്തിലെ ചില മാറ്റങ്ങൾ പ്രമേഹത്തിന്റേതാകാം. 

പ്രമേഹം ; ചർമ്മത്തിൽ കാണപ്പെടുന്ന ആറ് ലക്ഷണങ്ങൾ

രക്തത്തിലെ ​പഞ്ചസാരയുടെ അളവ് കൂടുന്ന രോ​ഗാവസ്ഥയാണ് പ്രമേഹം എന്ന് പറയുന്നത്. ചർമ്മത്തിലെ ചില മാറ്റങ്ങൾ പ്രമേഹത്തിന്റേതാകാം. പ്രമേഹമുള്ളവരിൽ മൂന്നിലൊന്ന് ആളുകൾക്കും ചർമ്മത്തിലെ വ്രണങ്ങൾ അല്ലെങ്കിൽ കാലിലെ ചുണങ്ങു പോലുള്ള ചർമ്മ പ്രശ്നങ്ങൾ ഉണ്ടാകുന്നതായി പഠനങ്ങൾ‌ ചൂണ്ടിക്കാട്ടുന്നു.

ചില ചർമ്മപ്രശ്നങ്ങൾ പലരും അവ​ഗണിക്കാറുണ്ട്. അത് പ്രമേഹത്തിന്റെ ലക്ഷണമാകാം

ചില ചർമ്മപ്രശ്നങ്ങൾ പലരും അവ​ഗണിക്കാറുണ്ട്. അത് പ്രമേഹത്തിന്റെ ലക്ഷണമാകാമെന്ന് അമേരിക്കൻ ഡയബറ്റിസ് അസോസിയേഷൻ (ADA) പറഞ്ഞു. പ്രമേഹവുമായി ബന്ധപ്പെട്ട മിക്ക ചർമ്മപ്രശ്നങ്ങളും നേരത്തെ തിരിച്ചറിഞ്ഞാൽ അവ തടയാനോ എളുപ്പത്തിൽ ചികിത്സിക്കാനോ കഴിയും. പ്രമേഹവുമായി ബന്ധപ്പെട്ട സാധാരണ ചർമ്മ ലക്ഷണങ്ങ‌ളെ കുറിച്ചാണ് ഇനി പറയുന്നത്.

ഡയബറ്റിക് ഡെർമോപ്പതി ആദ്യത്തെ ലക്ഷണം എന്ന് പറയുന്നത്.

ഡയബറ്റിക് ഡെർമോപ്പതി ആദ്യത്തെ ലക്ഷണം എന്ന് പറയുന്നത്. ശരീരത്തിനുള്ളിൽ ഉപാപചയ മാറ്റങ്ങൾ ഉണ്ടാകുമ്പോൾ, ചർമ്മത്തിൽ ചെറിയ, വൃത്താകൃതിയിലുള്ള, ചുവപ്പ് കലർന്ന പാടുകൾ ഉണ്ടാകാം, ഇവ സാധാരണയായി കാലിന്റെ താഴത്തെ ഭാഗങ്ങളിൽ (ഷിൻ) പ്രത്യക്ഷപ്പെടുന്നു. ഈ പാടുകൾ വേദനയോ ചൊറിച്ചിലോ ഉണ്ടാക്കുന്നില്ല. പക്ഷേ അവ രക്തക്കുഴലുകളിലെ പ്രമേഹവുമായി ബന്ധപ്പെട്ട മാറ്റങ്ങളുടെ ലക്ഷണമാണ്.

കഴുത്തിലെയും കക്ഷങ്ങളിലെയും ഇരുണ്ട നിറം പ്രമേ​ഹത്തിന്റെ ലക്ഷണമായി കണക്കാക്കപ്പെടുന്നു.

കഴുത്തിലെയും കക്ഷങ്ങളിലെയും ഇരുണ്ട നിറം പ്രമേ​ഹത്തിന്റെ ലക്ഷണമായി കണക്കാക്കപ്പെടുന്നു. ഇതിനെ അകാന്തോസിസ് നൈഗ്രിക്കൻസ് എന്ന് പറയുന്നു. കഴുത്തിലോ കക്ഷത്തിലോ കറുത്ത പാടുകൾ പ്രത്യക്ഷപ്പെടുന്നത് പ്രമേഹത്തിന്റെ ലക്ഷണമാകാം, കാരണം ശരീരം ഇൻസുലിൻ ശരിയായി ഉത്പാദിപ്പിക്കാൻ പാടുപെടുന്നുണ്ടാകാം. ചർമ്മത്തിലെ ഇരുണ്ട, കട്ടിയുള്ള പാടുകൾ, സാധാരണയായി കഴുത്ത്, കക്ഷങ്ങൾ, ഞരമ്പുകൾ, ചിലപ്പോൾ മുട്ടുകൾ എന്നിവിടങ്ങളിൽ കാണപ്പെടുന്നു.

സാവധാനത്തിൽ സുഖപ്പെടുന്ന മുറിവുകളാണ് മറ്റൊരു ലക്ഷണം.

സാവധാനത്തിൽ സുഖപ്പെടുന്ന മുറിവുകളാണ് മറ്റൊരു ലക്ഷണം. ചർമ്മത്തിലെ മുറിവുകൾ ഉണങ്ങാൻ സമയം എടുക്കുകയോ പൂർണ്ണമായും സുഖപ്പെടാൻ കുറച്ച് സമയമെടുക്കുന്നുണ്ടെങ്കിലോ അതും പ്രമേഹത്തിന്റെ ലക്ഷണമാകാം. പ്രമേഹം രക്തക്കുഴലുകളെയും ഞരമ്പുകളെയും തകരാറിലാക്കുന്നു. രോഗപ്രതിരോധ കോശങ്ങളിലെ തകരാറുകൾ ടിഷ്യു നന്നാക്കൽ പ്രക്രിയകളുടെ തകരാറുകൾക്കൊപ്പം സംഭവിക്കാം. ഇത് വിട്ടുമാറാത്ത ഉണങ്ങാത്ത മുറിവുകളിലേക്ക് നയിക്കുന്നു.

ഇടയ്ക്കിടെയുള്ള ഫംഗസ്/ബാക്ടീരിയ അണുബാധകൾ ഇവ പ്രമേഹ​ത്തിന്റെ ലക്ഷണമായി വിദ​ഗ്ധർ പറയുന്നു

ഇടയ്ക്കിടെയുള്ള ഫംഗസ്/ബാക്ടീരിയ അണുബാധകൾ ഇവ പ്രമേഹ​ത്തിന്റെ ലക്ഷണമായി വിദ​ഗ്ധർ പറയുന്നു. രക്തത്തിലെ പഞ്ചസാരയുടെ അളവ് അനിയന്ത്രിതമായി ഉയരുന്നത് രോഗപ്രതിരോധ ശേഷി ദുർബലപ്പെടുത്തുന്നതിലേക്ക് നയിക്കുന്നു. ഇത് രോഗാണുക്കൾക്ക് വളരാൻ അനുകൂലമായ അന്തരീക്ഷം സൃഷ്ടിക്കുന്നു. പ്രമേഹമുള്ളവർക്ക് പലപ്പോഴും ആവർത്തിച്ചുള്ള ഫംഗസ്, ബാക്ടീരിയ അണുബാധകൾ എന്നിവ ഉണ്ടാകുമെന്ന് ജേണൽ ഓഫ് പ്യുവർ ആൻഡ് അപ്ലൈഡ് മൈക്രോബയോളജിയിൽ വ്യക്തമാക്കുന്നു.

ചൊറിച്ചിൽ, വരണ്ട ചർമ്മം എന്നിവയും പ്രമേഹത്തിന്റെ ലക്ഷണമാണ്.

ചൊറിച്ചിൽ, വരണ്ട ചർമ്മം എന്നിവയും പ്രമേഹത്തിന്റെ ലക്ഷണമാണ്. രക്തത്തിലെ പഞ്ചസാരയുടെ സ്ഥിരമായ സാന്നിധ്യം ശരീരത്തിൽ നിന്ന് ദ്രാവകം പുറത്തേക്ക് വലിച്ചെടുക്കുന്നു, ഇത് നിർജ്ജലീകരണത്തിനും വരൾച്ചയ്ക്കും കാരണമാകുന്നു. ഇതാണ് ചൊറിച്ചിലും വരണ്ട ചർമ്മത്തിനും പ്രധാന കാരണം. കൂടാതെ, രക്തത്തിലെ പഞ്ചസാരയുടെ അളവ് കൂടുന്നത് ചെറിയ രക്തക്കുഴലുകളെയും ഞരമ്പുകളെയും തകരാറിലാക്കുകയും, സാധാരണയായി ചർമ്മത്തിൽ ഈർപ്പം നിലനിർത്തുന്ന വിയർപ്പിന്റെയും എണ്ണയുടെയും ഉത്പാദനം കുറയ്ക്കുകയും ചെയ്യുന്നു.

ടൈപ്പ് 1, ടൈപ്പ് 2 പ്രമേഹമുള്ളവരിൽ വൈറ്റിലിഗോ സാധാരണമായി കാണപ്പെടുന്നു.

ചർമ്മത്തിലെ പാടുകളുടെ സ്വാഭാവിക നിറം നഷ്ടപ്പെട്ട് വെളുത്ത നിറമാകുന്ന ഒരു സാധാരണ ചർമ്മ അവസ്ഥയായി വിറ്റിലിഗോ മാറിക്കൊണ്ടിരിക്കുന്നു. പിഗ്മെന്റ് ഉത്പാദിപ്പിക്കുന്ന ആരോഗ്യകരമായ ചർമ്മകോശങ്ങളെ രോഗപ്രതിരോധ സംവിധാനം തെറ്റിദ്ധരിക്കുന്നതിനാലാണ് ഇത് സംഭവിക്കുന്നത്, ഇത് ചർമ്മത്തിലെ വെളുത്ത നിറത്തിലുള്ള മാറ്റങ്ങൾക്ക് കാരണമാകുന്നു. ടൈപ്പ് 1, ടൈപ്പ് 2 പ്രമേഹമുള്ളവരിൽ വൈറ്റിലിഗോ സാധാരണമായി കാണപ്പെടുന്നു.