കൊതുക് കടിച്ചാലുണ്ടാകുന്ന തടിപ്പും അലര്‍ജിയും; വീട്ടില്‍ ചെയ്യാവുന്നത്...
First Published May 2, 2020, 11:26 PM ISTവേനല്‍മഴയുടെ വരവോടെ കൊതുകുകളും ഉണര്‍ന്നുകഴിഞ്ഞു. സന്ധ്യ കഴിഞ്ഞാല്‍പ്പിന്നെ കൊതുകിനെ ഓടിക്കാനുള്ള ശ്രമത്തിലാണിപ്പോള്‍ മിക്ക വീട്ടകങ്ങളും. കൊതുക് പരത്തുന്ന രോഗങ്ങളെക്കുറിച്ചെല്ലാം മിക്കവര്‍ക്കും തികഞ്ഞ ബോധ്യമുണ്ട്. അതിനാല്‍ത്തന്നെ പരമാവധി കൊതുകിനെ അകറ്റാനുള്ള മാര്‍ഗങ്ങള്‍ നമ്മള്‍ കൈക്കൊള്ളാറുമുണ്ട്. കൊതുകുകടി, ചിലരിലുണ്ടാക്കുന്ന അലര്‍ജി അസഹനീയമാണ്. തടിപ്പും, ഏറെ നേരം നീണ്ടുനില്‍ക്കുന്ന ചൊറിച്ചിലുമാണ് ഇതിന്റെ ലക്ഷണം. ഇതിന് വീട്ടില്‍ ചെയ്യാവുന്ന ചില പൊടിക്കൈകളെ കുറിച്ചാണ് ഇനി പറയുന്നത്.