30 കഴിഞ്ഞ പുരുഷന്മാരേ...ഈ ശാരീരിക മാറ്റങ്ങൾ അവഗണിക്കരുത്, ജീവൻ പോലും അപകടത്തിലായേക്കാം!

30 വയസ്സ് കഴിയുന്നതോടെ സ്ത്രീകളെപ്പോലെ പുരുഷന്മാരിലും പല ശാരീരിക മാറ്റങ്ങളും കണ്ടുതുടങ്ങും. എന്നാൽ പലരും ഇത് വേണ്ടത്ര ഗൗരവമായി എടുക്കാറില്ല. ഇത് പിന്നീട് പലതരം ആരോഗ്യപ്രശ്നങ്ങളിലേക്ക് നയിച്ചേക്കാം. 

പ്രോസ്റ്റേറ്റ് കാൻസർ

30 വയസ്സിന് ശേഷം ചില പുരുഷന്മാരിൽ പ്രോസ്റ്റേറ്റ് കാൻസറിനുള്ള സാധ്യത വർധിക്കും. മൂത്രമൊഴിക്കുമ്പോൾ വേദന, രാത്രിയിൽ അടിക്കടി മൂത്രമൊഴിക്കാൻ തോന്നുക എന്നിവ ഇതിന്റെ ലക്ഷണങ്ങളാണ്. ഈ ലക്ഷണങ്ങൾ കണ്ടാൽ അവഗണിക്കരുത്, ഉടൻ ഡോക്ടറെ കാണണം.

30 വയസ്സ്

30 വയസ്സ് കഴിഞ്ഞാൽ പുരുഷന്മാരിൽ ദഹനപ്രക്രിയ പതിയെയാകാൻ തുടങ്ങും. ഇത് ഭക്ഷണം ദഹിക്കാൻ ബുദ്ധിമുട്ടുണ്ടാക്കും. ശരീരത്തിലെ കലോറി എരിയിച്ചു കളയുന്നതിന്റെ വേഗത കുറയുന്നതും അമിതവണ്ണത്തിലേക്ക് നയിക്കും. ഇത് മറികടക്കാൻ ദിവസവും വ്യായാമം ചെയ്യുകയും ഫാസ്റ്റ് ഫുഡ് ഒഴിവാക്കുകയും വേണം.

പേശികൾ

30 വയസ്സിന് ശേഷം പുരുഷന്മാരുടെ പേശികൾ ചുരുങ്ങാൻ തുടങ്ങും, അവയുടെ വഴക്കം പഴയതിനേക്കാൾ കുറയും. ഇത് പേശിവേദനയ്ക്ക് കാരണമായേക്കാം. ഇത് ഒഴിവാക്കാൻ വ്യായാമമോ യോഗയോ ഉടൻ തന്നെ ജീവിതത്തിന്റെ ഭാഗമാക്കണം.

ലൈംഗിക ഹോർമോൺ

പ്രായം കൂടുമ്പോൾ എല്ലുകൾക്ക് ബലക്ഷയം സംഭവിക്കും. അതിനാൽ, ആവശ്യത്തിന് കാൽസ്യവും വിറ്റാമിൻ ഡിയും ഭക്ഷണത്തിൽ ഉൾപ്പെടുത്തണം. അമിതവണ്ണം ശരീരത്തിൽ ചീത്ത കൊളസ്ട്രോൾ അടിഞ്ഞുകൂടാൻ ഇടയാക്കും, ഇത് ഹൃദ്രോഗ സാധ്യത വർധിപ്പിക്കും. രക്തസമ്മർദ്ദം കൂടാനും ഇത് കാരണമാകും. 

ടെസ്റ്റോസ്റ്റിറോൺ കുറയും

30 കഴിഞ്ഞാൽ പുരുഷൻമാരിൽ ടെസ്റ്റോസ്റ്റിറോൺ ഹോർമോണിന്റെ ഉത്പ്പാദനം കുറയാൻ തുടങ്ങും. ഇത് ലൈംഗിക ശേഷി കുറയുക, ക്ഷീണം തുടങ്ങിയവയ്ക്ക് കാരണമാകാം. സാധാരണയായി 30 വയസിനു ശേഷം ടെസ്റ്റോസ്റ്റിറോൺ വർഷംതോറും ഏകദേശം 1% വരെ കുറയാൻ സാധ്യതയുണ്ട്. എല്ലാവർക്കും ഒരുപോലെ ലക്ഷണങ്ങൾ ഉണ്ടാകണമെന്നില്ല. ജീവിതശൈലി, സമ്മർദ്ദം, ഉറക്കം, അമിതവണ്ണം എന്നിവ വലിയ സ്വാധീനം ചെലുത്തും.