ഉറക്കത്തിൽ ഞെട്ടി ഉണരാറുണ്ടോ? സൂക്ഷിക്കുക, ഹൃദയാഘാതത്തിന്‍റെ ഈ ലക്ഷണങ്ങൾ അവഗണിക്കരുത്

ഉറക്കത്തിൽ പെട്ടെന്ന് ഞെട്ടി ഉണരുകയോ, കഴുത്തിൽ ആരോ പിടിക്കുന്ന പോലെ തോന്നുകയോ ചെയ്യാറുണ്ടോ? പലപ്പോഴും ഇങ്ങനെ സംഭവിക്കുന്നുണ്ടെങ്കിൽ അത് നിസ്സാരമായി കാണരുത്. ഇത് ഹൃദയാഘാതത്തിന്റെ ഒരു പ്രധാന ലക്ഷണമാകാം.

ഉറക്കത്തിൽ ഞെട്ടി ഉണരാറുണ്ടോ? സൂക്ഷിക്കുക, ഹൃദയാഘാതത്തിന്‍റെ ഈ ലക്ഷണങ്ങൾ അവഗണിക്കരുത്

ഉറക്കവുമായി ബന്ധപ്പെട്ട പ്രശ്നങ്ങളെ മിക്കവരും കാര്യമായി എടുക്കാറില്ല. സാധാരണയായി മാനസിക സമ്മർദ്ദത്തിന്റെയോ ക്ഷീണത്തിന്റെയോ ഭാഗമായാണ് പലരും ഇതിനെ കാണുന്നത്. എന്നാൽ ഉറക്കത്തിലുണ്ടാകുന്ന ചില മാറ്റങ്ങൾ അവഗണിക്കുന്നത് വലിയ അപകടം ക്ഷണിച്ചുവരുത്തും.

പെട്ടെന്ന് ഞെട്ടി ഉണരുന്നത്

ഉറക്കത്തിൽ നിന്ന് നിങ്ങൾ അടിക്കടി ഞെട്ടി ഉണരുകയോ പെട്ടെന്ന് പരിഭ്രമം തോന്നുകയോ ചെയ്യുന്നുണ്ടെങ്കിൽ, അത് ഹൃദയസംബന്ധമായ പ്രശ്നങ്ങളുടെ സൂചനയാകാം. ഇതിനെ "സ്ലീപ് സ്റ്റാർട്ടർ" അല്ലെങ്കിൽ "നൈറ്റ് പാനിക്" എന്നും പറയാറുണ്ട്.

ഉറങ്ങുമ്പോൾ പരിഭ്രമവും അസ്വസ്ഥതയും

പ്രത്യേകിച്ച് കാരണമൊന്നുമില്ലാതെ രാത്രിയിൽ അസ്വസ്ഥത, പേടി, വിയർപ്പ് എന്നിവയുണ്ടാകുന്നത് ഹൃദയത്തിന് സമ്മർദ്ദം കൂടുന്നതിന്റെ ലക്ഷണമാണ്. ചിലപ്പോൾ ഇത് ചെറിയ തോതിലുള്ള ഹൃദയാഘാതത്തിന്റെ ആദ്യ സൂചനയുമാകാം.

വെറുതെ ഇരിക്കുമ്പോഴും ശ്വാസംമുട്ടൽ

വിശ്രമിക്കുമ്പോൾ, പ്രത്യേകിച്ച് രാത്രിയിൽ കിടക്കുമ്പോഴോ ഇരിക്കുമ്പോഴോ ശ്വാസമെടുക്കാൻ ബുദ്ധിമുട്ട് തോന്നുന്നുണ്ടെങ്കിൽ അത് അവഗണിക്കരുത്. ഹൃദയത്തിന്റെ പമ്പിംഗ് ശേഷി കുറയുന്നതിന്റെ സൂചനയായിരിക്കാം ഇത്.

കണ്ണുകൾ തുടിക്കുന്നതും ഭാരവും

ഉറക്കത്തിൽ കണ്ണുകൾ തുടിക്കുക, കണ്ണിന് ഭാരം തോന്നുക, ഇടയ്ക്കിടെ ഉറക്കം മുറിയുക എന്നിവയും ഹൃദയവുമായി ബന്ധപ്പെട്ടിരിക്കുന്നു. ഇത്തരം ലക്ഷണങ്ങൾ നാഡീവ്യവസ്ഥയിലെയും ഹൃദയത്തിലെയും സമ്മർദ്ദത്തെയാണ് കാണിക്കുന്നത്. ഇങ്ങനെ സംഭവിക്കുകയാണെങ്കിൽ ഉടൻ ഡോക്ടറെ കാണണം.

പേടിസ്വപ്നങ്ങളും ഉറക്കത്തിലെ അസ്വസ്ഥതയും

തുടർച്ചയായി പേടിസ്വപ്നങ്ങൾ കാണുക, ഹൃദയമിടിപ്പ് കൂടുക, ഉറക്കത്തിൽ വിയർക്കുക തുടങ്ങിയ ലക്ഷണങ്ങളെല്ലാം ഹൃദയാഘാതത്തിന് മുമ്പുള്ള ശരീരത്തിന്റെ മുന്നറിയിപ്പുകളാകാം. ഹൃദയസംബന്ധമായ പല പ്രശ്നങ്ങളും രാത്രിയിലാണ് കൂടുതൽ കാണുന്നതെന്നാണ് വിദഗ്ധര്‍ പറയുന്നത്.

എപ്പോഴാണ് ഡോക്ടറെ കാണേണ്ടത്?

• ദിവസവും ഉറക്കത്തിൽ ബുദ്ധിമുട്ടുകൾ ഉണ്ടാകുമ്പോൾ.
• ഞെട്ടി ഉണരൽ, പരിഭ്രമം, ശ്വാസംമുട്ടൽ തുടങ്ങിയ പ്രശ്നങ്ങൾ കൂടുമ്പോൾ.
• നെഞ്ചിൽ ചെറിയ വേദന, ഭാരം അല്ലെങ്കിൽ എരിച്ചിൽ അനുഭവപ്പെടുമ്പോൾ.

ശ്രദ്ധിക്കുക:

മേൽപ്പറഞ്ഞ ലക്ഷണങ്ങൾ കാണുന്നപക്ഷം സ്വയം രോഗ നിർണയത്തിന് ശ്രമിക്കാതെ നിർബന്ധമായും ഡോക്ടറെ 'കൺസൾട്ട്' ചെയ്യുക. ഇതിന് ശേഷം മാത്രം രോഗം സ്ഥിരീകരിക്കുക.