വായിലെ ക്യാൻസർ ; ശരീരം കാണിക്കുന്ന ചില പ്രാരംഭ ലക്ഷണങ്ങൾ

ചുണ്ടുകൾ, നാവ്, വായയുടെ ആവരണം (സാധാരണയായി സ്ക്വാമസ് സെൽ കാർസിനോമ) എന്നിവിടങ്ങളിൽ ഉണ്ടാകുന്ന ക്യാൻസറാണ് ഓറൽ ക്യാൻസർ എന്ന് പറയുന്നു. 

വായിലെ ക്യാൻസർ ; ശരീരം കാണിക്കുന്ന ചില പ്രാരംഭ ലക്ഷണങ്ങൾ

ചുണ്ടുകൾ, നാവ്, വായയുടെ ആവരണം (സാധാരണയായി സ്ക്വാമസ് സെൽ കാർസിനോമ) എന്നിവിടങ്ങളിൽ ഉണ്ടാകുന്ന ക്യാൻസറാണ് ഓറൽ ക്യാൻസർ എന്ന് പറയുന്നു. ചുണ്ടുകൾ, നാവ്, മോണകൾ, കവിൾത്തടങ്ങൾ, വായയുടെ അടിഭാഗം, മുകൾഭാഗം, തൊണ്ടയുടെ പിൻഭാഗം എന്നിവയുൾപ്പെടെയുള്ള ഭാ​ഗത്ത് ബാധിക്കുന്നു.

മദ്യവും പുകയിലയും ഒരുമിച്ച് ഉപയോഗിക്കുന്നവർക്ക് വായിലെ ക്യാൻസർ വരാനുള്ള സാധ്യത കൂടുതലാണ്.

പലവിധത്തിലുള്ള പുകയില /വെറ്റില അടക്കയുടെ ഉപയോ​ഗിക്കുന്നവർ, പുകയില വായയുടെ അകത്ത് വയ്ക്കുന്നത്, പാൻ വെറ്റിലയുടെയോ അടക്കയുടെയോ കൂടെ ഉപയോഗിക്കുന്നവരിലെല്ലാം വായിൽ ക്യാൻസർ വരാനുള്ള സാധ്യത കൂട്ടുന്നു. മദ്യവും പുകയിലയും ഒരുമിച്ച് ഉപയോഗിക്കുന്നവർക്ക് വായിലെ ക്യാൻസർ വരാനുള്ള സാധ്യത കൂടുതലാണ്.

പുകവലി അല്ലെങ്കിൽ പുകയില ചവയ്ക്കുന്നതുമായി പലപ്പോഴും ഓറൽ ക്യാൻസർ ബന്ധപ്പെട്ടിരിക്കുന്നു.

പുകവലി അല്ലെങ്കിൽ പുകയില ചവയ്ക്കുന്നതുമായി പലപ്പോഴും ഓറൽ ക്യാൻസർ ബന്ധപ്പെട്ടിരിക്കുന്നു. ദിവസവും മദ്യം കഴിക്കുന്നതും അപകടസാധ്യത വർദ്ധിപ്പിക്കും. ഇന്ത്യയിലെ 10 ഓറൽ ക്യാൻസർ കേസുകളിൽ 6-ൽ കൂടുതൽ കേസുകളും മദ്യവും ഗുഡ്ക, ഖൈനി, പാൻ തുടങ്ങിയ പുകയില്ലാത്ത പുകയില ഉൽപ്പന്നങ്ങളുടെ ഉപയോഗവുമായി ബന്ധപ്പെട്ടിരിക്കുന്നുവെന്ന് സെന്റർ ഫോർ ക്യാൻസർ എപ്പിഡെമിയോളജിയിലെയും ഹോമി ഭാഭ നാഷണൽ ഇൻസ്റ്റിറ്റ്യൂട്ടിലെയും ഗവേഷകർ നടത്തിയ പഠനത്തിൽ കണ്ടെത്തി.

മദ്യപാനം വായിലെ അർബുദ സാധ്യതയെ ഗണ്യമായി വർദ്ധിപ്പിക്കുമെന്ന് വിദ​ഗ്ധർ പറയുന്നു.

രാജ്യത്തെ 62 ശതമാനം വായിലെ അർബുദങ്ങളും പുകയിലയുടെയും മദ്യത്തിന്റെയും ഉപയോഗത്തിന്റെ ഫലമാണ്. പുകയില ഒരു പ്രധാന അപകട ഘടകമായി തുടരുമ്പോൾ, മദ്യപാനം വായിലെ അർബുദ സാധ്യതയെ ഗണ്യമായി വർദ്ധിപ്പിക്കുമെന്ന് വിദ​ഗ്ധർ പറയുന്നു.

മദ്യം കഴിക്കുന്നത് അസറ്റാൽഡിഹൈഡ് ഉത്പാദിപ്പിക്കുന്നു. ഇത് വായിലെ കോശങ്ങളിലെ ഡിഎൻഎയെ നശിപ്പിക്കുന്ന ഒരു വിഷ പദാർത്ഥമാണ്.

മദ്യം കഴിക്കുന്നത് അസറ്റാൽഡിഹൈഡ് ഉത്പാദിപ്പിക്കുന്നു. ഇത് വായിലെ കോശങ്ങളിലെ ഡിഎൻഎയെ നശിപ്പിക്കുന്ന ഒരു വിഷ പദാർത്ഥമാണ്. രണ്ടാമതായി, മദ്യപാനം വായിലെ കലകളുടെ പ്രവേശനക്ഷമത വർദ്ധിപ്പിക്കുകയും ദോഷകരമായ വസ്തുക്കൾ എളുപ്പത്തിൽ പ്രവേശിക്കാൻ അനുവദിക്കുകയും ചെയ്യുന്നുവെന്ന് ബെംഗളൂരു കിംസ് ഹോസ്പിറ്റൽസിലെ ഓങ്കോളജി ചെയർമാനും സർജിക്കൽ ഓങ്കോളജി ആൻഡ് റോബോട്ടിക് സർജറി എക്സിക്യൂട്ടീവ് ഡയറക്ടറുമായ ഡോ. സന്ദീപ് നായക് പറയുന്നു.

ചുണ്ടിലോ, മോണയിലോ, വായയ്ക്കുള്ളിലോ രണ്ടാഴ്ചയ്ക്കുള്ളിൽ സുഖപ്പെടാത്ത വ്രണം കാണുന്നതാണ് ആദ്യത്തെ ലക്ഷണം എന്ന് പറയുന്നത്.

ചുണ്ടിലോ, മോണയിലോ, വായയ്ക്കുള്ളിലോ രണ്ടാഴ്ചയ്ക്കുള്ളിൽ സുഖപ്പെടാത്ത വ്രണം കാണുന്നതാണ് ആദ്യത്തെ ലക്ഷണം എന്ന് പറയുന്നത്. വായയ്ക്കുള്ളിലെ അർബുദത്തിന് മുമ്പുള്ള വളർച്ച വെളുത്തതോ, ചുവപ്പോ, മോണയിലും, നാവിലും, കവിളിന്റെ ഉൾഭാഗത്തും, വായയുടെ മുകൾഭാഗത്തും വികസിക്കുന്നു. ഈ പാടുകൾ കട്ടിയുള്ളതും പരുക്കനുമായിരിക്കും. ഈ പാടുകളുടെ പ്രാരംഭ ഘട്ടത്തിൽ സാധാരണയായി ഒരു അസ്വസ്ഥതയും ഉണ്ടാകില്ല.

നാവിലോ, മോണയിലോ, വായയുടെ ആവരണത്തിലോ വെളുത്ത പാടുകൾ (ല്യൂക്കോപ്ലാകിയ) അല്ലെങ്കിൽ ചുവന്ന പാടുകൾ

നാവിലോ, മോണയിലോ, വായയുടെ ആവരണത്തിലോ വെളുത്ത പാടുകൾ (ല്യൂക്കോപ്ലാകിയ) അല്ലെങ്കിൽ ചുവന്ന പാടുകൾ കാണുന്നതാണ് മറ്റൊരു ലക്ഷണം. സാധാരണയായി വായയ്ക്കുള്ളിലോ, ചുണ്ടുകളിലോ, കഴുത്തിലോ, താടിയെല്ലിലോ സ്ഥിതി ചെയ്യുന്ന വളർച്ചയോ ടിഷ്യു കട്ടിയാക്കലോ ആയിട്ടാണ് ഓറൽ ക്യാൻസർ പ്രത്യക്ഷപ്പെടുന്നത്. മുഴകൾ വേദനാജനകമോ വേദനയില്ലാത്തതോ ആകാം. രണ്ടാഴ്ചയിൽ കൂടുതൽ നീണ്ടുനിൽക്കുന് മുഴകൾ കണ്ടാൽ ഡോക്ടറെ കണ്ട് പരിശോധന നടത്തുക.