അയ്യനെ കാണാതെ... മാളികപ്പുറങ്ങള് ; കാണാം ശബരിമലയില് നിന്നുള്ള ചിത്രങ്ങള്
'' ശബരിമല കേസില് ഞങ്ങള് ഇന്നലെ നല്കിയ ന്യൂനപക്ഷ വിധി വായിച്ചു നോക്കൂ, അതു കളിക്കാന് വേണ്ടി എഴുതി വച്ചതല്ല. ശബരിമലയിലെ മുന്വിധിയില് മാറ്റമില്ല അതിപ്പോഴും നിലനില്ക്കുന്നുണ്ട് ' എന്നാണ് ശബരിമല പുനപരിശോധനാ വിധിക്ക് പിറ്റേന്നും പുനഃപരിശോധനാ ഹര്ജികള് പരിഗണിച്ച അഞ്ചംഗ ബഞ്ചിലുണ്ടായിരുന്ന ജസ്റ്റിസ് റോഹിംഗ്ടണ് നരിമാന് ആവര്ത്തിച്ച് പറഞ്ഞത്. വീണ്ടുമൊരു വൃശ്ചികം പുലര്ന്നു. ശരണമന്ത്രമോതി ശബരിമലയിലേക്ക് സ്വാമിമാരും മാളികപ്പുറങ്ങളും മല കേറിത്തുടങ്ങി. രാജ്യത്തെ പരമോന്നത കോടതി വിധിയുടെ പിന്ബലമുണ്ടെങ്കിലും ഋതുമതികളായ സ്ത്രീകള് ഇപ്പോഴും അയ്യന്റെ പൂങ്കാവനത്തിന് പുറത്ത് തന്നെ. വിധി നടപ്പാക്കേണ്ട സര്ക്കാര് പല കാരണങ്ങള് പറഞ്ഞ് അതില് നിന്ന് ഒഴിഞ്ഞു നില്ക്കുന്നു. വിധി പ്രഖ്യാപിച്ച ജഡ്ജിമാര് തന്നെ ആവര്ത്തിച്ചാവര്ത്തിച്ച് ഭരണഘടനയുടെ പ്രധാന്യത്തെ കുറിച്ച് പറയേണ്ടിവരുന്നു. ഇതിനിടയില് ശബരിമലയിലെത്തിയ കുഞ്ഞ് മാളികപ്പുറം ഒരു ബോര്ഡുമായാണ് ശബരിമല ദര്ശനത്തിനെത്തിയത്. സുപ്രീംകോടതി വിധിയുണ്ടെങ്കിലും തനിക്ക് ഇനി അമ്പത് വയസിന് ശേഷം അയ്യനെകണ്ടാല് മതിയെന്നാണ് ബംഗളൂര് സ്വദേശിനിയും മലയാളിയുമായ ഹൃദ്യ കൃഷ്ണ പറയുന്നത്. എന്നാല് മറ്റ് പലസ്ഥലങ്ങളിലും വനിതാ പൊലീസ് സ്ത്രീകളുടെ ഐഡന്റിറ്റി കാര്ഡ് പരിശോധിച്ച് പ്രായം നോക്കി നിരവധി പേരെയാണ് തിരിച്ചു വിടുകയാണ്. സുപ്രീംകോടതിവിധിയെക്കുറിച്ച് തര്ക്കം നടക്കുന്നുണ്ടെങ്കിലും പൊലീസ് ആരെയും മലചവിട്ടാന് അനുവദിക്കുന്നില്ല. കഴിഞ്ഞ തവണ തീവ്രവിശ്വാസികളാണ് തടസം നിന്നിരുന്നതെങ്കില് ഇപ്പോള് പൊലീസ് തന്നെ വിശ്വാസികളായ സ്ത്രീകളെ തിരിച്ചു വിടുകയാണ്. പലരും അയ്യനെ കാണാന് പറ്റാതെ നിറകണ്ണുകളുമായാണ് പമ്പയില് നിന്നും തിരിച്ച് പോകുന്നത്. ഏഷ്യാനെറ്റ് ന്യൂസ് ക്യാമറാമാന്മാരെടുത്ത ശബരിമല ദര്ശന ചിത്രങ്ങള് കാണാം.
120
അയ്യനെ കാണാൻ ദിവസവും നിരവധി മാളികപ്പുറങ്ങളാണ് സന്നിധാനത്ത് എത്തുന്നത്. എന്നാല് വനിതാ പൊലീസ് എല്ലാവരുടെയും ഐഡന്റിറ്റി കാര്ഡുകള് കര്ശന പരിശോധനയ്ക്ക് വിധേയമാക്കിയാണ് കടത്തി വിടുന്നത്.
അയ്യനെ കാണാൻ ദിവസവും നിരവധി മാളികപ്പുറങ്ങളാണ് സന്നിധാനത്ത് എത്തുന്നത്. എന്നാല് വനിതാ പൊലീസ് എല്ലാവരുടെയും ഐഡന്റിറ്റി കാര്ഡുകള് കര്ശന പരിശോധനയ്ക്ക് വിധേയമാക്കിയാണ് കടത്തി വിടുന്നത്.
click me!