കര്ഷക പ്രക്ഷോഭം; ഹരിയാന രാജ്ഭവന് മാര്ച്ചില് സംഘര്ഷം, പൊലീസും കര്ഷകരും ഏറ്റുമുട്ടി
വിവാദമായ കാര്ഷിക നിയമങ്ങൾക്കെതിരെയുള്ള കര്ഷകരുടെ ദില്ലി പ്രക്ഷോഭം തുടങ്ങിയിട്ട് ഇന്നേക്ക് ഏഴ് മാസങ്ങള് പിന്നിട്ടു. സമരത്തിനിടയിൽ ഇതുവരെ അഞ്ഞൂറിലധികം കര്ഷകര് മരിച്ചു. എന്നാല് വിവാദമായ നിയമങ്ങൾ പിൻവലിക്കില്ലെന്ന നിലപാടിൽ തന്നെയാണ് കേന്ദ്ര സര്ക്കാര്. കഴിഞ്ഞ വര്ഷം നവംബറിലാണ് 'ദില്ലി ചലോ' എന്ന് പേരിട്ട് ദില്ലി സംസ്ഥാനത്തിന്റെ അതിര്ത്തിയിലേക്ക് കര്ഷകരെത്തിയത്. കര്ഷകരെ ദില്ലി അതിര്ത്തികളിൽ പൊലീസ് തടഞ്ഞതോടെ രണ്ട് ദിവസത്തേക്ക് പ്രഖ്യാപിച്ച ദില്ലി ചലോ പ്രക്ഷോഭം അനിശ്ചിതകാലത്തേക്ക് നീങ്ങുകയായിരുന്നു. ഇതോടെ ദില്ലി അതിര്ത്തികള് കര്ഷക പ്രക്ഷോഭ കേന്ദ്രമായി. കര്ഷകര് ദില്ലി അതിര്ത്തികളിലെ ദേശീയ പാതകളിൽ താമസമാക്കി. ആദ്യം കേന്ദ്ര സര്ക്കാര് ചര്ച്ചയ്ക്ക് തയ്യാറായില്ലെങ്കിലും സമരം ശക്തമായതോടെ സര്ക്കാര് ചര്ച്ചയ്ക്ക് തയ്യാറായി. എന്നാല്, എല്ലാ ചര്ച്ചകളിലും കര്ഷകര് സമരത്തില് നിന്ന് പിന്മാറണം എന്നാണ് കേന്ദ്രസര്ക്കാര് ആവശ്യപ്പെട്ടത്. ഇതോടെ കര്ഷകരും കേന്ദ്രസര്ക്കാരും നടത്തിയ എല്ലാ ചര്ച്ചകളും പരാജയപ്പെട്ടു. തുടര്ന്ന് കഴിഞ്ഞ ഏഴ് മാസമായി കര്ഷകര് ദില്ലി അതിര്ത്തികളില് സമരം ചെയ്യുന്നു. കര്ഷക സമരത്തിന്റെ ഭാഗമായി ഇന്ന് രാജ്യത്തെ മിക്ക സംസ്ഥാനങ്ങളിലെയും രാജ്ഭവനുകള് ഉപരോധിക്കാന് കര്ഷകര് ആഹ്വാനം ചെയ്തിരുന്നു.
രാജ്യത്തൊട്ടാകെയുള്ള ഗവർണർമാർക്ക് (പുതിയ കാർഷിക നിയമങ്ങൾ റദ്ദാക്കുന്നതിന്) മെമ്മോറാണ്ടം സമർപ്പിക്കും. അതേസമയം സമരം സമാധാനപരമായി തുടരും. ഏഴ് മാസത്തെ പ്രക്ഷോഭം പൂർത്തിയായതിന്റെ ഭാഗമായി ദില്ലിയിലെ സിങ്കു, തിക്രി, ഗാസിപൂർ അതിർത്തികളിൽ തമ്പടിച്ചിരിക്കുന്ന കർഷകർ ഇന്ന് "കൃഷി സംരക്ഷിക്കുക, ജനാധിപത്യത്തെ സംരക്ഷിക്കുക" എന്ന് പ്രതിജ്ഞയെടുക്കുമെന്ന് ഭാരതീയ കിസാൻ യൂണിയൻ (ബി.കെ.യു) യുവജന വിഭാഗം പ്രസിഡന്റ് ഗൌരവ് ടിക്കായത്ത് പറഞ്ഞു.
രാജ്യത്തൊട്ടാകെയുള്ള ഗവർണർമാർക്ക് (പുതിയ കാർഷിക നിയമങ്ങൾ റദ്ദാക്കുന്നതിന്) മെമ്മോറാണ്ടം സമർപ്പിക്കും. അതേസമയം സമരം സമാധാനപരമായി തുടരും. ഏഴ് മാസത്തെ പ്രക്ഷോഭം പൂർത്തിയായതിന്റെ ഭാഗമായി ദില്ലിയിലെ സിങ്കു, തിക്രി, ഗാസിപൂർ അതിർത്തികളിൽ തമ്പടിച്ചിരിക്കുന്ന കർഷകർ ഇന്ന് "കൃഷി സംരക്ഷിക്കുക, ജനാധിപത്യത്തെ സംരക്ഷിക്കുക" എന്ന് പ്രതിജ്ഞയെടുക്കുമെന്ന് ഭാരതീയ കിസാൻ യൂണിയൻ (ബി.കെ.യു) യുവജന വിഭാഗം പ്രസിഡന്റ് ഗൌരവ് ടിക്കായത്ത് പറഞ്ഞു.