ഉള്‍ക്കടലിന് കാവലായി സുനയന; നാവിക സേനാംഗങ്ങളുടെ അഭ്യാസ പ്രകടന ചിത്രങ്ങൾ കാണാം
First Published Nov 6, 2019, 10:26 PM ISTരാവിലെ 9.22 ഓടെയാണ് ഐഎൻഎസ് സുനയന കൊച്ചി തീരത്ത് നിന്ന് ഉൾക്കടലിലേക്ക് യാത്ര തിരിച്ചത്. കൊച്ചി കായലിലെ കപ്പൽ ചാലിലേക്ക് കടന്നതും പൊടുന്നനെ അപായ സൂചനയോടെ ചുവന്ന തീയുണ്ട ഓളപ്പരപ്പിലേക്ക് കത്തിവീണു. ഭീകര സംഘം ആക്രമണം നടത്തുന്ന ഘട്ടങ്ങളിൽ പുറപ്പെടുവിക്കുന്ന മുന്നറിയിപ്പായിരുന്നു അത്. പടക്കപ്പൽ പിന്നെ കാത്തുനിന്നില്ല. രക്ഷാ ദൗത്യം ഏറ്റെടുത്ത് പ്രവർത്തനം തുടങ്ങി.
ഇത്രയും കേട്ട് ഭീകര സംഘം കൊച്ചി ആക്രമിച്ചോയെന്ന് ചോദിക്കരുത്. തങ്ങൾ ഉൾക്കടലിലും അടിയന്തിര ഘട്ടങ്ങളിലും നടത്തുന്ന രക്ഷാ ദൗത്യങ്ങളും, അവിടെ നേരിടുന്ന വെല്ലുവിളികളും എന്തൊക്കെയാണെന്ന് വിശദീകരിക്കാൻ വേണ്ടി ദക്ഷിണ നാവികസേനാ മാധ്യമപ്രവർത്തകരെ ഉൾക്കടലിൽ കൊണ്ടുപോയതായിരുന്നു. ഏഷ്യാനെറ്റ് ഓണ്‍ലൈന്‍ സബ് എഡിറ്റര്‍ കിരണ്‍ ഗംഗാധരന്‍റെ റിപ്പോര്‍ട്ടിങ്ങ്. കാണാം ആ അഭ്യാസക്കാഴ്ചകള്‍.
.