കര്‍ഷക സമരം; കേരളത്തില്‍ നിന്ന് 500 കര്‍ഷകര്‍ ദില്ലിയിലെത്തി
First Published Jan 16, 2021, 10:25 AM ISTകേന്ദ്രസര്‍ക്കാറിന്‍റെ വിവാദ കാര്‍ഷിക ബില്ലുകള്‍ കത്തിച്ചെറിഞ്ഞ് ദില്ലിയുടെ അതിര്‍ത്തിയില്‍, കൊടുംതണുപ്പില്‍ 52 -ാം ദിവസവും തുടരുന്ന കര്‍ഷക സമരത്തില്‍ കേരളത്തില്‍ നിന്നുള്ള സംഘവും എത്തിചേര്‍ന്നു. കര്‍ഷക സംഘത്തന്‍റെ നേതൃത്വത്തില്‍ കേരളത്തില്‍ നിന്നുള്ള അഞ്ചൂറോളം പേരടങ്ങുന്ന സംഘം ഇന്നലെയാണ് ദില്ലി - ജയ്പൂര്‍ ദേശീയപാതയിലെ ഷാജഹാന്‍പൂരിലെത്തിയത്. കര്‍ഷക സംഘം പ്രസിഡന്‍റ് കെ കെ രാഗേഷ് എം പി, സെക്രട്ടറി കെ എന്‍ ബാലഗോപാല്‍ എന്നിവരുടെ നേതൃത്വത്തിലുള്ള സംഘത്തെ കിസാന്‍ സഭ അഖിലേന്ത്യാ നേതാക്കള്‍ സ്വീകരിച്ചു. ചിത്രങ്ങള്‍ ഏഷ്യാനെറ്റ് ന്യൂസ് ക്യാമറാമാന്‍ വസീം സെയ്ദി