ഇനി ട്രെയിനിൽ സ്വസ്ഥമായി ഉറങ്ങാം! ബഹളം നിയന്ത്രിക്കാൻ പുതിയ നിയമങ്ങൾ വരുന്നു

ട്രെയിനിൽ യാത്ര ചെയ്യുന്ന മുതിർന്ന പൗരന്മാർക്ക് ആശ്വാസമാകുന്ന ഒരു വാർത്തയുമായി ഇന്ത്യൻ റെയിൽവേ. രാത്രി യാത്രകളിലെ ബഹളം നിയന്ത്രിക്കാൻ പുതിയ നിയമങ്ങൾ വരുന്നു. വിശദമായി അറിയാം.

യാത്രയിലെ പ്രധാനി

ഇന്ത്യൻ ഗതാഗതത്തിന്റെ നട്ടെല്ലാണ് ട്രെയിനുകൾ. ലക്ഷക്കണക്കിന് ആളുകളാണ് ദിവസവും ട്രെയിനുകളെ ആശ്രയിക്കുന്നത്. ബസിലെപ്പോലെ കുലുക്കമില്ലാതെ സ്വസ്ഥമായി ഉറങ്ങാമെന്നതാണ് ട്രെയിൻ യാത്രയുടെ പ്രധാന ആകർഷണം. എന്നാൽ ഈയിടെയായി ചിലരുടെ പെരുമാറ്റം ഈ സ്വസ്ഥതയെ ഇല്ലാതാക്കുന്നുണ്ട്.

നിയമങ്ങൾ കാറ്റിൽപ്പറക്കുമ്പോൾ

റിസർവേഷൻ കോച്ചുകളിൽ രാത്രി 10 മുതൽ രാവിലെ 6 വരെ ഉറക്കെ സംസാരിക്കരുത്, ഹെഡ്ഫോൺ ഇല്ലാതെ പാട്ടോ വീഡിയോയോ കാണരുത്, ലൈറ്റുകൾ ഓഫ് ചെയ്യണം എന്നിങ്ങനെ പല നിയമങ്ങളുണ്ട്. എന്നാൽ പലരും ഇത് പാലിക്കാറില്ല. ചില ചെറുപ്പക്കാർ ഉച്ചത്തിൽ ഫോണിൽ സംസാരിച്ചും റീൽസ് കണ്ടുമൊക്കെ മറ്റുള്ളവരുടെ ഉറക്കം കെടുത്തുന്നു.

ദുരിതത്തിലാകുന്നത് മുതിർന്നവർ

ഉറക്കെ സംസാരിക്കുന്നതും ലൈറ്റുകൾ ഓഫ് ചെയ്യാതിരിക്കുന്നതും യാത്രക്കാരെ, പ്രത്യേകിച്ച് 60 വയസ്സ് കഴിഞ്ഞവരെ വല്ലാതെ ബുദ്ധിമുട്ടിക്കുന്നു. പണം കൊടുത്ത് ടിക്കറ്റെടുത്തിട്ടും സ്വസ്ഥമായി ഉറങ്ങാൻ കഴിയുന്നില്ലെന്ന് അവർ പരാതിപ്പെടുന്നു. ഈ സാഹചര്യത്തിലാണ് റെയിൽവേയുടെ മുന്നറിയിപ്പ്. രാത്രി 10 മണിക്ക് ശേഷം നിയമം ലംഘിക്കുന്നവർക്ക് കനത്ത പിഴ ചുമത്തുമെന്ന് ഇന്ത്യൻ റെയിൽവേ വ്യക്തമാക്കി.

പാലിക്കേണ്ട നിയമങ്ങൾ ഇവയാണ്

രാത്രി 10 മണിക്ക് ശേഷം ഉച്ചത്തിൽ പാട്ട് കേൾക്കാനോ റീൽസ് കാണാനോ പാടില്ല. ഹെഡ്ഫോൺ നിർബന്ധമായും ഉപയോഗിക്കണം. സഹയാത്രികരോടും ഫോണിലും പതിഞ്ഞ സ്വരത്തിൽ സംസാരിക്കുക. 10 മണിക്ക് ലൈറ്റുകൾ ഓഫ് ചെയ്യണം. മിഡിൽ ബെർത്ത് രാത്രി 10-ന് ശേഷം ഉയർത്തുകയും രാവിലെ 6-ന് മുൻപ് താഴ്ത്തുകയും വേണം. ഈ നിയമങ്ങൾ ലംഘിച്ചാൽ പിഴ ഈടാക്കുമെന്ന് റെയിൽവേ മുന്നറിയിപ്പ് നൽകുന്നു.