ദില്ലി ചലോ; സമരഭൂമിയില് നിന്ന് ഒരു കരുതലിന്റെ കാവല്
First Published Dec 8, 2020, 11:55 AM ISTകേന്ദ്രസര്ക്കാറിന്റെ മൂന്ന് കാര്ഷിക ബില്ലുകള്ക്കെതിരെ നടക്കുന്ന 'ദില്ലി ചലോ' കാര്ഷിക സമരം പതിമൂന്നാം ദിവസത്തിലേക്ക് കടന്നു. കര്ഷക സമരത്തിന് ഐക്യദാര്ഢ്യം പ്രഖ്യാപിച്ച് ഇന്ന് ഇന്ത്യയില് ദേശീയ ബന്ദ് നടക്കുകയാണ്. തദ്ദേശീയ തെരഞ്ഞെടുപ്പ് പ്രമാണിച്ച് കേരളത്തെ ഭാരത് ബന്ദില് നിന്ന് ഒഴിവാക്കിയിട്ടുണ്ട്. കേന്ദ്രസര്ക്കാരുമായി കര്ഷക സംഘടനകള് നടത്തിയ മൂന്ന് ചര്ച്ചകളും ഇതിനിടെ പരാജയപ്പെട്ടിരുന്നു. നിയമം പിന്വലിക്കില്ലെന്ന നിലപാടില് കേന്ദ്രസര്ക്കാര് ഉറച്ച് നില്ക്കുകയാണ്. എന്നാല്, ബില്ലില് എട്ട് ഭേദഗതികളാവാമെന്ന് സര്ക്കാര് കര്ഷകരെ അറിയിച്ചിരുന്നു. ഭേദഗതികളല്ല നിയമം തന്നെ പിന്വലിക്കണമെന്ന ആവശ്യത്തില് കര്ഷകരും ഉറച്ച് നില്ക്കുന്നു. ഇതിനിടെ ഇന്ത്യയുടെ വിവിധ സംസ്ഥാനങ്ങളില് നിന്ന് കൂടുതല് കര്ഷകര് ദില്ലി അതിര്ത്തിയിലേക്ക് എത്തിച്ചേരുകയാണെന്ന് റിപ്പോര്ട്ടുകളുണ്ട്. ഇതിനിടെ സാഹോദര്യത്തിന്റെ മറ്റൊരു ദൃശ്യം സമരഭൂമിയില് നിന്നും സമൂഹമാധ്യമങ്ങളില് തരംഗമാവുകയാണ്. ചിത്രങ്ങളും വിവരണവും ഏഷ്യാനെറ്റ് ന്യൂസ് റിപ്പോര്ട്ടര് ധനീഷ് രവീന്ദ്രന്.