മഴക്കാലത്ത് വീടുകളിൽ നിർബന്ധമായും ശ്രദ്ധിക്കേണ്ട 4 കാര്യങ്ങൾ

മഴക്കാലമെത്തിയതോടെ ചൂടിന് ആശ്വാസമുണ്ടെങ്കിലും ഈ സമയത്ത് വീടുകളിൽ പലതരം പ്രതിസന്ധികളും നമ്മൾ നേരിടേണ്ടതായി വരുന്നു. മഴക്കാലത്ത് വീടുകളിൽ ശ്രദ്ധിക്കേണ്ട കാര്യങ്ങൾ എന്തൊക്കെയാണെന്ന് അറിയാം.

വൈദ്യുത കണക്ഷനുകൾ

ഇലക്ട്രിക് സ്വിച്ചുകളിലും വയറുകളിലും ഈർപ്പം ഇറങ്ങാതെ പ്രത്യേകം ശ്രദ്ധിക്കേണ്ടതുണ്ട്. കേടുവന്ന സ്വിച്ചുകളും ലൂസ് വയറുകളും മാറ്റാം. വാട്ടർപ്രൂഫ് ബോക്സുകൾ ഉപയോഗിച്ച് ഇവ സുരക്ഷിതമാക്കാം.

ഡ്രെയിനുകളും പൈപ്പുകളും

മഴക്കാലത്ത് മാലിന്യങ്ങൾ അടിഞ്ഞുകൂടി ഡ്രെയിനുകളും പൈപ്പുകളും അടഞ്ഞുപോകാനുള്ള സാധ്യത വളരെ കൂടുതലാണ്. ആവശ്യമെങ്കിൽ അറ്റകുറ്റപണികൾ ചെയ്യാൻ മടിക്കരുത്.

വാതിലുകളും ജനാലകളും

തടികൊണ്ടുള്ള വാതിലുകളും ജനാലകളും മഴക്കാലങ്ങളിൽ പൊന്തിവരാനുള്ള സാധ്യത കൂടുതലാണ്. ഈർപ്പത്തെ ആഗിരണം ചെയ്യുന്നതുകൊണ്ടാണ് ഇങ്ങനെ സംഭവിക്കുന്നത്. വാർണിഷ് അല്ലെങ്കിൽ ഫിനിഷിങ് ചെയ്യുന്നത് നല്ലതായിരിക്കും.

ലീക്കേജ്

ചുവരുകളിലും റൂഫുകളിലും ചോർച്ചയില്ലെന്ന് ഉറപ്പ് വരുത്താം. വാട്ടർപ്രൂഫ് പെയിന്റുകൾ ഉപയോഗിക്കാനും ചോർച്ചയുള്ള സ്ഥലങ്ങൾ സീൽ ചെയ്യാനും ശ്രദ്ധിക്കണം.