അടുക്കളയിലെ ഈച്ചയെ തുരത്താൻ ചെയ്യേണ്ട 5 കാര്യങ്ങൾ

എത്രയൊക്കെ വൃത്തിയാക്കി സൂക്ഷിച്ചാലും അടുക്കളയിൽ ഈച്ച ശല്യം കുറയില്ല. ഇത് ഭക്ഷണ സാധനങ്ങൾ സൂക്ഷിക്കുന്നതിനും പാചകം ചെയ്യുന്നതിനും തടസമാകുന്നു. അടുക്കളയിലെ ഈച്ച ശല്യം ഒഴിവാക്കാൻ ഇങ്ങനെ ചെയ്യൂ.

ഭക്ഷണ മാലിന്യങ്ങൾ നീക്കം ചെയ്യാം

അടുക്കളയിൽ ഭക്ഷണ മാലിന്യങ്ങൾ സൂക്ഷിക്കുന്നത് ഒഴിവാക്കാം. ഇത് ഈച്ചകളെ ആകർഷിക്കുന്നു. ഡൈനിങ് ടേബിൾ, കൗണ്ടർടോപ് എന്നിവിടങ്ങളിൽ ഭക്ഷണം സൂക്ഷിക്കുന്നതും ഒഴിവാക്കാം.

ഭക്ഷണ സാധനങ്ങൾ അടച്ച് സൂക്ഷിക്കാം

അടുക്കളയിൽ ഭക്ഷണ സാധനങ്ങൾ അടച്ച് സൂക്ഷിക്കാൻ ശ്രദ്ധിക്കണം. പഴങ്ങൾ, ബാക്കിവന്ന ഭക്ഷണ സാധനങ്ങൾ, പാകം ചെയ്തവയെല്ലാം മൂടി വയ്ക്കാം.

വേസ്റ്റ് ബാസ്കറ്റ് അടച്ച് സൂക്ഷിക്കാം

അടുക്കളയിൽ വയ്ക്കുന്ന വേസ്റ്റ് ബാസ്കറ്റിന് മൂടി ഉണ്ടെന്ന് ഉറപ്പ് വരുത്തണം. ഇത് തുറന്ന് വയ്ക്കുന്നത് ഈച്ചകളെ ആകർഷിക്കും.

ഈച്ചയെ തുരത്താം

ഗ്രാമ്പു, നാരങ്ങ, പുതിന, ബേസിൽ തുടങ്ങിയവ അടുക്കളയിൽ സൂക്ഷിക്കുന്നത് ഈച്ച വരുന്നത് തടയാൻ സഹായിക്കും.

നെറ്റ് ഉപയോഗിക്കാം

ജനലുകളിൽ നെറ്റ് ഇടുന്നത് പുറത്ത് നിന്നും വീടിനുള്ളിൽ ഈച്ച കയറുന്നതിനെ തടയും. അതേസമയം അടുക്കളയിൽ നല്ല വായുസഞ്ചാരം ഉണ്ടെന്ന് ഉറപ്പ് വരുത്തേണ്ടതുണ്ട്.