കിച്ചൻ സ്പോഞ്ചിലെ അണുക്കളെ നീക്കം ചെയ്യാൻ ശ്രദ്ധിക്കേണ്ട 5 കാര്യങ്ങൾ

അടുക്കളയിൽ ഏറ്റവും കൂടുതൽ അണുക്കൾ ഉള്ളത് കിച്ചൻ സ്പോഞ്ചിലാണ്. അണുക്കളെ നീക്കം ചെയ്യുന്നതിന് ശ്രദ്ധിക്കേണ്ട ചില കാര്യങ്ങൾ എന്തൊക്കെയാണെന്ന് അറിയാം.

സ്പോഞ്ച് കഴുകാം

ഓരോ തവണ ഉപയോഗം കഴിയുമ്പോഴും സ്പോഞ്ച് വൃത്തിയായി കഴുകാൻ ശ്രദ്ധിക്കണം. ഇത് സ്പോഞ്ചിൽ പറ്റിപ്പിടിച്ച ഭക്ഷണാവശിഷ്ടങ്ങളെ നീക്കം ചെയ്യാൻ സഹായിക്കും.

ഈർപ്പം ഉണ്ടാകരുത്

സ്പോഞ്ച് നന്നായി കഴുകിയതിന് ശേഷം അതിലെ ഈർപ്പത്തെ പൂർണമായും നീക്കം ചെയ്യാനും നന്നായി ഉണക്കാനും മറക്കരുത്.

ഉണക്കി ഉപയോഗിക്കാം

സ്പോഞ്ച് നന്നായി ഉണങ്ങിയതിന് ശേഷം മാത്രം ഉപയോഗിക്കാം. ഈർപ്പം തങ്ങി നിൽക്കുമ്പോൾ അണുക്കൾ വളരാനും അത് പാത്രങ്ങളിൽ പടരാനും കാരണമാകും.

അണുവിമുക്തമാക്കാം

സ്പോഞ്ച് നന്നായി കഴുകിയതിന് ശേഷം ചൂട് വെള്ളത്തിൽ മുക്കിവെയ്ക്കുന്നത് അണുക്കളെ ഇല്ലാതാക്കാൻ സഹായിക്കും.

ഇടയ്ക്കിടെ സ്പോഞ്ച് ചൂടുവെള്ളത്തിലിട്ട് വൃത്തിയാക്കാൻ ശ്രദ്ധിക്കാം.

പഴയ സ്പോഞ്ച് മാറ്റാം

സ്പോഞ്ച് കഴുകി വൃത്തിയാക്കി ഉപയോഗിച്ചാലും കൃത്യമായ സമയങ്ങളിൽ പഴയത് മാറ്റി പുതിയത് ഉപയോഗിക്കാൻ ശ്രദ്ധിക്കണം.