നാരങ്ങ ആരോഗ്യത്തിന് മാത്രമല്ല, വീട് വൃത്തിയാക്കാനും സൂപ്പറാണ്. രാസവസ്തുക്കൾ ഉപയോഗിക്കാതെ വീട് വെട്ടിത്തിളങ്ങാൻ ഇതാ നാരങ്ങ കൊണ്ടുള്ള 6 കിടിലൻ പൊടിക്കൈകൾ.
രുചി കൂട്ടാൻ മാത്രമല്ല, വീട് വൃത്തിയാക്കാനും നാരങ്ങ ഒരു ഒന്നൊന്നര സംഭവമാണ്. ഇതിലെ ആസിഡും ആൻറി ബാക്ടീരിയൽ ഗുണങ്ങളും കാരണം ഇതൊരു പ്രകൃതിദത്ത ക്ലീനറായി പ്രവർത്തിക്കുന്നു. നാരങ്ങാനീര് മാത്രമല്ല, തൊലിയും നമുക്ക് ഉപയോഗിക്കാം. കെമിക്കൽ ക്ലീനറുകൾക്ക് പണം കളയാതെ, നാരങ്ങ ഉപയോഗിച്ച് വീട് വെട്ടിത്തിളക്കാനുള്ള 6 വഴികൾ നോക്കാം.
27
പൈപ്പുകൾ പുതിയതുപോലെ വെട്ടിത്തിളങ്ങും
പൈപ്പുകളിലും മറ്റും വെള്ളം വീണ് ഉണ്ടാകുന്ന കറ (ലൈംസ്കെയിൽ) കളയാൻ നാരങ്ങയിലുള്ള സിട്രിക് ആസിഡ് സഹായിക്കും. ഒരു മുറി നാരങ്ങയെടുത്ത് കറയുള്ള ഭാഗത്ത് നന്നായി ഉരസുക. കുറച്ചുനേരം വെച്ചതിന് ശേഷം ഒരു മൈക്രോ ഫൈബർ തുണി ഉപയോഗിച്ച് തുടച്ചാൽ മതി. പൈപ്പുകൾ പുതിയതുപോലെ വെട്ടിത്തിളങ്ങും.
37
ചോപ്പിംഗ് ബോർഡ് വൃത്തിയാക്കാം
അടുക്കളയിലെ തടികൊണ്ടുള്ള ചോപ്പിംഗ് ബോർഡ് വൃത്തിയാക്കാൻ നാരങ്ങ ഉപയോഗിക്കാം. ഇത് ബോർഡിലെ ബാക്ടീരിയകളെയും ഫംഗസിനെയും നശിപ്പിച്ച് അണുവിമുക്തമാക്കും. ആദ്യം ബോർഡിൽ അൽപ്പം ഉപ്പ് വിതറുക. ശേഷം ഒരു മുറി നാരങ്ങയുടെ നീര് ഇതിലേക്ക് പിഴിഞ്ഞ് ആ മുറി കൊണ്ട് തന്നെ നന്നായി ഉരച്ച് കഴുകുക. അവസാനം വെള്ളത്തിൽ കഴുകിയാൽ ബോർഡ് വൃത്തിയായി കിട്ടും.
ഒരു പാത്രത്തിൽ വെള്ളമെടുത്ത് അതിൽ ഒരു മുറി നാരങ്ങയിട്ട് 2 മിനിറ്റ് മൈക്രോവേവ് ചെയ്യുക. ഇതിൽ നിന്നുയരുന്ന ആവി, ഉള്ളിൽ പറ്റിപ്പിടിച്ചിരിക്കുന്ന അഴുക്കും എണ്ണമയവും ഇളക്കിക്കളയും. ശേഷം ഒരു തുണി ഉപയോഗിച്ച് തുടച്ചെടുക്കുക. മൈക്രോവേവ് വെട്ടിത്തിളങ്ങുന്നതിനൊപ്പം അടുക്കളയിൽ നല്ല മണവും നിറയും.
57
വാഷിംഗ് മെഷീനിൽ ഡിറ്റർജന്റിനൊപ്പം നാരങ്ങാനീര്
ബ്ലീച്ചിന് പകരമായി ഉപയോഗിക്കാവുന്ന ഒരു പ്രകൃതിദത്ത വഴിയാണ് നാരങ്ങ. വാഷിംഗ് മെഷീനിൽ ഡിറ്റർജന്റിനൊപ്പം കാൽ കപ്പ് നാരങ്ങാനീര് കൂടി ചേർത്താൽ മതി. ഇത് തുണികൾക്ക് കൂടുതൽ വെളുപ്പ് നൽകാനും ചെറിയ കറകൾ കളയാനും സഹായിക്കും.
67
ഫ്രിഡ്ജിന് ഫ്രഷ്നസ് നൽകും
ഒരു നാരങ്ങയുടെ ഉൾഭാഗം കളഞ്ഞ് അതിൽ അൽപ്പം ബേക്കിംഗ് സോഡ നിറയ്ക്കുക. ഇത് ഫ്രിഡ്ജിൽ വെച്ചാൽ മതി. ബേക്കിംഗ് സോഡ ദുർഗന്ധം വലിച്ചെടുക്കുകയും നാരങ്ങയുടെ മണം ഫ്രിഡ്ജിന് ഫ്രഷ്നസ് നൽകുകയും ചെയ്യും.
77
ഗ്ലാസ് പാത്രങ്ങൾക്ക് തിളക്കം നൽകും
ഡിഷ് വാഷറിന്റെ മുകളിലത്തെ തട്ടിൽ ഒരു മുറി നാരങ്ങ വെക്കുക. മികച്ച ഫലം കിട്ടാൻ, ഒരു ചെറിയ പാത്രത്തിൽ അൽപ്പം വൈറ്റ് വിനാഗിരി കൂടി വെക്കാം. ഇത് ഗ്ലാസ് പാത്രങ്ങൾക്ക് തിളക്കം നൽകുകയും മെഷീനിലെ ദുർഗന്ധം അകറ്റുകയും ചെയ്യും.
