അമേരിക്കയിൽ നിയമത്തിന്റെ ചട്ടക്കൂടുകൾ ഇല്ലാതെ അവസാനത്തെ സ്ഥലം; സ്ലാബ് സിറ്റി
First Published Jul 11, 2020, 11:49 AM ISTസ്ലാബ് സിറ്റി എന്ന സ്ഥലം സ്ഥിതിചെയ്യുന്നത് കാലിഫോർണിയയിലാണ്. മെക്സിക്കൻ അതിർത്തിയ്ക്ക് വടക്ക് സൊനോരൻ മരുഭൂമിയിലെ ഒരു മുൻ സൈനിക താവളത്തിൽ. അമേരിക്കയിൽ നിയമത്തിന്റെ ചട്ടക്കൂടുകൾ ഇല്ലാത്ത അവസാന സ്ഥലം എന്നു വിശേഷിപ്പിക്കാം സ്ലാബ് സിറ്റിയെ. കാലിഫോർണിയയിലെ സൊനോറൻ മരുഭൂമിയുടെ മധ്യത്തിൽ ഉപേക്ഷിക്കപ്പെട്ട സൈനിക താവളത്തിൽ നിർമ്മിച്ച സ്ലാബ് സിറ്റിയിൽ ഒരു ആധുനിക സൗകര്യങ്ങളുമില്ല. വൈദ്യുതി ലൈനുകളോ പൈപ്പുകളോ ഇവിടേയ്ക്ക് വൈദ്യുതിയോ ശുദ്ധജലമോ എത്തിക്കുന്നില്ല.
സർക്കാർ നിയമങ്ങൾക്ക് ഇവിടെ പ്രസക്തിയില്ല. ജനങ്ങൾക്ക് സ്വതന്ത്രമായി ജീവിക്കാൻ കഴിയും, നിങ്ങൾക്ക് താൽപ്പര്യമുള്ള രീതിയിൽ ജീവിക്കാം, പക്ഷേ നിങ്ങൾ സ്ലാബ് സിറ്റിയിലെ നിയമങ്ങൾ പാലിക്കേണ്ടതുണ്ട്. അവർക്ക് അവരുടെ ഒരു നേതാവും അവിടുണ്ട്.
മറ്റൊരാളുടെ സഹായമില്ലാതെ തങ്ങളുടേതായ ശൈലിയിൽ ജീവിക്കുക മാത്രമല്ല ഇവർ ചെയ്യുന്നത്. വീട്ടിൽ അലങ്കാരങ്കങ്ങൾ നടത്തുക, ഒരു കെട്ടിടത്തിന്റെ അറ്റകുറ്റപ്പണികൾ നടത്തി വേറൊരു രൂപത്തിലാക്കി എടുക്കുക, വാഹനങ്ങൾ അലങ്കരിക്കുക, തുടങ്ങി അവരവരുടെ രീതിയിൽ കലയെ സമീപിക്കുന്ന ഒരു ജനതയെ ഇവിടെ കാണാം. ഡിഐവൈ കമ്മ്യൂണിറ്റി എന്ന് പൊതുവിൽ ഇവരെ അറിയപ്പെടും. സ്കേറ്റിങ്ങ് പാർക്കുകൾ, നീരുറവകൾ, വ്യത്യസ്ഥമായ വേഷവിധാനങ്ങളോടെയുള്ള മനുഷ്യർ തുടങ്ങിയവ സ്ലാബ് സിറ്റിയുടെ പ്രത്യേകതകളിൽ ചിലതാണ്.