10,000 രൂപയിൽ താഴെയുള്ള കിടിലൻ സ്മാർട്ട്ഫോണുകൾ; ഈ വിലയിൽ ഇത്രയും ഫീച്ചറുകളോ!

10,000 രൂപയിൽ താഴെ വിലയിൽ ലഭ്യമാകുന്ന മികച്ച സ്മാർട്ട്ഫോണുകളുടെ ലിസ്റ്റ്. ബാറ്ററി, ഡിസ്പ്ലേ, വില തുടങ്ങിയ വിവരങ്ങൾ വിശദമായി അറിയാം.

വില 10,000 രൂപയിൽ താഴെ

കുറഞ്ഞ വിലയിൽ മികച്ച ഫീച്ചറുകൾ നൽകുന്ന മോഡലുകൾ ഏതൊക്കെയാണെന്ന് പലർക്കും സംശയമുണ്ട്. പ്രമുഖ മൊബൈൽ കമ്പനികൾ 10,000 രൂപയിൽ താഴെ നിരവധി പുതിയ ഫോണുകൾ പുറത്തിറക്കുന്നുണ്ട്. ദൈനംദിന ഉപയോഗം, ഓൺലൈൻ ക്ലാസുകൾ, വീഡിയോ കാണൽ, സോഷ്യൽ മീഡിയ എന്നിവയ്ക്ക് അനുയോജ്യമായ മോഡലുകൾ ഈ വിലയിൽ ലഭ്യമാണ്.

റിയൽമി സി 71

ഈ ലിസ്റ്റിൽ ആദ്യത്തേത് റിയൽമി സി71 ആണ്. വലിയ ബാറ്ററി ആഗ്രഹിക്കുന്നവർക്ക് ഇത് മികച്ച ഓപ്ഷനാണ്. 6300mAh ബാറ്ററി, 45W ഫാസ്റ്റ് ചാർജിംഗ്, 90Hz/120Hz റിഫ്രഷ് റേറ്റ് എന്നിവയാണ് പ്രധാന ആകർഷണങ്ങൾ. Unisoc T7250 പ്രോസസർ, 4GB/6GB റാം, 128GB സ്റ്റോറേജ്, 13MP/50MP ക്യാമറ എന്നിവയുമുണ്ട്. ഏകദേശം 8,699 രൂപയാണ് വില.

ലാവ ബോൾഡ് എൻ1

ഇന്ത്യൻ ബ്രാൻഡ് ഇഷ്ടപ്പെടുന്നവർക്ക് ലാവ ബോൾഡ് എൻ1 ഒരു നല്ല ഓപ്ഷനാണ്. 6.75 ഇഞ്ച് HD+ ഡിസ്‌പ്ലേ, 90Hz റിഫ്രഷ് റേറ്റ്, Unisoc 9863A പ്രോസസർ, 4GB റാം, 128GB സ്റ്റോറേജ് എന്നിവ ഇതിലുണ്ട്. 5000mAh ബാറ്ററിയുള്ള ഈ ഫോണിന് 7,999 രൂപയാണ് വില.

ഇൻഫിനിക്സ് ഹോട്ട് 60ഐ 5ജി

5ജി ആവശ്യമുള്ളവർക്ക് ഇൻഫിനിക്സ് ഹോട്ട് 60ഐ 5ജി തിരഞ്ഞെടുക്കാം. 120Hz റിഫ്രഷ് റേറ്റുള്ള 6.75 ഇഞ്ച് ഡിസ്‌പ്ലേ, മീഡിയടെക് ഡൈമെൻസിറ്റി 6400 പ്രോസസർ, 8GB റാം, 128GB സ്റ്റോറേജ് എന്നിവ ഇതിലുണ്ട്. 50MP പിൻക്യാമറയുള്ള ഈ ഫോണിന് 9,999 രൂപയാണ് വില.

സാംസങ് ഗാലക്സി എഫ്06 5ജി & വിവോ വൈ19 ഇ

സാംസങ് ഗാലക്സി എഫ്06 5ജിയും വിവോ വൈ19ഇയും എൻട്രി ലെവൽ ഉപയോക്താക്കൾക്കുള്ളതാണ്. സാംസങ് മോഡലിന് 90Hz ഡിസ്‌പ്ലേ, ഡൈമെൻസിറ്റി 6300 ചിപ്‌സെറ്റ്, 25W ചാർജിംഗ് എന്നിവയുണ്ട്. വിവോ വൈ19ഇ-ക്ക് 5500mAh ബാറ്ററിയും 13MP ക്യാമറയുമുണ്ട്. ഇവയ്ക്ക് യഥാക്രമം 9,999 രൂപയും 8,999 രൂപയുമാണ് വില. കുറഞ്ഞ ബജറ്റിൽ മികച്ച പ്രകടനം ആഗ്രഹിക്കുന്നവർക്ക് ഈ ഫോണുകൾ അനുയോജ്യമാണ്.