ചായ പൈസ പോലും ആവില്ല! വെറും 5 രൂപയ്ക്ക് അൺലിമിറ്റഡ് ഡാറ്റയുമായി 'പിഎം വാണി' പദ്ധതി

ഇന്ത്യയിൽ ഇൻ്റർനെറ്റ് ആവശ്യകത വർധിച്ചുവരുന്ന സാഹചര്യത്തിൽ, കുറഞ്ഞ നിരക്കിൽ ജനങ്ങൾക്ക് ഇന്‍റര്‍നെറ്റ് ലഭ്യമാക്കാൻ പിഎം വാണി പദ്ധതി സഹായിക്കുന്നു. ഈ പ്ലാനിൽ വെറും 5 രൂപയ്ക്ക് അൺലിമിറ്റഡ് ഡാറ്റ ലഭിക്കും. പിഎം വാണി പദ്ധതിയെ കുറിച്ച് വിശദമായി അറിയാം. 

Image Credit : Social Media

വിലക്കുറവില്‍ ഇൻ്റർനെറ്റ് സേവനം

ഡിജിറ്റൽ ഇന്ത്യയുടെ ഭാഗമായി കേന്ദ്ര സർക്കാർ 2020 ഡിസംബറില്‍ രാജ്യത്ത് ആരംഭിച്ച പദ്ധതിയാണ് പിഎം-വാണി. കുറഞ്ഞ നിരക്കിൽ രാജ്യവ്യാപകമായി പബ്ലിക് വൈ-ഫൈ നൽകുകയാണ് പിഎം വാണി പദ്ധതിയിലൂടെ കേന്ദ്ര സര്‍ക്കാര്‍ ലക്ഷ്യമിടുന്നത്.

Image Credit : Getty

അതിവേഗ ഇന്‍റര്‍നെറ്റ്

പ്രധാനമന്ത്രി വൈ-ഫൈ ആക്‌സസ് നെറ്റ്‌വർക്ക് ഇന്‍റര്‍ഫേസ് (പിഎം-വാണി) എന്നാണ് കേന്ദ്ര സർക്കാരിന്‍റെ ഈ പദ്ധതി അറിയപ്പെടുന്നത്. ഗ്രാമപ്രദേശങ്ങളിലും പൊതുയിടങ്ങളിലും കുറഞ്ഞ നിരക്കിൽ അതിവേഗ ഇന്‍റർനെറ്റ് ലഭ്യമാക്കുകയാണ് പദ്ധതിയുടെ ലക്ഷ്യം. 

Image Credit : Google

പദ്ധതിയുടെ പ്രധാന ഘടകങ്ങൾ

പബ്ലിക് ഡാറ്റാ ഓഫീസ് (PDO), പിഡിഒ അഗ്രഗേറ്റർ (PDOA), ആപ്പ് പ്രൊവൈഡർ, സെൻട്രൽ രജിസ്ട്രി എന്നിങ്ങനെ നാല് തലങ്ങളിലായാണ് പിഎം വാണി പദ്ധതി പ്രവർത്തിക്കുന്നത്.

Image Credit : Getty

സ്വകാര്യ വ്യക്തികള്‍ക്ക് അവസരം

പിഎം വാണി വഴി, സ്വകാര്യ വ്യക്തികൾക്കും സ്ഥാപനങ്ങൾക്കും വൈ-ഫൈ ഹോട്ട്സ്‌പോട്ടുകൾ സ്ഥാപിക്കാനും പ്രവർത്തിപ്പിക്കാനും ആവശ്യമായ സൗകര്യം സര്‍ക്കാര്‍ ഒരുക്കുന്നു. ഇതിലൂടെ അതിവേഗ ഇന്‍റര്‍നെറ്റ് സേവനം രാജ്യവ്യാപകമായി വിന്യസിക്കാനാവുന്നു. 

Image Credit : Google

പ്രത്യേകതകളും പ്രയോജനങ്ങളും

ലൈസൻസില്ലാതെ PDO തുടങ്ങാം. 5, 10 രൂപയുടെ കൂപ്പണുകളിലൂടെ കുറഞ്ഞ നിരക്കിൽ ദിനേന ഇൻ്റർനെറ്റ് ലഭിക്കും. പിഎം വാണി പദ്ധതി രാജ്യത്ത് പുതിയ തൊഴിലവസരങ്ങൾ സൃഷ്‌ടിക്കാനും സഹായിക്കുന്നു.

Image Credit : Google

ഉപസംഹാരം

പിഎം വാണി പദ്ധതി പ്രകാരമുള്ള വൈ-ഫൈ ഹോട്ട്സ്പോട്ടുകൾ ഉപയോഗിക്കുന്നതിന്, ഉപഭോക്താക്കൾ അവരുടെ മൊബൈലിൽ PM-WANI ആപ്ലിക്കേഷൻ ഡൗൺലോഡ് ചെയ്യണം. തുടർന്ന് ആപ്പിൽ നിന്ന് പ്ലാന്‍ തെരഞ്ഞെടുത്ത് ഓൺലൈനായി പണം അടച്ചാൽ ഇന്‍റർനെറ്റ് ലഭിക്കും.