നിങ്ങളുടെ ആൻഡ്രോയ്ഡ് ഫോണിൽ മാൽവെയർ അഥവാ വൈറസ് കയറിയിട്ടുണ്ടോ? ബാറ്ററി വേഗത്തിൽ തീരുക, ഡാറ്റ കൂടുതൽ ഉപയോഗിക്കുക തുടങ്ങിയ ലക്ഷണങ്ങളുണ്ടെങ്കിൽ ശ്രദ്ധിക്കണം. ഫോണിൽ വൈറസ് ഉണ്ടോ എന്ന് എങ്ങനെ കണ്ടെത്താമെന്ന് നോക്കാം.
നിങ്ങളുടെ ഫോൺ പെട്ടെന്ന് വേഗത കുറഞ്ഞോ? അല്ലെങ്കിൽ ഇടയ്ക്കിടെ ഹാങ് ആകുന്നുണ്ടോ? പ്രത്യേകിച്ച് കാരണമില്ലാതെ ചൂടാകുന്നുണ്ടോ? ഇതെല്ലാം മാൽവെയർ ആക്രമണത്തിന്റെ ലക്ഷണങ്ങളാകാം. നിങ്ങൾ ഉപയോഗിക്കാത്ത സമയത്തും ബാറ്ററി വേഗത്തിൽ തീരുന്നുണ്ടെങ്കിൽ അതും ഒരു പ്രധാന ലക്ഷണമാണ്.
25
നിങ്ങൾ ഇൻസ്റ്റാൾ ചെയ്യാത്ത ആപ്പുകൾ ഫോണിലുണ്ടോ?
ഫോണിലെ 'സെറ്റിംഗ്സ്' തുറന്ന് 'ആപ്പ്സ്' ലിസ്റ്റ് പരിശോധിക്കുക. നിങ്ങൾ ഇൻസ്റ്റാൾ ചെയ്യാത്ത ഏതെങ്കിലും പുതിയ ആപ്പുകൾ അതിലുണ്ടോ എന്ന് നോക്കുക. ചില മാൽവെയറുകൾ ഫ്ലാഷ്ലൈറ്റ്, കാൽക്കുലേറ്റർ പോലുള്ള പേരുകളിൽ ഒളിഞ്ഞിരിക്കാം. സംശയം തോന്നിയാൽ ഉടൻ തന്നെ ആ ആപ്പുകൾ അൺ-ഇൻസ്റ്റാൾ ചെയ്യുക.
35
അനാവശ്യ പെർമിഷനുകൾ ഒഴിവാക്കുക
ചില സാധാരണ ആപ്പുകൾ പോലും നിങ്ങളുടെ കോൺടാക്റ്റുകൾ, ക്യാമറ, മൈക്രോഫോൺ എന്നിവ ഉപയോഗിക്കാൻ അനുമതി ചോദിക്കാറുണ്ട്. ഉദാഹരണത്തിന്, ഒരു കാൽക്കുലേറ്റർ ആപ്പിന് നിങ്ങളുടെ കോൺടാക്റ്റുകൾ എന്തിനാണ്? 'Settings > Privacy > Permission Manager' എന്നതിലേക്ക് പോയി ഓരോ ആപ്പും ഏതൊക്കെ പെർമിഷനുകളാണ് ഉപയോഗിക്കുന്നതെന്ന് പരിശോധിക്കുക. ആവശ്യമില്ലാത്തവ ഉടൻ നീക്കം ചെയ്യുക.
മാൽവെയർ ആപ്പുകൾ പശ്ചാത്തലത്തിൽ പ്രവർത്തിച്ച് നിങ്ങളുടെ മൊബൈൽ ഡാറ്റ മോഷ്ടിക്കാന് സാധ്യതയുണ്ട്. 'Settings > Network & Internet > Data usage' എന്നതിൽ പോയി ഏത് ആപ്പാണ് കൂടുതൽ ഡാറ്റ ഉപയോഗിക്കുന്നതെന്ന് ശ്രദ്ധിക്കുക. നിങ്ങൾ അധികം ഉപയോഗിക്കാത്ത ഒരു ആപ്പ് കൂടുതൽ ഡാറ്റ ഉപയോഗിക്കുന്നുണ്ടെങ്കിൽ അത് അപകടകരമാണ്.
55
അജ്ഞാത ലിങ്കുകളിൽ ക്ലിക്ക് ചെയ്യരുത്
എപ്പോഴും ഗൂഗിൾ പ്ലേ സ്റ്റോറിൽ (Google Play Store) നിന്ന് മാത്രം ആപ്പുകൾ ഡൗൺലോഡ് ചെയ്യുക. വാട്സ്ആപ്പിലോ എസ്എംഎസിലോ വരുന്ന അപരിചിതമായ ലിങ്കുകളിൽ ക്ലിക്ക് ചെയ്യരുത്. നിങ്ങളുടെ ഫോണിൽ 'Google Play Protect' ഓൺ ആണോയെന്ന് ഉറപ്പാക്കുക. പ്രശ്നം ഗുരുതരമാണെങ്കിൽ, ഫോൺ 'ഫാക്ടറി റീസെറ്റ്' (Factory Reset) ചെയ്യുക എന്നതാണ് ഏക പോംവഴി.
