ആധാർ ബയോമെട്രിക് ലോക്ക്; സ്വകാര്യ വിവരങ്ങൾ സുരക്ഷിതമാക്കാൻ അറിയേണ്ട 10 കാര്യങ്ങൾ

ആധാർ വിവരങ്ങളുടെ സുരക്ഷ വർദ്ധിപ്പിക്കുന്നതിനായി ബയോമെട്രിക് ലോക്ക് സംവിധാനം ഉപയോഗിക്കാം. ആധാർ ആപ്പ് വഴി വിരലടയാളം, ഐറിസ് തുടങ്ങിയ വിവരങ്ങൾ ലോക്ക് ചെയ്യുന്നതിലൂടെ അനധികൃത ഉപയോഗം തടയാൻ സാധിക്കും.

ആധാർ സുരക്ഷയ്ക്ക് പുതിയ ശീലം

ആധാർ വിവരങ്ങളുടെ സുരക്ഷ വർധിപ്പിക്കാൻ കൂടുതൽ പേർ ബയോമെട്രിക് ലോക്ക് സംവിധാനം ഉപയോഗിക്കുന്നു. ആധാർ ആപ്പ് നാല് കോടിയിലധികം തവണ ഡൗൺലോഡ് ചെയ്തിട്ടുണ്ട്.

ബയോമെട്രിക് ലോക്ക് എന്താണ്?

വിരലടയാളം, ഐറിസ്, മുഖം തിരിച്ചറിയൽ വിവരങ്ങൾ ലോക്ക് ചെയ്ത് അനധികൃത ഉപയോഗം തടയാൻ സഹായിക്കുന്ന സുരക്ഷാ സംവിധാനമാണ് ബയോമെട്രിക് ലോക്ക്.

എന്തിനാണ് ഇത് ഉപയോഗിക്കേണ്ടത്?

ബയോമെട്രിക് വിവരങ്ങൾ ലോക്ക് ചെയ്താൽ അൺലോക്ക് ചെയ്യുന്നതുവരെ ആധാർ സ്ഥിരീകരണത്തിന് അവ ഉപയോഗിക്കാൻ കഴിയില്ല. ഇതിലൂടെ സ്വകാര്യത കൂടുതൽ സുരക്ഷിതമാകും.

മൊബൈൽ നമ്പർ നിർബന്ധം

ഈ സേവനം ഉപയോഗിക്കാൻ ആധാറുമായി മൊബൈൽ നമ്പർ രജിസ്റ്റർ ചെയ്തിരിക്കണം. അല്ലാത്തപക്ഷം ബയോമെട്രിക് ലോക്ക് സജീവമാക്കാൻ കഴിയില്ല.

ലോക്ക് ചെയ്താൽ എന്ത് സംഭവിക്കും?

ലോക്ക് ചെയ്ത ബയോമെട്രിക് വിവരങ്ങൾ ഉപയോഗിച്ച് ആധാർ സ്ഥിരീകരിക്കാൻ ശ്രമിച്ചാൽ അത് പരാജയപ്പെടും.

'330' എറർ കോഡ് എന്താണ്?

ബയോമെട്രിക് വിവരങ്ങൾ ലോക്ക് ചെയ്തിരിക്കുമ്പോൾ സ്ഥിരീകരണ ശ്രമം നടത്തിയാൽ '330' എന്ന പിശക് കോഡ് ലഭിക്കും. ഇത് സുരക്ഷാ ഫീച്ചർ പ്രവർത്തിക്കുന്നുവെന്നതിന്റെ സൂചനയാണ്.

എങ്ങനെ ലോക്ക് ചെയ്യാം?

ആധാർ ആപ്പ് തുറന്ന് 6 അക്ക പിൻ നൽകി ലോഗിൻ ചെയ്യുക. തുടർന്ന് Biometric Lock/Unlock ഓപ്ഷൻ തിരഞ്ഞെടുത്ത് സ്ഥിരീകരിച്ചാൽ മതി.

മറ്റൊരു മാർഗം

ആപ്പിലെ സെക്യൂരിറ്റി വിഭാഗത്തിൽ കയറി Biometric Lock/Unlock തിരഞ്ഞെടുക്കുകയും സ്ഥിരീകരിക്കുകയും ചെയ്താലും ബയോമെട്രിക് ലോക്ക് ആക്ടീവാക്കാം

എങ്ങനെ അൺലോക്ക് ചെയ്യാം?

ആധാർ സേവനം ഉപയോഗിക്കേണ്ട സമയത്ത് ഇതേ ഓപ്ഷനിൽ പ്രവേശിച്ച് സ്ഥിരീകരിച്ചാൽ ബയോമെട്രിക് വിവരങ്ങൾ വീണ്ടും അൺലോക്ക് ചെയ്യാം.

സുരക്ഷ കൂട്ടാൻ ലളിതമായ മാർഗം

ബയോമെട്രിക് വിവരങ്ങൾ ഉപയോഗിക്കാത്ത സമയങ്ങളിൽ ലോക്ക് ചെയ്തുവെക്കുകയും ആവശ്യമുള്ളപ്പോൾ മാത്രം അൺലോക്ക് ചെയ്യുകയും ചെയ്യുന്നത് ആധാർ വിവരങ്ങളുടെ സുരക്ഷ വർധിപ്പിക്കാൻ സഹായിക്കും.