അസിഡിറ്റിയെ തടയാന് ഭക്ഷണ കാര്യത്തില് ശ്രദ്ധിക്കേണ്ട കാര്യങ്ങള്...
Synopsis
ഭക്ഷണം കഴിച്ചയുടന് അനുഭവപ്പെടുന്ന വയറെരിച്ചിലാണ് അസിഡിറ്റിയുടെ പ്രധാന ലക്ഷണം. ചിലരില് വയറു വേദനയും നെഞ്ചെരിച്ചിലും ഉണ്ടാകാം.
ജോലിത്തിരക്കിനിടയില് ഭക്ഷണം കൃത്യമായി കഴിക്കാത്തവരാണ് നമ്മളില് പലരും. അത്തരക്കാരില് അസിഡിറ്റി ഉണ്ടാകാനുള്ള സാധ്യത ഏറെയാണ്. ഭക്ഷണം കഴിച്ചയുടന് അനുഭവപ്പെടുന്ന വയറെരിച്ചിലാണ് അസിഡിറ്റിയുടെ പ്രധാന ലക്ഷണം. ചിലരില് വയറു വേദനയും നെഞ്ചെരിച്ചിലും ഉണ്ടാകാം.
ചികിത്സിച്ചില്ലെങ്കില് അള്സറും പിന്നീട് അതിലും ഗുരുതരമായ ആരോഗ്യ പ്രശ്നങ്ങളും ഉണ്ടാകാം. ജീവിതശൈലിയില് ഉണ്ടായ മാറ്റങ്ങളും, ഭക്ഷണരീതിയില് വരുന്ന മാറ്റങ്ങളും, മാനസിക സംഘര്ഷവുമൊക്കെ അസിഡിറ്റിക്ക് കാരണമായേക്കാം. അസിഡിറ്റിയെ തടയാന് ഭക്ഷണ കാര്യത്തില് ശ്രദ്ധിക്കേണ്ട ചില കാര്യങ്ങള് എന്തൊക്കെയാണെന്ന് നോക്കാം.
ഒന്ന്...
അസിഡിറ്റിയെ തടയാന് കൃത്യസമയത്ത് തന്നെ ഭക്ഷണം കഴിക്കുക. കഴിക്കുന്ന ഭക്ഷണത്തിനിടയിലുളള ഇടവേളകള് ചുരുക്കി ഇടയ്ക്കിടയ്ക്ക് പഴങ്ങളും നട്സുമൊക്കെ കഴിക്കാം.
രണ്ട്...
ഒരുപാട് ഭക്ഷണം ഒരുമിച്ച് കഴിക്കുന്നത് ഒഴുവാക്കുകയും വേണം. അതുപോലെ തന്നെ, ഭക്ഷണം സാവധാനം കഴിക്കുക.
മൂന്ന്...
ഭക്ഷണത്തിന് അരമണിക്കൂര് മുമ്പോ അരമണിക്കൂറിന് ശേഷമോ വെള്ളം കുടിക്കുക. ദഹനം എളുപ്പത്തിലാക്കുന്നതിലും ആസിഡ് ഉത്പാദനത്തിന്റെ വ്യതിയാനം ക്രമപ്പെടുത്തുന്നതിനും വെള്ളം കുടിക്കുന്നത് നല്ലതാണ്.
നാല്...
എണ്ണയും കൊഴുപ്പും എരുവും നിറഞ്ഞ ഭക്ഷണങ്ങള് ഒഴിവാക്കുക.
അഞ്ച്...
ആസിഡ് അടങ്ങിയ ഓറഞ്ച്, നാരങ്ങ മുതലായ പഴങ്ങള് അധികം കഴിക്കാതിരിക്കുന്നതാണ് നല്ലത്.
ആറ്...
ചിലരില് ഉരുളക്കിഴങ്ങ്, ബീന്സ് എന്നിവ അസിഡിറ്റി ഉണ്ടാക്കാം. ഇത്തരത്തില് അസിഡിറ്റി കൂട്ടുന്ന ഭക്ഷ്യവസ്തുക്കള് കണ്ടെത്തി ഒഴിവാക്കാനും ശ്രദ്ധിക്കുക.
ഏഴ്...
ഭക്ഷണം കഴിച്ചയുടനുളള ഉറക്കം ഒഴിവാക്കുക. രാത്രി ഏറെ നേരം വൈകി ഭക്ഷണം കഴിക്കുന്നതും ദഹനം വളരെ പതുക്കെയാകാന് കാരണമാകും.
Also Read: പാല് കുടിക്കാന് മടിയാണോ? ഡയറ്റില് ഉള്പ്പെടുത്താം കാത്സ്യം അടങ്ങിയ ഈ ഭക്ഷണങ്ങള്...
കൊവിഡ് മഹാമാരിയുടെ ഈ കാലത്ത്, എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്സിന് എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യര്ത്ഥിക്കുന്നു. ഒന്നിച്ച് നിന്നാല് നമുക്കീ മഹാമാരിയെ തോല്പ്പിക്കാനാവും. #BreakTheChain #ANCares #IndiaFightsCorona