ഉയർന്ന കൊളസ്ട്രോൾ മുടികൊഴിച്ചിലിന് കാരണമാകുമോ? പഠനം

ജോൺ ഹോപ്കിൻസിൽ നിന്നുള്ള ഗവേഷകർ അടുത്തിടെ എലികളിൽ ഗവേഷണം നടത്തുകയുണ്ടായി. ഉയർന്ന കൊളസ്ട്രോൾ അകാലനരയ്ക്കും മുടികൊഴിച്ചിലിനും കാരണമാകുമെന്ന് കണ്ടെത്തി. 

ശരീരത്തിലെ എല്ലാ കോശങ്ങളിലും അടങ്ങിയിരിക്കുന്ന മഞ്ഞ-വെളുത്ത മെഴുക് പോലെയുള്ള കൊഴുപ്പാണ് കൊളസ്ട്രോൾ. കോശങ്ങളും അവയവങ്ങളും ശരിയായി പ്രവർത്തിക്കുന്നത് അത്യന്താപേക്ഷിതമാണ്. കൂടാതെ ഹോർമോൺ, വൈറ്റമിൻ, ദഹന ദ്രാവകം എന്നിവയുടെ ഉത്പാദനത്തിൽ ഒരു പ്രധാന പങ്ക് വഹിക്കുന്നു. എന്നിരുന്നാലും, ഉയർന്ന കൊളസ്ട്രോളിന്റെ അളവ് ആശങ്കാജനകമായ ആരോഗ്യപ്രശ്നങ്ങളിലേക്ക് നയിച്ചേക്കാം.

മുടിയിലെ മാറ്റം അനാരോഗ്യകരമായ ഭക്ഷണക്രമം മൂലമുണ്ടാകുന്ന കൊളസ്‌ട്രോളിന്റെ ലക്ഷണമാകാം. ജോൺ ഹോപ്കിൻസിൽ നിന്നുള്ള ഗവേഷകർ അടുത്തിടെ എലികളിൽ ഗവേഷണം നടത്തുകയുണ്ടായി. ഉയർന്ന കൊളസ്ട്രോൾ അകാലനരയ്ക്കും മുടി കൊഴിച്ചിലിനും കാരണമാകുമെന്ന് കണ്ടെത്തി.

'സയന്റിഫിക് റിപ്പോർട്ടുകൾ' എന്ന നേച്ചർ ജേണലിലാണ് പഠനം പ്രസിദ്ധീകരിച്ചത്. ഗവേഷണത്തിനായി, എലികളെ രണ്ട് ഗ്രൂപ്പുകളായി തിരിച്ചു.  ഒന്ന് സാധാരണ ഭക്ഷണക്രമമുള്ള ​ഗ്രൂപ്പുമായും മറ്റൊന്ന് ഉയർന്ന കൊഴുപ്പും ഉയർന്ന കൊളസ്ട്രോളുള്ള ഭക്ഷണക്രമമായും തിരിച്ചു.

ഉയർന്ന കൊഴുപ്പുള്ള ഭക്ഷണങ്ങൾ കഴിച്ച എലികൾക്ക് മുടി കൊഴിച്ചിൽ ഉണ്ടാകുന്നതായി ഗവേഷകർ കണ്ടെത്തി. എലികൾക്ക് തുടക്കത്തിൽ 12 ആഴ്ചയിൽ കൂടുതൽ പ്രായമുണ്ടായിരുന്നില്ല. 36 ആഴ്ച പ്രായമായപ്പോൾ, ഉയർന്ന കൊഴുപ്പും ഉയർന്ന കൊളസ്ട്രോളും അടങ്ങിയ ഭക്ഷണത്തിലെ 75% എലികൾക്കും കഠിനമായ മുടി കൊഴിച്ചിൽ അനുഭവപ്പെട്ടു. പാശ്ചാത്യ ഭക്ഷണക്രമം എലികളിൽ മുടികൊഴിച്ചിലിനും അകാലനരയ്ക്കും കാരണമാകുമെന്ന് ഞങ്ങളുടെ കണ്ടെത്തലുകൾ കാണിക്കുന്നു. 

പഠനങ്ങൾ അനുസരിച്ച്, കൊളസ്ട്രോൾ മൂലമുണ്ടാകുന്ന മാറ്റങ്ങൾ cicatricial അലോപ്പീസിയയ്ക്ക് വഴിയൊരുക്കും. രോമകൂപങ്ങളിലെ സ്റ്റെം സെല്ലുകളെ ശാശ്വതമായി നശിപ്പിക്കുകയും അല്ലെങ്കിൽ ഫൈബ്രോസിസ് ഉണ്ടാക്കുകയും ചെയ്യാം. ചിലപ്പോൾ, പെരിഫറൽ ആർട്ടറി ഡിസീസ് (പിഎഡി) ന്റെ പ്രാരംഭ ഘട്ടത്തിലുള്ള രോഗികൾക്ക് കാലുകളിൽ മുടി കൊഴിച്ചിൽ അനുഭവപ്പെടാം. ധമനികളിൽ ഉയർന്ന കൊളസ്ട്രോൾ അടിഞ്ഞുകൂടുന്നത് രക്തയോട്ടം മന്ദഗതിയിലാക്കാൻ തുടങ്ങുന്നു.