ക്യാൻസർ പ്രതിരോധം വീട്ടിൽ നിന്ന് തുടങ്ങാം; ഈ ദൈനംദിന ശീലങ്ങൾ ക്യാൻസർ സാധ്യത കുറയ്ക്കും

ശരീരത്തിലെ കോശങ്ങൾ അനിയന്ത്രിതമായി വളരുകയും വിഭജിക്കപ്പെടുകയും ചെയ്യുമ്പോഴാണ് ക്യാൻസർ ആരംഭിക്കുന്നത്.

ലോകമെമ്പാടുമുള്ള മരണങ്ങളുടെ പ്രധാന കാരണങ്ങളിലൊന്നാണ് ക്യാൻസർ. എന്നാൽ നമ്മുടെ ദൈനംദിന ജീവിതശൈലിയിലെ ചില മാറ്റങ്ങൾ ക്യാൻസറിനെ പ്രതിരോധിക്കാൻ സഹായിക്കും. നാം കഴിക്കുന്ന ഭക്ഷണം, ശാരീരിക അധ്വാനം, ജീവിക്കുന്ന സാഹചര്യം, ദീർഘകാലമായി തുടരുന്ന ശീലങ്ങൾ എന്നിവയെല്ലാം ക്യാൻസറിനെതിരെയുള്ള ശക്തമായ പ്രതിരോധം തീർക്കാൻ ശരീരത്തെ സഹായിക്കുന്നു.

പ്രതിരോധം എങ്ങനെ പ്രവർത്തിക്കുന്നു?

ശരീരത്തിലെ കോശങ്ങൾ അനിയന്ത്രിതമായി വളരുകയും വിഭജിക്കപ്പെടുകയും ചെയ്യുമ്പോഴാണ് ക്യാൻസർ ആരംഭിക്കുന്നത്. പുകവലി, മോശം ഭക്ഷണരീതി, അമിതവണ്ണം, വിഷവസ്തുക്കളുമായുള്ള സമ്പർക്കം എന്നിങ്ങനെ ഈ അവസ്ഥയ്ക്ക് കാരണമാകുന്ന പല ഘടകങ്ങളും നമ്മുടെ ജീവിതശൈലിയുമായും ചുറ്റുപാടുകളുമായും ബന്ധപ്പെട്ടിരിക്കുന്നു. ഈ ശീലങ്ങൾ ഒഴിവാക്കൂ.

1. പുകയില ഉപേക്ഷിക്കുക

സിഗററ്റ്, ബീഡി, പുകയില ഉൽപ്പന്നങ്ങളുടെ ഉപയോഗം തുടങ്ങിയവ പൂർണ്ണമായും ഒഴിവാക്കുക എന്നതാണ് ക്യാൻസർ തടയാൻ ചെയ്യേണ്ട ആദ്യത്തെ കാര്യം. ഇത് ശ്വാസകോശം, തൊണ്ട, വായ, ആമാശയം, മൂത്രാശയം തുടങ്ങി ശരീരത്തിന്റെ വിവിധ ഭാഗങ്ങളിലെ ക്യാൻസറിന് കാരണമാകുന്നു. പുകയില പൂർണ്ണമായും ഒഴിവാക്കുന്നതിലൂടെ ഈ സാധ്യത ഇല്ലാതാക്കാം.

2. ആരോഗ്യകരമായ ഭക്ഷണരീതി

പഴങ്ങൾ, പച്ചക്കറികൾ, ധാന്യങ്ങൾ, പയറുവർഗ്ഗങ്ങൾ എന്നിവ ധാരാളമായി കഴിക്കുന്നത് വഴി ശരീരത്തിന് ആവശ്യമായ ആന്റിഓക്‌സിഡന്റുകൾ, ഫൈബർ, ഫൈറ്റോന്യൂട്രിയന്റുകൾ എന്നിവ ലഭിക്കുന്നു. ഇവ കോശങ്ങൾ നശിക്കുന്നത് തടയുകയും രോഗപ്രതിരോധ ശേഷി വർദ്ധിപ്പിക്കുകയും ചെയ്യും.

3. വ്യായാമങ്ങൾ ചെയ്യുക

കൃത്യമായ വ്യായാമം സ്തനാർബുദം, വൻകുടലിലെ ക്യാൻസർ തുടങ്ങിയ വിവിധ തരം ക്യാൻസറുകളുടെ സാധ്യത കുറയ്ക്കും. ദിവസവുമുള്ള നടത്തം, സൈക്ലിംഗ്, അല്ലെങ്കിൽ വീട്ടുജോലികൾ എന്നിവയെല്ലാം ഗുണം ചെയ്യും. ലിഫ്റ്റിന് പകരം പടികൾ കയറുന്നത് പോലുള്ള ചെറിയ മാറ്റങ്ങൾ പോലും നിങ്ങളുടെ മൊത്തത്തിലുള്ള ശാരീരിക അധ്വാനത്തെ വർദ്ധിപ്പിക്കും.

4. ആരോഗ്യകരമായ ശരീരഭാരം നിലനിർത്തുക

അമിതവണ്ണമോ കൊഴുപ്പോ ഉള്ളവരിൽ കുറഞ്ഞത് 13 തരം ക്യാൻസറുകളുടെയെങ്കിലും സാധ്യത കൂടുതലാണ്. ശരീരത്തിലെ അമിത കൊഴുപ്പ് ഇൻസുലിൻ, ഈസ്ട്രജൻ തുടങ്ങിയ ഹോർമോണുകളുടെ അളവിൽ വ്യതിയാനങ്ങൾ വരുത്തുകയും ഇത് ക്യാൻസർ കോശങ്ങൾ വളരാൻ അനുകൂലമായ സാഹചര്യം ഒരുക്കുകയും ചെയ്യും.

5. മദ്യപാനം പരിമിതപ്പെടുത്തുക

മദ്യപാനം സ്തനാർബുദം, കരൾ ക്യാൻസർ, വായയിലെ ക്യാൻസർ, വൻകുടലിലെ ക്യാൻസർ എന്നിവയ്ക്കുള്ള സാധ്യത വർദ്ധിപ്പിക്കുന്നു. ഉപയോഗിക്കുന്ന മദ്യത്തിന്റെ അളവ് കൂടുന്നതനുസരിച്ച് ഈ അപകടസാധ്യതയും വർദ്ധിക്കും. അതിനാൽ മദ്യപാനം പൂർണ്ണമായും ഒഴിവാക്കുകയോ അല്ലെങ്കിൽ പരമാവധി പരിമിതപ്പെടുത്തുകയോ ചെയ്യേണ്ടത് അത്യാവശ്യമാണ്.

7. ഉറക്കത്തിനും മാനസിക സമ്മർദ്ദം കുറയ്ക്കുന്നതിനും മുൻഗണന നൽകുക

മോശം ഉറക്കവും മാനസിക സമ്മർദ്ദവും നേരിട്ട് ക്യാൻസറിന് കാരണമാകുന്നില്ലെങ്കിലും അവ ശരീരത്തിന്റെ രോഗപ്രതിരോധ ശേഷിയെയും ഹോർമോൺ നിലയെയും ദോഷകരമായി ബാധിക്കാം. കൃത്യമായ ഉറക്കം, യോഗ, ധ്യാനം എന്നിവയിലൂടെ മാനസിക സമ്മർദ്ദം കുറയ്ക്കുന്നത് ആരോഗ്യം മെച്ചപ്പെടുത്താൻ സഹായിക്കും.

8. കൃത്യമായ പരിശോധനകൾ നടത്തുക

രോഗം നേരത്തെ കണ്ടെത്തുന്നത് ജീവൻ രക്ഷിക്കാൻ സഹായിക്കും. അതിനാൽ ചെറിയ ലക്ഷണങ്ങൾ കണ്ടാൽ പോലും പരിശോധനകൾ നടത്താൻ മടിക്കരുത്.