ചുമയും ജലദോഷവും മാറാതെ നിൽക്കുകയാണോ? എങ്കിൽ ശൈത്യകാലത്ത് ഈ പത്ത് ഭക്ഷണങ്ങൾ ഒഴിവാക്കൂ

എണ്ണയിൽ വറുത്ത ഭക്ഷണങ്ങൾ പരമാവധി ഒഴിവാക്കുക. എണ്ണമയമുള്ളതും, ദഹിക്കാൻ പ്രയാസമുള്ളതുമായ ഭക്ഷണങ്ങൾ ദഹനത്തകാര്യമായി ബാധിക്കാം. 

ശൈത്യകാലത്ത് വിവിധ രോ​​ഗങ്ങളാണ് പിടിപെടുന്നത്. പലരിലും കണ്ട് വരുന്ന രണ്ട് പ്രശ്നങ്ങളാണ് ഇടവിട്ട് വരുന്ന ചുമയും ജലദോഷവും. പ്രതിരോധ ശേഷി കുറയുന്നതു മൂലമാണ് അസുഖങ്ങൾ പിടിപെടുന്നത്. ജലദോഷം, കഫകെട്ട്, ചുമ തുടങ്ങിയ അസുഖങ്ങളാണ് പ്രധാനമായും ഉണ്ടാകുന്നത്. ശൈത്യകാലത്ത് പ്രധാനമായുും ഒഴിവാക്കേണ്ട ചില ഭക്ഷണങ്ങളെ കുറിച്ചാണ് ഇനി പറയുന്നത്....

ഒന്ന്

ശൈത്യകാലത്ത് ചായയും കാപ്പിയും ആശ്വാസം നൽകുമെങ്കിലും ഇതിലെ അമിതമായ കഫീൻ ശരീരത്തെ നിർജ്ജലീകരണത്തിന് ഇടയാക്കും. നിർജലീകരണം തൊണ്ടയെയും മൂക്കിലെ ഭാഗങ്ങളെയും വരണ്ടതാക്കുന്നു. ഇത് വൈറസുകൾ ശരീരത്തിൽ പെട്ടെന്ന് കയറാൻ ഇടയാക്കും. അധിക കഫീൻ കാലക്രമേണ പ്രതിരോധശേഷി ദുർബലപ്പെടുത്തുകയും ചെയ്യുന്നതായി ആരോ​ഗ്യ വിദ​ഗ്ധർ പറയുന്നു.

രണ്ട്

മദ്യം ശരീരത്തിന്റെ അണുബാധകളെ ചെറുക്കാനുള്ള കഴിവ് കുറയ്ക്കുകയും തൊണ്ട വരണ്ടതാക്കുകയും ചെയ്യുന്നു. ഇത് ശ്വസനവ്യവസ്ഥയിലെ വീക്കം വർദ്ധിപ്പിക്കുകയും ചുമയും തൊണ്ടവേദനയും വഷളാക്കുകയും ചെയ്യും. ശൈത്യകാലത്ത്, മദ്യം പരിമിതപ്പെടുത്തുന്നത് രോഗപ്രതിരോധ ശേഷി ശക്തമായി നിലനിർത്താൻ സഹായിക്കുന്നു.

മൂന്ന്

എണ്ണയിൽ വറുത്ത ഭക്ഷണങ്ങൾ പരമാവധി ഒഴിവാക്കുക. എണ്ണമയമുള്ളതും, ദഹിക്കാൻ പ്രയാസമുള്ളതുമായ ഭക്ഷണങ്ങൾ ദഹനത്ത കാര്യമായി ബാധിക്കാം. ദഹനക്കുറവ് പ്രതിരോധശേഷിയെ ദുർബലപ്പെടുത്തുക ചെയ്യും. അതേസമയം അധിക എണ്ണ മ്യൂക്കസ് ഉത്പാദനം വർദ്ധിപ്പിക്കുകയും, ചുമയും നെഞ്ചെരിച്ചിലും വർദ്ധിപ്പിക്കുകയും ചെയ്യും.

നാല്

ബർഗർ, ഹോട്ട് ഡോഗ് തുടങ്ങിയ ജങ്ക് ഫുഡ്‌സിനോടും മറ്റു പലഹാരങ്ങളോടുമുള്ള താൽപര്യം കൂടുന്ന സമയമാണ് ശൈത്യം. ശൈത്യകാലത്ത് ശരീരം ദുർബലമായിരിക്കുന്ന സാഹചര്യത്തിൽ ഇത്തരം ഭക്ഷണം കഴിക്കുമ്പോൾ തൊണ്ടയിൽ കരകരപ്പുണ്ടാകുന്നതാണ്.

അഞ്ച്

വാഴപ്പഴം ആരോ​ഗ്യകരമാണെങ്കിലും ചിലരിൽ പ്രത്യേകിച്ച് തണുപ്പ് കാലത്ത്, അവ കഫം ഉത്പാദനം വർദ്ധിപ്പിക്കും. നിങ്ങൾക്ക് ഇതിനകം ശ്വസന പ്രശ്നങ്ങൾ ഉണ്ടാകാൻ സാധ്യതയുണ്ടെങ്കിൽ മൂക്കൊലിപ്പ്, തൊണ്ടവേദന അല്ലെങ്കിൽ ചുമ എന്നിവയെ കൂടുതൽ വഷളാക്കിയേക്കാം.

ആറ്

തേങ്ങാവെള്ളം ശരീരത്തിന് ജലാംശം നൽകുകയും തണുപ്പ് നൽകുകയും ചെയ്യുന്നു. ശൈത്യകാലത്ത് ഇത് കുടിക്കുന്നത് ദഹനത്തെ തടസ്സപ്പെടുത്തുകയും ജലദോഷം, ചുമ എന്നിവയ്ക്കുള്ള സാധ്യത വർദ്ധിപ്പിക്കുകയും ചെയ്യും.

ഏഴ്

ഓറഞ്ച്, മധുരനാരങ്ങ തുടങ്ങിയ സിട്രസ് പഴങ്ങളിൽ വിറ്റാമിൻ സി ധാരാളം അടങ്ങിയിട്ടുണ്ട്. എന്നാൽ ശൈത്യകാലത്ത് അവ അമിതമായി കഴിക്കുന്നത് സെൻസിറ്റീവ് വ്യക്തികളിൽ തൊണ്ടയിൽ അസ്വസ്ഥത ഉണ്ടാക്കുകയും ചുമയ്ക്ക് കാരണമാവുകയും ചെയ്യും.

എട്ട്

അധിക പഞ്ചസാര രോഗപ്രതിരോധ പ്രതികരണങ്ങളെ ദുർബലപ്പെടുത്തുന്നു, അതേസമയം അമിതമായ ഉപ്പ് തൊണ്ടയെയും മൂക്കിലെ ഭാഗങ്ങളെയും വരണ്ടതാക്കും. ഇടയ്ക്കിടെയുള്ള അണുബാധകൾക്കുള്ള സാധ്യത കുറയ്ക്കുന്നതിന് പായ്ക്ക് ചെയ്ത ലഘുഭക്ഷണങ്ങൾ, മധുരപലഹാരങ്ങൾ എന്നിവ പരിമിതപ്പെടുത്തണം.

ഒൻപത്

ശീതളപാനീയങ്ങൾ ചുമയ്ക്ക് കാരണമാവുകയും കഫം ഉത്പാദനം വർദ്ധിപ്പിക്കുകയും ചെയ്യും. ശൈത്യകാലത്ത്, ശീതളപാനീയങ്ങൾക്ക് പകരം ചൂടുവെള്ളം, ഹെർബൽ ടീ അല്ലെങ്കിൽ സൂപ്പുകൾ എന്നിവ കുടിക്കുന്നത് നല്ലതാണ്.

പത്ത്

പാൽ, ചീസ്, ക്രീം എന്നിവ ചിലരിൽ കഫം കട്ടിയാക്കുകയും ചുമയ്ക്ക് ഇടയാക്കുകയും ചെയ്യും. കഫം പ്രശ്നം ഉള്ളവർ ശൈത്യകാലത്ത് പാലുൽപ്പന്നങ്ങൾ കഴിക്കുന്നത് പരിമിതപ്പെടുത്തുന്നതാണ് നല്ലത്.