ക്യാൻസർ സാധ്യത കുറയ്ക്കുന്ന അഞ്ച് ഭക്ഷണങ്ങൾ

മധുരക്കിഴങ്ങ് ക്യാൻസർ പ്രതിരോധ ഭക്ഷണക്രമത്തിൽ ഉൾപ്പെടുത്താവുന്നതാണ്. മധുരക്കിഴങ്ങ് വൻകുടൽ ക്യാൻസർ കോശങ്ങളുടെ വളർച്ച മന്ദഗതിയിലാക്കാൻ സഹായിച്ചേക്കാം. മധുരക്കിഴങ്ങ് വേവിച്ചോ ചപ്പാത്തിയായോ എല്ലാം കഴിക്കാവുന്നതാണ്.

നമ്മൾ കഴിക്കുന്ന ഭക്ഷണത്തിന് കാൻസർ കോശങ്ങളെ ഉത്തേജിപ്പിക്കാനോ ചെറുക്കാനോ കഴിയും. ഭക്ഷണക്രമത്തിൽ മാറ്റം വരുത്തുന്നത് ക്യാൻസർ സാധ്യത കുറയ്ക്കാൻ സഹായിക്കും. ആന്റിഓക്‌സിഡന്റുകൾ, നാരുകൾ, ഫൈറ്റോകെമിക്കലുകൾ എന്നിവ അടങ്ങിയ ഭക്ഷണങ്ങൾ ഡയറ്റിൽ ഉൾപ്പെടുത്തുക. ഇത് ക്യാൻസർ കോശങ്ങളുടെ വളർച്ചയെ മന്ദഗതിയിലാക്കാനും, വീക്കം തടയാനും, രോഗപ്രതിരോധ സംവിധാനത്തെ പിന്തുണയ്ക്കാനും കഴിയും. ക്യാൻസർ സാധ്യത കുറയ്ക്കുന്ന അഞ്ച് ഭക്ഷണങ്ങളെ കുറിച്ചാണ് ഇനി പറയുന്നത്.

മധുരക്കിഴങ്ങ്

മധുരക്കിഴങ്ങ് ക്യാൻസർ പ്രതിരോധ ഭക്ഷണക്രമത്തിൽ ഉൾപ്പെടുത്താവുന്നതാണ്. മധുരക്കിഴങ്ങ് വൻകുടൽ ക്യാൻസർ കോശങ്ങളുടെ വളർച്ച മന്ദഗതിയിലാക്കാൻ സഹായിച്ചേക്കാം. മധുരക്കിഴങ്ങ് വേവിച്ചോ ചപ്പാത്തിയായോ എല്ലാം കഴിക്കാവുന്നതാണ്.

ബ്രൊക്കോളി

കൂടുതൽ ബ്രോക്കോളിയും മറ്റ് പച്ചക്കറികളും കഴിക്കുന്നത് സ്തനാർബുദം, വൻകുടൽ ക്യാൻസർ, വായിലെ അർബുദം എന്നിവ വരാനുള്ള സാധ്യത ഗണ്യമായി കുറയ്ക്കും. ധാരാളം ആൻ്റി ഓക്സിഡൻ്റുകളാൽ സമ്പുഷ്ടമാണ് ബ്രോക്കോളി. വൈറ്റമിൻ സിയും ബീറ്റ കരോട്ടിനും ഇതിൽ അടങ്ങിയിട്ടുണ്ട്. ശരീരത്തിലെ ഹോർമോൺ ബാലൻസ് നിലനിർത്തുന്നതിനും ഏറെ നല്ലതാണ് ബ്രോക്കോളി.

കിവിപ്പഴം

കിവികളിൽ വിറ്റാമിൻ സി, ഫൈബർ, പോളിഫെനോൾസ് എന്നിവ ധാരാളം അടങ്ങിയിട്ടുണ്ട്. അവ പ്രാരംഭ കോശ നാശം തടയാൻ സഹായിക്കുക മാത്രമല്ല, നിലവിലുള്ള ഡിഎൻഎ നന്നാക്കാനുള്ള ശരീരത്തിന്റെ കഴിവിനെ സജീവമായി ഉത്തേജിപ്പിക്കുകയും ചെയ്യുന്നു. കിവി പഴത്തിന് ക്യാൻസർ ഭേദമാക്കാൻ കഴിയില്ല, പക്ഷേ അതിൽ കാൻസർ സാധ്യത കുറയ്ക്കുകയും ചികിത്സയ്ക്കിടെ രോഗികളെ പിന്തുണയ്ക്കുകയും ചെയ്യുന്ന ശക്തമായ പോഷകങ്ങൾ അടങ്ങിയിരിക്കുന്നു.

​ഗ്രീൻ ടീ

ഗ്രീൻ ടീയിൽ എപ്പിഗല്ലോകാടെച്ചിൻ-3-ഗാലേറ്റ് എന്ന ശക്തമായ ആന്റിഓക്‌സിഡന്റ് അടങ്ങിയിട്ടുണ്ട്. പതിവായി ​ഗ്രീൻ ടീ കഴിക്കുന്നത് ക്യാൻസർ സാധ്യത കുറയ്ക്കുന്നതുമായി ബന്ധപ്പെട്ടിരിക്കുന്നു.

പയർവ​ർ​ഗങ്ങൾ

ഉയർന്ന നാരുകൾ അടങ്ങിയ പയർവർ​ഗങ്ങൾ ക്യാൻസർ സാധ്യത കുറയ്ക്കും. അര കപ്പ് ചെറുപയറിൽ 7-8 ഗ്രാം നാരുകൾ അടങ്ങിയിട്ടുണ്ട്. കൂടുതൽ നാരുകൾ കഴിക്കുന്നത് വൻകുടൽ ക്യാൻസർ സാധ്യത കുറയ്ക്കുന്നതുമായി ബന്ധപ്പെട്ടിരിക്കുന്നു.